今日带猪哥哥去孙逸仙看咳嗽，点知儿科一个号都没嗮，等个急诊都成3个钟，1点钟终于攞埋药，估计10点几只包都消化晒拉，就带个仔去吃饭，附近有大同酒家，我来广州十几年都未去过，咁出名不如上去试下拉，点知吃到成肚气，真系谷鬼气。

我坐左成5分钟先有个知客攞个餐牌来，5分钟后先冲茶，都算了，我叫个服务员开壶白开水来，好同个仔吃药，她是没有加茶叶，直接冲开水，但系只壶入边有茶叶噶，人地饮过她没洗壶。后来我见距咁懒，就叫另一个倒D白开水到猪哥哥只私家杯度。

终于有部长来写菜，她大大声讲，2点埋单，坐到2点半就要走，要点乜菜，我话要点一只招牌鸡，她说，一个茶位点半只，另外半只要加收，我问，你有写系边度，她没答我，跟住，我话点个青菜，她说，点这个招牌鸡不能点这个青菜，要点其他青菜，我问，你几时规定噶，她才跑去拿个另外个牌过来，上边是写着4个人只可以点半只招牌鸡，但系没写唔可以点我要那个青菜，她见我有D犹豫，又跑来跑去同个熟客倾计，后来我叫距点个烧鱿鱼，点半只鸡，要3只带子，她竟然讲蒸带子要50分钟，叫我唔好吃，怕我带子未上就要埋单走人，算拉，猪哥哥吵住话吃鸡，又成点半都来了，她点话点好。

后来2点准时来收钱，我刚好喂紧药，猪哥哥又唔愿意合作，我黑埋个面话，你见到我有手得闲咩，做野唔分时候？后来一见我喂完药，马上来收。我个茶壶都唔帮手加水，挂住收钱，隔离有个嬷嬷爷爷带住个孙吃饭，话个服务员帮忙加水拉，系咪埋单就水都唔俾饮了，叫左你3次拉，望下就走，点知个服务员几大声顶个嬷嬷，你有叫过咩？个嬷嬷刚才先同猪哥哥玩，几好脾气既人，她问个服务员，咁你加定唔加？重顶嘴。个服务员踩都唔踩距，走左.......

2点3个字，粤剧开始打鼓，我觉得又吵，又想住让翻个位俾D老人家下午茶听粤曲拉，叫个服务员拿个饭盒装翻个鸡髀等个仔一阵吃，叫左几次，应都唔应你，我叫住个部长，她说：俾1蚊，但系脚唔停四围游，我攞左1蚊俾距，几耐先攞个饭盒来。
最激心来了，我刚着衫，就全部杯碟同我执晒，跟住拉走我张台，又过隔离同个阿伯讲，同你换张台，阿伯都未反应过来，张台D点心同杯碟就全攞走嗮，有没咁唔尊重人啊，我都未走，台都搬埋，我问她，她叫我揽住张台唔好走攞，我只好话，你咁中意执台，你执多D拉，她还说2点就要我走的了，现在都唔走。我话：咪话个部长讲可以吃到2点半，就算我吃到3点，你都奈我唔何，你唔单无职业道德，连家教都没，唔识尊重人。

大同酒家，我是永远都唔会再去。
你唔做都算拉，重要句句驳嘴骂顾客。