我系香港人口中噶新移民，3年以来从来無俾香港人俾过面色我睇，更加無试过俾人兜口兜面話我系蝗虫，老实讲句，广東人来到香港，基本上無人睇得出你唔系香港人，我初来到香港第一次同我老公d同事聚餐，話俾距地听我系广州人我唔系香港人，無一個人会信，個個仲話我自己唔讲根本睇唔出有边一方面唔同。不过我都承认如果9。1真系开放400万非深圳户口人员一年多簽，来紧香港人真系会越来越对内地人有成见，广州人应该好深切体会呢种感觉，林翻一大堆捞头涌晒来广州搞乱广州噶环境，你地就会明白点解香港人会排挤大陆人。我星期一同我老公翻大陆，居然系罗湖一出火车門已经要分流，甘多年以来第一次遇到咁夸张，分为3個出口，香港人、内地E道、内地旅客。全部都打晒蛇饼，我听到当时好多香港人就系度闹“搞拉，搞乜野放宽啦，宜家一出车门就分流了，咁样迟早搞死香港”我都觉得系，好彩我同我老公一齐从香港人关口过，否则分分钟要出到香港关保守估计要2個钟，咁样对大家一d好处都无，振兴左经济都無用，民怨四起，最后只会令到好多内地人被一竹竿打晒成船人了！