唔开心..
16459318情感.婚姻.家庭
soul_223我地系一齐差唔多三年，呢三年我觉得我忍受咗好多。
佢d脾气差，我唔算脾气好，我地几乎三日一嘈。
试过好多次，佢好嬲，出手打我。
最近一次出手打我，仲将我眼镜打爆，搞到我眼下有哒疤。
琴晚，又嘈。
事情经过：佢一个朋友黎咗（我本身就唔系几中意佢呢个朋友，次次黎都饮酒，洗我男友钱好犀利，觉得佢唔系好人），我地出去食完饭翻出租屋，经过士多，佢朋友问佢仲饮唔饮（食饭果阵佢地饮咗小小酒），佢地打算一边饮酒一边倾下未来。。。因为我已经怀孕几w唔够一个月，但系我父母唔知我怀孕，佢地唔中意佢系潮汕人，而且系广州无房，仲系打工仔。所以佢地要商量睇下有d咩小生意可以做。
男友开始同佢讲唔饮，然后男友话饮就出去坐，但系我唔想去。后来都系无再出去。
然后我同男友先翻屋企，佢朋友就买咗酒翻黎。
佢朋友翻到之后，我就入房玩电脑，佢地两个系厅到倾计。
到呢度我有小小唔开心了，因为佢又系咁，口里面话唔饮了，佢朋友买咗翻黎又去饮。
主要系男友听日要加班早班，佢地又饮噶话又唔知饮到几时，听日又翻唔到工。
接近晚黑12点，我先上床训觉，训之前仲叫我男友早d训。
后来我一点半醒，问佢训唔训，佢话迟d训。跟住我闹咗佢一句食屎啦。
后来佢入黎，同我讲“佢朋友黎咗佢地饮下酒食下野倾下计，迟d训啫，你洗唔洗咁大意见阿，理解下我，贤惠d得唔得阿”。
我话“听日你要上日班”，我d态度唔系几好，佢就开始有d嬲，然后我就总结咁讲“唔知你点解可以一日都讲野唔算数”
佢嬲了，佢话你点知我听日醒唔到去上班？后来唔记得我地讲咗d咩了。不过我记得佢讲咗句“信唔信我一拳打落你块面到阿啦！”我即时惊到唔敢出声。 后来我又唔记得点，佢又出去同佢朋友倾计，然后我听到佢系度同佢朋友讲我点点点...
好啦，佢出去之后，我就无再训，我就用手机睇新闻。
到两点半，佢地饮完了，佢翻入黎训觉了。 然后佢问我“做咩仲唔训”，我好冷淡咁讲“睇下新闻，训唔着”。
然后佢就嬲了，开始细数我的种种，话我唔似女人，成日男仔头咁。唔识打扮点点点、、、、然后又话我唔够贤惠点解唔理解佢同佢朋友系度倾野，话我唔俾面佢、、、期间佢系床度推撞我，仲好似想打人咁噶姿势吓我。吓到我躲系墙角。终于扰扰攘攘咗成个钟，三点几差唔多四点，佢先肯训。
我就一直系度谂，我要唔要落咗个BB离开佢？？？？
我觉得家下我地咩都无，佢仲差卡数成万蚊.....讲真我真系唔想有BB，呢个真系意外！
去年5月我又曾经为佢落过，其实佢好像要，不过佢噶好多野令到我好惊，无安全感。
我应该点做？？？
最令我受不了的是佢闹我就算了，仲闹我妈，话我妈无好好教我！
佢闹人噶话超级侮辱人，闹我废人，废柴，指住我黎闹。
2013/11/25
soul_223楼
