身为上班一族,年29先放假睇我精力十足搏杀大笪地扫年货!
222717谈天说地
呢个年黎得比较早,一时之间仲唔系好适应1月份就要过年囖。不过作为一个家在广州的老广,表面上算系精打细算嘅我一向都承担起屋企办年货嘅重担,今年都唔例外……可惜我地呢班打工仔,要到年29先放假,所以唯有系呢一日内买晒所有野,首先第一站就系去大笪地买挥春!!
之所以去大笪地买,其实就系一个习惯,从细细个就开始系果边买年货,所以就算知道一德路嘅年货仲多,我都比较偏向去翻大笪地,毕竟甘多年感情。
我坐地铁去嘅,一出D2出口对面就系大笪地,马上熟门熟路杀入去先!
入去直行就见到第一间卖挥春嘅店,店铺平时都系卖天堂遮噶,过年当然唔放过分一杯羹的机会,转行卖挥春。毕竟过年过年,好少人会去买“遮”,你估真系大把钱借出去咩!
呢间店D野今年中规中矩,无咩特别吸引我。之前果几年我记得拒D突然几新颖噶,所以今年有D失望。不过老板几好,可以讲价,服务态度唔错。
呢边就系得一档卖挥春,所以我就转战过去对面!根据我以往嘅经验,对面大笪地起码有3档,而且品种都几多,所以我就拉住我地屋企果位懒懒散散嘅笨猪走过去!
一过马路就系门口见到一间,款式麻麻地,唔够新。
睇睇都知道多数都系卖呢种挂饰,我屋企人唔中意挂野,所以我唯有挥挥手同呢间店讲88。
一路直行,就见到呢间年品挥春店。哇!好鬼多人啊,睇黎呢间店D野应该几受欢迎!所以我就发挥师奶精神死逼烂逼咁逼入去,见到D挥春款式真系好多,而且各种各样都有,款式都比较新,起码适合我呢种非常唔想OUT嘅人!
不过呢,呢间店果D卖野个靓姐真系不敢恭维。服务态度比较唔掂,可能因为拒地卖D野好多地方都无挂,所以特别串。我睇中一对财神公仔,同距讲价。大佬,系大笪地讲价好正常姐!唔讲价果个米傻噶!点知个阿姐好老串咁讲话:“靓女,我拿货都要20,卖你20已经无赚啦,无得低嘎啦!”拿货20卖20蚊?原来咁样都可以做生意噶?真系套用福禄寿果句话:我今日真系学到好多野啊!
本来我仲想同个靓姐继续战斗,点知我只笨猪一手就拿佐张20蚊备钱,所以我唯有以20蚊高价买佐一对财神爷。不过自己中意,算啦,一年先一次!
由于时间有限,我下午仲要赶去北京路行花街买花,跟住翻屋企食年夜饭。所以就继续转战下一摊。基本一路前行就见到另外两间挥春店。
呢度D挥春款式比前两间好,而且明码实价,价格比较公道。老板和老板娘服务都唔错,就算好多人都会帮你包好D野先备你,唔会好马虎。所以我就系呢度买佐个“福”字+一个“出入平安”挥春,两个盛惠15蚊,两个都比个财神爷平,真系令我气愤,所以唯有好好教训笨猪一下!!
今日挥春扫货就用35蚊买3个结束,真系唔可以话抵。不过时间紧迫,又买到心头好,自己都觉得几满意!
2012/01/22
全部回帖
看灰机楼板凳
kittyhc:
好似响“富华”果间,隔离有档卖玩具噶。今年买咩都贵喇......
查看原文原来系果间,我大约知道系边,我觉得今年D野都算好啦,无想象中咁贵,我琴日又去花街买年花,觉得仲可以接受咯,本来想发花街帖,但系依家上图上唔到,唉!
2012/01/23回复
看灰机楼5楼
乐乐妞宝妈:
一斤荔枝干,15元。一斤纸皮核桃,20元,两斤鱿鱼丝,40元,一斤蜕皮虾仁,60元,一斤鱿鱼干,75元。这些是问价没买的,都很便宜,但之前去博览会买过,家里有存货,一德路的比年货博览会便宜四斤装咸干花生,25元。一斤带壳杏仁,20元。一斤蜕皮杏仁,30元。一斤松子,25元。一斤腰果仁,35元。
查看原文睇黎一德路真系几抵喔,我中意咸干花生啊,的确几便啊
2012/01/23回复
一斤带壳杏仁,20元。
一斤蜕皮杏仁,30元。
一斤,25元。
呢D又真系好平平喔,我系市场松子要40一今呀,我家姐去一德路都要35蚊斤呀,仲要讲左价添了
一斤蜕皮杏仁,30元。
一斤,25元。
呢D又真系好平平喔,我系市场松子要40一今呀,我家姐去一德路都要35蚊斤呀,仲要讲左价添了
2012/01/23回复