【工作午餐日记】我要尝遍正佳@汉拿山--星期五的广发卡真的真的很给力吖!!
35300203美食&下厨
话说清帖行动开始之后,我就有计划有预谋有步骤地先清晒D正佳帖,哈哈,呢餐食的时间比较近,就系上星期五的事情,原本嘛,都无谂住中午去食烤肉甘肥腻的,不过嘛,我地忽然谂起无双小编有个招行VS广发的优惠帖,星期五的广发我地一直都只系用系星爸爸身上,好似唔多着数,于是转念一谂,决定去汉拿山睇睇,因为之前同事CK话过要提早预约的,所以本来我地都谂住博下大雾,点知个咨客又话唔洗预定都OK,于是我地就决定食烤肉了。
2011/11/29
全部回帖
郭小敏0929楼4楼
打开餐牌都是三十至六十左右的肉类,本来想来个牛肉全食的,但担心牛舌的味道另外两位同事受不了,而且全部食牛好像也很寡,于是我地就决定散点了,点佐猪梅肉,腌制肥牛,鸡腿肉,培根金针菇同埋蔬菜拼盘,因为大家都中意食茄子,所以再加多个茄子添,三个女仔食甘多野,哈哈。
2011/11/29回复
郭小敏0929楼6楼
酱料系自己去点酱台拣的,好似系5蚊一位,烤炉系要开炉费8蚊的,呢D广发卡都无得打折,同埋一D原本已经系优惠套餐里面的菜式都唔可以打折。不过我地今次系散点,所以D菜式全部都可以打折,好抵。
2011/11/29回复
郭小敏0929楼8楼
猪梅肉系因为上次睇到karen的帖所以点的,肉质颇厚,烤的时候肉油嗞嗞冒出,香气四溢,厚厚的肉身浑然弥漫着一股“你快来吃我吧”的气息,令人忍不住食指大动..
2011/11/29回复
郭小敏0929楼11楼
其实我地几个都系比较中意食烤茄子的人,蔬菜拼盘里面既包含茄子,又有西葫芦瓜,红薯,土豆,洋葱等,一盘就有齐晒所需,而且原价好似系24蚊,半价之后系12蚊,真系抵到烂啊!可惜呢,距地呢度无好似江湖烤肉甘另外比D油我地,面头黄色果D又唔多似油,加之当我地问D服务员攞油的时候,距地表示个烤锅上面已经扫佐一层油了,已经足够了。但系呢,经过我地实践,发现无油烤出黎的话真系唔好食,好Dry,而且D边边都焦燶晒了,所以极度唔明白点解呢度烤蔬菜唔比油!搞到后来我地要边烤肉,再利用D肉油去烤蔬菜,食到好狼狈。
2011/11/29回复
郭小敏0929楼12楼
最后的培根金针菇上得好慢,催了几次,因为我地中午食饭时间比较短,所以当碟培根金针菇一上黎的时候,我地都唔理三七二十一了,照放落去一锅熟,乱炒一通,哈哈,完事了再捞上黎重新包好。虽然系甘,但培根本身就已经好香,金针菇又容易吸油,两者天生就系绝配,所以味道唔会差得去边咯。
2011/11/29回复
郭小敏0929楼13楼
食饱饭仲有雪糕送,椰子味,唔错,冰冰冻够晒解腻啊。最后埋单114蚊,茶位开炉费同酱料费无得打折,感觉星期五的话,值得成为饭堂,不过活动好似到年底就无了,希望长搞喇,哈哈。
2011/11/29回复
郭小敏0929:
[图片]话说清帖行动开始之后,我就有计划有预谋有步骤地先清晒D正佳帖,哈哈,呢餐食的时间比较近,就系上星期五的事情,原本嘛,都无谂住中午去食烤肉甘肥腻的,不过嘛,我地忽然谂起无双小编有个招行VS广发的优惠帖,星期五的广发我地一直都只系用系星爸爸身上,好似唔多着数,于是转念一谂,决定去汉拿山睇睇,因为之前同事CK话过要提早预约的,所以本来我地都谂住博下大雾,点知个咨客又话唔洗预定都OK,于是我地就决定食烤肉了。
查看原文哇~~哇,好正,口水流啊流
2011/11/29回复