傻囡仪仪kiko
Joanna小聪聪
本来还想一定要挑能陪产的呢～～那护工阿姨给力吗？需要给红包吗？LZ最后一次做B超，即系有估重的是在几周做的阿？我目前最后一次是在31周做的晚期B超，都没显示体重。是我自己用网上的体重计算器算的有4。29斤，担心有点过重了，还有绕颈一周
7LZ的主治医生是谁阿？之所以能固定一个医生是挂的教授号吧？hi，楼主正在参加“记录 分娩点滴，生产记征集”活动！恭喜妈妈顺利升级！养育好宝宝成为你的新使命，赶快到育儿版报到吧！找找同生 缘宝宝！点击链接 立即报到！
万众期待噶小魔怪终于系2011年12月6日晚上9点几降临于世上啦。系个7斤4个男仔！！等分享下我嘅分娩感受啦！！
话说，我过咗预产期成个星期都无动静，系医生噶安排下，我喺5号上午办理咗入院手续，踏上咗我噶住院日子。一入院，主治医生就帮我检查探指，5探5知，探咗先知道痛~医生检查完，各项都无问题，仲话我知，摸落个bb都应该无估重咁重（之前两次估重都系7斤2），应该得6斤几嗟，顺产应该无问题噶。听咗佢咁讲，我就放心啦，咁我决定顺产系无错噶。
咗好一切安排后，由于我噶宫颈5系咁成熟，于是当日下午5点半我就转咗入待产房利用宫颈扩张球囊扩张宫颈。8点我入左产房咗胎监，胎监无问题之后就开始放球囊啦，详细过程我就5讲啦，费事准备分娩噶姊妹们睇完之后怕怕啊~总之D感觉就好似无麻醉刮宫咁噶感觉！一个字痛，两个字好痛!! 结束之后，我自己一个人系产房观察，我忍5住流咗眼泪。发信息俾系病房出边噶梁生，梁生好心痛咁复短信安慰我。等我回复心情，我就叫佢返屋企。（产科系5可以家属探人噶） 放完球囊之后我就返咗入待产房啦，半个钟后，觉得下腹有D阴阴地痛噶感觉，好似宫缩咁。岩岩开始就半个钟痛一次，然后就15分钟痛一次，痛咗几次之后就无感觉啦，安然入睡！
6号8点半，医生查房探指检查琴日放球囊噶效果。探完指，医生话我宫颈软熟啦，可以做分娩噶准备啦。9点就实施人工破水，人工破水一D都无感觉，佢剪完之后就好似屙尿咁（请允许我咁粗俗），有一滩水流出嚟，然后医生就话羊水好清可以打催产素。9点半，护士就开始帮我打催产素点滴。宜家先系真正产程噶开始，以前我听D人讲宫缩有几痛，开指有几痛，5经历过真系5知道嗰D痛喺真系拆骨咁痛。睇微博话生bb嘅痛就等于26条肋骨同时断裂噶痛~真系无错！我本身好怕痛，梁生又5可以入嚟陪我，我更加恐惧。我唸，如果我系自然宫缩，5洗靠药物咁应该D宫缩强度无咁大，就无咁痛。11点半，我开始觉得顶5顺啦，叫护士帮我检查，佢哋探指先开一指，而且话我有少少宫颈水肿，叫我等开3指。我好努力咁用孕妇课学噶呼吸法减痛，但系到咗1点半，我痛到拉住床头柜噶扶铁，猛咁揸，出汗出到已经大汗哒细汗啦。我再忍，唸住bb，唸住梁生，慢慢又过咗个几钟，开3指噶时间真系好漫长，好似过咗N个世纪咁~我痛到要打电话俾梁生同佢讲我顶5顺，我好痛，5想顺产，可5可以俾我开刀~梁生一直安慰我，话忍耐下，等到开3指就可以入产房陪我。我一直喊一直苦苦哀求。