睇价钱真系好平，石锅饭的价钱由7蚊到15蚊不等，可以另外加钱加窝蛋同孜然粉。第一次去因为无带相机，点佐孜然牛肉石锅饭同炒年糕都无影到相，年糕一定一定要趁热食，冻佐就会结块唔好食了，价钱唔贵只系12蚊。加孜然的饭变得好香，1蚊鸡绝对抵玩

细Size的冷面，售价8蚊一碗。里面D泡菜好辣，通常我都系放到最后先食，因为一开始就食泡菜的话，你后面试到的所有味道都会变成辣的，哈哈。里面仲有几片叉烧，青瓜丝，番茄片同芫茜芝麻等等。冷面可能唔系个个都食得惯，尤其是宜家呢种初春季节，时冻时热，大家肠胃如果唔好的话就唔好轻易尝试喇。

因为之前试过孜然牛肉，所以今次大维同学就试其他款式，点佐份花肉石锅饭加窝蛋，都不过系10.5，上黎迅速影完相之后加酱汁趁热搅拌，都系果句，冻佐就会结块。第一次食的时候老板娘超好人，见我影相发微博就睇唔过眼直接加酱帮我地搅拌，仲话冻佐就唔好食了，好贴心。不过我地都一致认为加孜然系会好食一百倍的，大家下次可以点两锅唔同的，一锅有加，一锅唔加的试试。

今次想试下D野饮，于是拣佐奶茶，不过味道比较一般，就系普通的即溶奶茶，卖5蚊一杯，性价比唔高。
总的黎讲推荐炒年糕，孜然牛肉窝蛋饭同冷面，两个人50左右管饱。

我去了番禺的花开园

咦，确实抵食哦～

抵食哦

炒年糕和冷面如何？

我都食过,不过觉得似沟希左的蒜蓉辣椒酱捞饭喔,肉类基本上整得好老,麻麻地...

望落对比下来，觉得天河时尚广场，尚味坊的石窝饭，卖相会吸引D
团购的19/份，抵食

好贴。最近对泡菜很长草。找天要去中华广场试一试。

花开园系好闻名的，不过也贵

年糕趁热食味道几好，够浓带有少辣
冷面我觉得唔错，主要系呢个价真系好抵，不过肠胃唔好的人真系要慎重考虑一下

系咪迎宾路果间？四海一家附近？

嗯嗯，而且呢间店的老板娘好易话围，好好人的

时尚坊的石锅饭未试过，但海鲜火锅就试过
个人感觉中华广场呢间好D，虽然环境差少少，但性价比高，而且服务好

所以加孜然的话会有味D，好食D咯。我都觉得肉类几老身啊，果D唔知系咩酱，又唔觉得距甜或者辣啊，净系觉得咸咸地~

真系好底喔

求详细地址，点行架？