都系觉得香港的医生护士比较有责任心D，真系企系产妇既角度帮你考虑

MM有被侧切吗 用的是需要拆的线还是可吸收线呢   另外为什么一定 要打催产素呢   不能等分娩过程慢慢进行吗

   本人系单非人士，所以在香港公立医院顺产埋单HKD650，预产期2月4日，1月初已在香港待产，因为后期9日左右就产检一次，产检免费。选择广华是因为广华产科历史悠久，且距离我住的地方近。第一次产检系怀孕5个月，产检的医生都好后生，个样看似20出头，而且每次产检都要等起码2个钟，因为实在太多太多大肚婆，但跟国内唔一样的系，唔需要挂号，就算跟医生再熟都冇得打占，所以乖乖坐系度等叫名入房见医生。每次产检，感觉医生的检查好简单量宫高，听胎心音，唔会好似国内医生咁乱叫你做各项检查，所以好多检查我都系广州补做左，例如三维排畸等等。我一直都希望广华可以开个B超比我，因为可以照到BB性别，但医生话，冇咩大碍都唔会开B超单，就咁一直去到37周，因为size太大，因为34周我系广州做过三维，BB已经2.9KG，医生开左个B超单比我，37周重3.8KG拉，好担心系个巨B，因为香港公立医院系唔会随便开刀嘎。就咁，陀住个“巨”B，努力自己一个人每日行几百级楼梯，香港的天气比广州热，再加上怀孕体温好高，所以每次行完楼梯都成身臭汗，LG过年终于可以过来陪我拉。每日同LG行街shopping，哩个年都过得好开心，7日话咁快就过，LG签证到期要翻广州拉，下次见面就要系医院拉！过完年，我老豆同LG讲，比我估，月尾应该差唔多拉。你准备翻广州几日又出来拉，真系比老豆估中，1月31日夜晚，去完小解，“啵”一声，穿左羊水，即刻叫爸妈起身，罗埋“走佬袋”（待产包）飞的士去广华，好彩之前大家讲定，如果生的，分工合作，不过再好的准备，都会乱。去到广华，阿妹个老公已经推定轮椅系门口等我，坐上轮椅（哩世人第一次比人推），老豆帮我办入院手续，之后就有位“姐姐”（又叫护士助理,一般系年纪比较大的女人）推我上9楼北翼（产房），恐怖的折磨开始拉……换左医院的裙，护士比翻晒我的私人物品比爸妈带走，包括手机，银包。就咁开始精神极度紧张的待产拉，待产病房6张床，好多个护士，护士不停轮班，虽然不同时间，护士交更，但每个护士都好清楚每一病床准妈妈的情况，开始病房得两个待产妈。一个系我，另外一个对面床的（已经开始打催产针），时间一分一秒咁过，虽然系深夜，不断有作动的妈妈入住，从隔壁床传来一阵阵惨叫声，哩个夜晚根本无法入睡，也不断有妈准备生的，被护士一个个推入产房，而我阵痛才一个钟左右一次，每个4个钟，护士会帮我做胎监，医生话我宫颈未成熟，要行多D，忍受唔到惨叫声，唯有走出走廊，短短的走廊比我行左差唔多成千上万次，好唔容易熬到中午1点，探病时间到拉，阿妈买左野食比我同带左电话比我，要打电话唔可以系病房打，一定要行出去先可以打，都好过冇，反正无聊就坐系外面打电话比老公。好唔容易熬到下午探病时间，老公终于系广州赶左过来，距系医院陪我陪到9点，简直系我精神安慰，因为医生火第二日早上就要开始打催产针，除左探病时间就唔可以出去走廊见老公拉。开始慢慢接受隔壁床的惨叫声，冇晒恐惧感，逼自己早D训，训多D，迎接新生命的到来，第二日吃左医院的早餐，8点开始禁水禁食，护士准时帮我打催产针，做胎监，胎心频率太高，又要吸氧气，催产针慢慢起作用，宫缩间隔越来越短，痛楚级数越来越高，10点已经去到20分钟一次，开始的痛楚，深呼吸还起到作用，去到10点15分，痛楚越来月激烈，虽然宫缩大概10分钟一次，但冇宫缩的时候，依然觉得好痛好痛，顶唔住，叫医生比笑气，其他床的妈都吸5分钟宫缩先用笑气，但实在顶唔住。开始吸笑气，痛的时候吸，完全感觉冇减轻痛楚，只系唔痛的时候，另到自己混混沌沌，痛楚越激烈，吸笑气完全放唔到手，实在太痛，唯有发泄出来同护士讲“我真系唔得拉，可唔可以帮我开刀”，护士只系安慰我，坚持下拉，都熬左甘耐拉。宫缩痛+笑气的作用另我失去晒所有自觉，已经完全忘记唔痛的时候要放开个口罩，不停拿住口罩深呼吸，实在顶唔住的时候又大声求救，“姑娘阿，我唔得拉，我要打无痛阿”护士又安慰我“无痛又副作用，就算打左都唔会止痛嘎”大概10点45分左右，迷迷糊糊中好似见到鬼门关，手拿住笑气唔放，一大班姑娘围住我，叫我放低笑气，甚至抢走我。