梁生将我嘅情况同我妈咪讲咗，妈咪打电话俾我不断咁鼓励我，不断咁劝我，我一直5听佢讲，佢最后cut咗我线，嚟个时候已经系下午噶4点半拉，我问护士可5可以剖腹，佢话我中午吃咗嘢，要等空腹6个钟先可以剖腹，仲鼓励我尝试顺产。个护工阿姨见我痛到喊，仲过嚟摸住我个手帮我减轻痛苦，安慰我。我同个护士讲我好痛啊，然后佢哋帮我探指已经开咗3指啦。跟住佢哋就立即同我准备推入产房。第一时间问我，要5要陪产，要5要无痛。(因为中山一院有普通产房同独立产房，普通产房，一间有三张产床，独立陪产房就系一间房一张产床，但系只有2间房，要开3指后先可以申请。所以手快有，手慢无，当时我好好彩，几个孕妇同我差5多时间，我比佢哋先开3指，第一个拣)我选择咗陪产同无痛。
我入咗产房后，医生第一时间俾我吸侾气（5知系咪咁打）无痛分娩。虽然5系完全5痛，但系的而且确系减轻咗痛楚。上咗产床无几耐梁生就换咗无菌衫入嚟啦，一见到佢，我好似揸到救命稻草咁，嗰仲感觉好难形容。梁生一见我就摸我个头，话我叻女，可以坚持到3指。宜家开始5洗怕啦，有老公系度。我地一齐加油。于是，我成个人放松晒，一有宫缩我就吸侾气，5痛，我就望住我噶梁生，只要有佢系我身边，我咩都5怕，佢系我身边会支持我，我一定可以撑到最后。时间慢慢咁过，5记得几点，医生再探指已经系5指啦，叫我痛嘅时候忍，5痛嘅时候要吃嘢饮嘢！哩一刻，我开始有强烈噶宫缩啦！我猛咁吸侾气，一次又一次吸到我无晒知觉，成个人温温沉沉，稍微清醒少少又开始宫缩，我又继续吸~~都5知重复咗几次。梁生一直系我耳边同我讲嘢分散我注意力，应该到咗7点几，8点，我开始忍受5到强烈噶宫缩，开始5听话啦，侾气都开始无作用啦，我开始转用呼吸法尝试减轻宫缩，有时实在太痛，一有宫缩就情不自禁咁用力，觉得有嘢要出嚟，D感觉真系好似屙屎（再次允许我咁粗俗）。我开始不断咁嗌，不断咁用力，尽管老公系隔离叫我放松，我都系忍5到，梁生开始按铃叫助产士入嚟，话我想屙屎。8点10分，助产士入嚟探指话已经宫口开全，嗟系已经开到十指啦，开始要用力啦。听到佢咁讲我即刻精神晒，因为我知道bb就快出嚟见我哋啦。
我开始集中精力用力，时间系咁慢慢咁过，一次又一次噶宫缩，我不断咁用力，一5痛，梁生就即刻拿红牛同朱古力俾我吃，一痛我又忍住5嗌，搏命用力。但系到咗9点左右，依然无咩进展，期间助产士入嚟一直检测住我宫缩同bb噶胎心音，一直睇住我用力，但系见我咁努力都无办法见到胎头，佢都无晒办法。到咗9点半，有少少进展啦，助产士见到少少胎头，但系我一换气嘅时候有缩返入去，好多次都系咁，我已经用尽吃奶噶力气去屙佢出黎噶啦，但系小魔怪都系5肯出嚟，突然个主任同一个医生，一个助产士入左嚟，主任睇下我噶情况话胎心音开始有减弱噶迹象，要快，如果5系要钳产，到时我更加痛苦。我一听，开始惊啦~梁生同我讲5洗怕，叫我加油，一次过用晒D力，bb就会出嚟噶啦！佢讲完之后就俾助产士叫咗出去门外，哩一刻开始佢就只可以系门外噶玻璃窗睇住我。就系哩一刻，我知道小魔怪真系要出嚟见我同佢爸B啦。我咩都无唸，净系听D医生讲点做。只见个主任同个医生双双跪咗系我产床上面，一个助产士咗系度做好接生噶准备，帮我系会阴打咗麻醉，侧剪会阴，一个助产士系我身边掹住我一只脚，开始帮我催产啦。