[香港圣诞]幸运地上到船，同HelloKitty提前过圣诞

   17号个日过香港，星期六的原因吧，超级多人。我系番禺，搭莲花山船去的。第一次过莲花山搭船，出发早佐，7点8个字就去到了。不过真系唔好以为早得挤，好彩早咋，原来超级多人搭船的，船票一早就俾人打电话订晒了，什么贵宾位，VIP都无晒了。（吓到我地心慌慌……计划好晒，香港的朋友都调埋假等我地过去玩了）。我地好紧张咁问个售票员，无票卖咁点算啊？个靓女就话可以帮我地排筹等候补的，但系唔一定会有位噶，10点4的就仲有贵宾票。我地二话不说，先就话买候补先了，排佐个二号筹。
   行埋一边之后，我地就拉拉林咁打电话，订定10点4的贵宾票了。捻住无候补就都要噶啦。ps：南沙个边要8点半之后先可以打电话问有无票，而且又唔知有无票喔，现场好多人知道无票之后都打电话去南沙个边问了，咁即系又有一批人争位。就算真系去南沙，搭到9点3的船，南沙尾班船系4点几，D时间太短了。
   捻住系番禺搭船即日来回的朋友记得了，一定要打电话去订位啊。84659906

   好紧张好紧张咁，候补号已经排到三十几了……8点半到了，我地搏晒命咁挤去前面，终于都等到叫二号的筹，买佐三张后补票，飞也似的去过关了。上到船，几乎全部位都坐晒，睇黎我地后边的后补位唔超过4个呢……

   8点46，为佐等我地，迟佐16分钟出发的船终于出发了。好开心好开心……前排的一个靓女接到距朋友的电话，8点几，深圳湾过关已经排队排到去停车场了。再一次证明，我地的选择系明智既，嘻嘻……HelloKitty，我地黎啦！