lycheesisi
这是怀孕16W+左右，
無記錯呢陣時仲系2010年，我依然帶住Terrence BB偷偷出席深夜“殺人局”大玩杀人游戏之后直落凌晨三点食宵夜，最紧要系当时组织中仲系未有人知道我系“2合一”嘅，哈～
怀孕18W+左右啦，上面呢三張相系踏入2011-1-2影既，當時的Terrence四個幾月了，嘻嘻，微微見肚（不過衣著嘅掩飾，幾乎呃曬所有人！）再加上貪靚嘅媽咪，仍然着高踭鞋參加JM既婚禮，充當一個不穿姊妹群嘅“姊妹”，同Terrence一同見證媽咪好姊妹既盛大婚禮。
参加完好姊妹婚礼就简短左三分一头发，唔系为坐月，只系觉得天气冻，隔日洗头太长麻烦咋。。。孕妇也要美的！~
影呢張相之前，好深刻咁記住一件事！就係我搭地鐵第一次接受“讓座”！！！橫睇掂睇我呢身打扮都唔似孕婦啦，真係唔明！
為左迎接Terrence，第一次開始剪短D頭髮，雖然伊然好長，但已經系歷年剪得最多既一次，從來唔捨得剪短嘅既我，今次最果斷了。
20w+,人地都话“有喜不贺喜”，唔可以参加喜宴婚礼，但我依然勇者无惧，不拘小节，“潮妈”就应该有潮嘅作风！嘻嘻！~~“妈咪开心，BB先会开心！”最记得呢次婚姻，我仲直落去唱K，大食水果，个个都禁止我食西瓜，我一于少理，照食！~哈，你睇我嘅Terrence出世之后咪一样咁活泼可爱，中系小肥B添！~！
29W+,一班好有心嘅初中同学，专登嚟我铺头探我地！仲带埋几个月大既美人小B琳琳妹嚟。
大概系32W+,又一次剪头发，
第二次剪頭髮，今次算最“終極”嘅一次，因為又剪左好多，只係比肩長少少。最記得呢一日唔見左手機，只可以用家姐果部玩自拍。
呢個時候應該有八個月了，但我依然可以健步如飛，不過睇得出已經有D水腫了，大概重左20斤左右。
終於由2合一，一分為2喇！～懷胎十月影相唔多，出月子，難得可以極速瘦身，雖然仲幾斤肥肉，不過遮遮掩掩，都唔係好覺～
生日呢日，Terrence啱好兩個月，我亦都回复90斤呢個標準體重，雖然比我最瘦果時仲差幾斤，但其實已經瘦得太快了，系完全無節食，無減肥嘅情況下，我呢D情況都真係好唔正常～！
完成了生產的任務，接下來更艱巨的就係撫養了，還有最重要的教育。。。養兒一百歲，長憂九十九，媽咪這個終身職業現在才開始，我發覺原來我並沒有充分的準備，可以做的，只能一步一個腳印咁努力。
多谢咁多位不厌其烦睇我废话一轮，希望我既怀孕回忆录可以比各位MAMA带来欢乐。。。
现在我的生活依然充实，在家凑B是一个不折不扣的师奶，不修边幅，但系有机会出街就肯定要打扮得美美地，华丽一下！~女人嘛，不能因为经历某些阶段就放弃自己，BB当然是我们的心肝宝贝，但也不能失去自我，要两者兼得，驾驭得好，是一门学问！~我在努力中，姊妹们，一齐加油吧！~
lycheesisi楼
太棒了～
