预产期本来系8月17的,点知系7月31小家伙已经急部及待要出黎睇下哩个世界喇!    7月31下午,我仲系度好悠闲甘叹紧绿茶蛋糕,刚咬左一啖,就感觉下面好似尿尿甘一涌而出,当时成个人都呆左,定左成分钟先问老公,"老公啊,我...好似...应该系...穿左羊水哦...",老公点知回我一句,"都未够钟,啊b边有甘快出世啊?"...我无语喇,跟住我好肯定甘同距讲,"穿羊水吖衰佬!!!"老公就成个弹左起身,话"系哦系哦,真系穿左哦!!跟手就罗起个袋,罗衫同m巾俾我换,因为我耻骨分离了,所以落楼梯超级慢,but,系哩个时候我居然健步如飞...自己都觉得惊!!哈哈...跟住截的去到医院,医生貌似比我地仲紧张,即刻要我训床,可怜的我,连训底都成问题...不过护士话一定要训,羊水流得慢d哦...好啦,顶住痛摊低左,去到产检室,可恶的居然要我自己过床,omg!!!算,我忍!!过完床检查完,问完一大轮问题后,医生话啊b足够大了,可以生啦,就推左我上去胎监室度,又要我过床,到底要过几次啊...跟住医生同我讲,我噶情况可以马上做剖宫产,不过恢复就慢d,可以试顺产,如果到晚上都未痛就要等第二日打针催产喇!我果阵个脑一片空白...都唔知点好,同屋企人商量,都话我耻骨痛,惊生果阵会再分离多几公分,到时就更加难恢复喇!而且医生话晚上无得做手术,点都要等听日,于是考虑左一阵,就决定开肚!    跟住护士就推我去照b超,抽血...反正我就系无限噶过床中等左快一个钟,就去到待产室了,剃毛,量血压,插尿管(哩度我真系惊到手震脚震,仲捉到个护士只手红晒,结果...原来无我想像中甘痛,只系有小小唔舒服,哈哈)签左n份手术说明,同意书之类的就被推去手术室了,入到去就要麻醉,d医生就好轻松,难为我紧张到爆啊!!因为弓唔到身,几个护士就一个按头一个按脚,痛死我啦!!终于成功将针整左入脊椎度喇,我因为痛并紧张全身硬晒,d消炎针水都滴唔入...后来慢慢麻药起效了,我终于放松晒了...净系feel到有刀界我,好似d肉俾人扯住扯住甘,有野系身体里面罗左出来,估计系子宫吧,跟住10几分钟医生就叫我留意住啊b噶喊声,我就好努力甘集中精神听,随住"啊...哇...啊..."连续不断噶喊声出现,我从未觉得bb仔噶喊声系可以甘舒服嘎!医生后面好似话会抱俾我睇系仔定女噶时候,我终于顶唔住麻药噶作用彻底昏迷左喇,本应该系我第一个见到啊b噶,结果系距婆婆见先,都好啦,跟住就推翻病房,等到我有翻小小知觉果阵已经快9点了,又饿又讲唔到野,只有头同手郁得,依家先可以认真甘睇下我个宝贝仔仔喇!望住距真系好激动,真系唔敢相信哩个就系系我个肚度出黎噶bb,系我个仔!睇完距,我又昏迷了...    到左第二日,医生话要我尽早放p先可以吃野,可惜我个肚唔争气,到第3日都未排到气,可怜噶我要用开塞露,用左4支依然p都无个,护士就同我用肛管排气,确实系好多气,不过条肠始终唔通,于是要去排片,医生话惊我d肠会阻塞,同埋因为我迟落床走动,训得多,背脊噶肉好易烂的...所以要同我插胃管,胃管哩家野我真心顶唔住了,一边插一边喊...插完之后两日讲野都唔舒服,伤口都无距甘痛苦啊!!!好彩噶系插左两日我就正常大小便喇,终于可以吃野落肚啦,我从入院到拔胃管,4日未吃过野落肚啦!连人奶都稀到不得了,虽然d护士话初乳系稀d噶,但我总觉得无乜营养...系医院住左8日,琴日终于出院归家啦!好开心,好多谢一直陪系我身边噶妈妈,自己头痛都基本上隔晚就会系度陪夜,帮我照顾啊b之余,仲要帮我擦身,倒屎倒尿,煲汤,斟茶递水,照顾得我好好,亦都多谢我老公,系啊b出黎果阵喊左,见我迟迟未出就一直问医生护士我噶情况,系我推出手术室噶时候喊住同我讲辛苦了老婆~,自从有左啊b,我觉得我噶生命完整了,妈妈真的好爱好爱你啊~~小魔怪~~[图片]出世第一日[图片]妈妈话我似只包[图片]头先影的,啊b眼仔碌碌甘~得意哇~

皮肤好好啊！宝妈都吃什么多呢？

恭喜恭喜，美妈在哪里生呢，剖腹用了多少钱呢？

我都系剖，不过系临时顺转剖的，点解我冇抽血嘅。。

耻骨系边个部位？