我无唸太多，两个医生开始用双手推我子宫，啱啱遇着刚刚，一次猛烈噶宫缩袭来。我用尽全力去生，一下，换气，两下，再换气，三下~~~~小魔怪呱呱坠地啦~~我成日人松晒！！！小魔怪处理之后，我就好精神，一直睇住可爱噶小魔怪俾助产士清理干净，剪脐带，量身长，称重······仲记得入院帮我检查噶医生讲噶嘢吗？！佢话小魔怪应该无7斤，最多都系6斤几·····但系佢一出世称重7斤4。称完之后，个个医生同助产士都话我叻女，咁大只都可以顺产！！仲话，好在我有吸侾气，如果5系都5知我点生佢出黎喔，个头又大，脖头有宽！！天啊~~我系以为佢6斤几先打算顺产咋~~如果知道7斤4，我真系要考虑下要5要剖腹呢~~~哈哈，算啦，总算顺利生咗出黎！以上经历噶过程梁生系玻璃窗一直默默咁睇住，见bb出力之后，佢第一时间系门度望下我，竖起个手指示意话我叻女！跟住佢一直睇住我娩出胎盘，缝针。嗰下缝针无打麻醉，其实都系痛噶，但系我可以忍受到，因为比起生小魔怪嘅痛，已经5算得系乜嘢啦！
清理干净小魔怪，助产士抱咗佢哩我身边俾我睇，跟住叫我锡佢一啖。哇，我睇住我个小魔怪真系好想即刻抱住佢。但系好可惜，我由开十指到生小魔怪出嚟产程时间太长，佢有少少缺氧，所以即刻要送去新生儿科治疗。要暂时同我分开，我即刻叫梁生帮bb影张相，助产士好好人，俾梁生影咗一张就急急脚送咗佢去新生儿科啦！
分娩噶经历就系咁啦！呼········终于完成艰巨噶任务啦！嚟紧就系要凑好小魔怪，等佢健健康康，快高长大！！
ps：其中有个助产士系咁男生，我无唸太多，反正有咩人哋无见过啊~其实佢好专业！对佢好放心！
可能好多人以为中山一院收费方面好贵，但系我亲身经历过，嚟间医院环境好，设备先进，医务人员负责，技术好。收费方面其实同其他普通医院一样，可能陪产方面会贵D，750蚊由开3指开始陪到产后2小时，期间bb准备出世一刻只能系门嘅玻璃窗睇，以防万一有D陪产人员晕血！有生育保险入院押金3000！膳食押金300，产妇包100（包括有强力吸收噶产妇卫生巾，棉床垫，胶床垫，具体几多片，我5记得啦），bb包100（有两包帮宝适初生婴儿纸尿片，一包强生湿巾，一盒干纸巾）哩间医院病房环境好干净，好安静，俾人感觉好舒适，探病制度比较严格，但系都系为咗孕产妇同新生儿着想，妇产科：探病10~13,15~20点。爱婴区：探病只有15~19:50分，每次只能入2个人，病区门口有个阿姨，入嚟会俾个探视牌，如果要其他人入去必须换入边噶人出嚟，其他时间5可以探病！爱婴区：规定产妇产后早产，午餐要订医院餐，晚餐可自行解决。其实早午餐可以家属送，叫D护工阿姨帮手拿入嚟就得啦，但系家属就一定5可以入！！切忌，无论系妇产科定系爱婴区都5可以家属陪夜！如果要陪夜就要住vip房，好似系成万蚊一晚~~仲有，系病房系5可以充电，如果手机过D要充电可以拿到护士站帮你充噶！
我发表完毕啦~~希望对各位孕妇姊妹们有用啦！！！
黑夜花袭人
生菜和鱼
傻囡仪仪kiko楼
谢谢
是挺大的······所以生得有点困难
加洲提子
开心宝马BB
