极其过份的九毛九！！！我要声讨佢！！！！
449022美食&下厨
我系多多话说今晚未到9点去到江南西润汇大厦2楼的九毛九，本来想要排骨雪菜（大约咁上下名字吧），服务员话无，咁我地见可能夜了，无都正常。就点左两个面，一个系肉臊面，一个系老坛酸菜牛肉面。然后点餐的服务员按下机，又话肉臊面没有“鲁”了，而且面条只有刀削面，因为我系地道广州人，又系第一次吃九毛九，真系唔知佢嘅“鲁”系乜，见佢话无，事但啦，就改点左一个红烧牛肉面。跟住服务员仲同我地讲，老坛酸菜牛肉面会辣D，我话无紧要。佢就下单离开了。
下单大约五分钟左右吧，个红烧牛肉面就上黎了，速度都OK啦~但廿十分钟过去了，我地个红烧牛肉面连汤都饮埋了，另一个老坛酸菜面仲未见踪影，期间不停见服务员送餐到其他台。。。又望到厨房不停有整面/碌面。。。几次行过黎，都以为系自己的，但点知都系失望地望住送上人地嘅台面。。。。终于忍唔住叫个服务员过黎问，当佢查完单，然后去整面的位置问左一下，然后就揸住张单行过黎话“不好意思，你们点的是老坛酸菜牛肉面对吧？”，当我地确认后，佢先话“做这个面的鲁没有了，你们要不点其他吧！”。。。。。。。。哇哇哇，真系火都黎埋啊！！！前后等左成半个钟，先同我讲无“鲁”，真系想爆粗啊！！！最过份嘅系，点果时佢又唔讲！我唔问，都无人理我地！！！！等左咁耐先话无得吃！！！！！
当时真系嬲到即刻大叫埋单！都无谂到要投诉佢！边有咁嘅道理嘎！你无材料唔紧要，时间接近打烊了，材料供应断链系可以理解的，但都应该早D讲嘛，就算系之后无材料，都应该主动同客人讲啊！边有理由等客人问到先话无嘎！！！！咁唔通我唔问，佢地就一直要我等到佢打烊了啵？？！！！！
真系唔唱衰佢都对唔住自己啊！！！！太离谱太过份了！！！！！以后揾鬼帮衬佢啊！！！！！！
2012/02/11
我系多多楼