但一抢走，我就完全失控，右手插住3CM长的输液管狂拍床边，实在太痛，跟住唔知过左几耐，姑娘就同我讲我“帮你打止痛拉，放低个笑气拉”，就甘先肯同我打止痛，打完止痛，依然都系好痛，唔知点熬到1点探病时间，老公先入来，见到老公先有少少知觉，但越有知觉越觉痛，我喊住同老公讲：“你走拉，我好辛苦阿”之后换我妈入来，我妈见到我好心痛叫护士帮我开刀，护士都系一样口吻推搪。过左探病时间。医生巡房，检查下面，先话开左三分。唉～又唔知过左几耐，开始觉得有大便的感觉，大声叫护士“姑娘阿，我好急阿”，护士就话“忍下拉，未生得”。医生再检查一下，用手撑开下面，话“九分拉，准备入产房”。就甘比人推入产房，终于又可以见到老公拉。果阵我已经好口渴，虽然一日冇吃野，一点饿的感觉都冇。就开始不停求护士比水我饮。护士话唔饮得，用力生完先可以。入产房系下午3点，一大半助产士围住，张床调教成有手柄脚炳，助产士教左我好多的用力方法，但感觉只是好急好急，点样用力都柯唔出，就甘一直持续做3个钟，助产士行左去隔离产房帮其他妈妈接生，而我得老公同一个肥肥地的助产士不停系隔离支持我，教我点用力，去到6点，所有助产士翻来拉，医生都过左来，因为都用左3个钟力，好危险。所以又比好多人围住，系6点12分，终于用尽一切的力，我的宝贝出世拉，3.66KG，身高51cm。助产士讲宝贝女放系我胸前，哈哈～果下所有痛苦都忘记左，然后联针都唔觉痛拉。果下超兴奋，所有野搞掂，消毒清洗好下面，助产士走晒，剩翻几个阿姨系度清洁，老公走左出去报喜，所有人忘记左我….好口渴…..过左10分钟，肥肥地的助产士终于罗杯水比我拉！！！简直系救命恩人，等左好耐，终于有姑娘过来帮我过床，然后推出去，见到阿妈阿妹拉～几惊距地走左阿，果下我十分精神！！！产后房产后房系南翼，比产前房设备落后好多，起码张床要摇个手柄下先可以调高低，又系一间房6张床，产前房可以打电话用手机，第一时间同亲戚朋友报喜先～哈哈！夜晚10点，已经急尿拉，系医院“姐姐”的帮手下可以起身用尿盆拉。然后有护士过来又打针，系打帮助宫缩的针，就咁一直吊，吊到半夜又有护士过来抽血，验体温血压。果晚真系好兴奋，，冇咩点训，虽然下面有少少痛，但都好兴奋。由于BB系穿水后12小时先出世，所以要去儿科观察48小时先可以翻来我身边，训到第二日早上已经急不及待去厕所小便拉，虽然可以行，但惊个伤口会爆，都系慢慢来啦。9点，老公已经买定早餐系病房等我拉，10点准时去儿科喂奶，再一次见到自己个B，真系好兴奋，儿科有哺乳房，比妈妈喂人奶的，开头几次唔系好识喂，而且又未谷奶，每次都系几分钟就放弃，之后撞到有个护士教喂人奶，原来我姿势错左，哈哈，第一次个女吸奶，虽然好痛，但好开心。然后12点就系见医生时间，可以同老公一齐入儿科见。老公见到个女好兴奋，不停偷偷影相。系医院住做左4日三晚，我就可以自己出院拉。本来打算可以同个女一齐出院，出院果日，阿B感染指数升高左，医生唔比出院，要留院打7日针，唉～～见到阿B只手插左个针口，真系心都痛埋，第一次感受做妈妈将要面临的压力，看住阿B，眼泪镖左出来。好无奈，自己出院，但每日中午都要同老公12点去医院见医生，顺便探下阿B，人地坐月我坐月，唉～～7日之后，打晒针拉，好兴奋咁去接阿B出院拉，不过又有坏消息，啊B的黄疸指数有点高，虽然可以出院，但要留意住。阿B出院就开始我又一艰辛的妈妈旅程拉，阿B今日28日拉～就快满月拉,已经9斤重，56cm高～虽然辛苦，但见到阿B都好大安慰！！＝＝＝＝＝＝＝＝＝＝＝全文完＝＝＝＝＝＝祝各位准妈妈。顺顺利利，生个健康B＝＝＝＝＝＝＝＝＝＝＝＝＝＝＝2012年12月31日在元旦放假前留一下脚印，宝宝现在11个月了，肥肥的，很可爱~看到妈妈网很多怀孕妈妈的帖子，很多疑问、很多担忧，也是过去一年经历过的，有时间在这里给大家分享一下，记得我在怀孕前，去买了一串紫水晶，老板就跟我说，这个紫水晶带上了，很容易怀孕的，果然不到2个月，我怀孕了，也许是巧合！！后面，怀孕期间，朋友介绍了一种孕妇吃综合维生素，BLACKMORES，孕期一直坚持吃，所以我宝宝想11个月以来，没太多的发烧、感冒之类！！哈哈~