早期唐筛时间是12-13周+，建议你如果打算去市二生，就16周的时候去市二建档，带早唐结果，市二一般都会承认的。我都是打算市二生啊！~

我宜家16周，可以啊，有咩问题可以随时问我~！

终于稳到知音人啦。甘请问NT你系未同唐筛一起做架？都系免费？

唔系咯，我办准生证搞咗一轮（超麻烦的），所以等咗好耐先罗到嗰个免费检查的本本。
因为医院建议要做2次彩超，所以我11周还是12周就自费在医院做了一次早期NT了。

然后罗到免费的本本就去做了地贫同唐筛，而且我还是周六早上去的，唔使预约。当时荔湾医院同我讲，最后嗰个B超检查建议系21周再去做。

依家准生证唔系话简化啦咩？仲好麻烦啊？我都未去搞啊，荔湾区医院周六都可以做检查？

如果你两公婆都系同一个区的，就好办，我系荔湾，我老公系越秀的！跟住荔湾呢就话已经实行简化了，很容易办好手续，但系都要系翻公司盖章啊之类的（本来简化手续就唔使再罗去男方户口居委盖章），但系我利边提交咗上去，居委问过越秀又话未实行简化，又话要罗翻去男方户口居委盖章，唉……！最后咪走翻所有程序，唯一方便了的就系唔使等围产卡就可以办到准生证！

荔湾区医院周六早上可以验，但系要挂号！唔使预约，早D过去最好！市二特别多人喔，如非必要最好就唔好去嗰间咯！我表弟妇就系嗰度生啊，产检超多人！佢由早上排队到下午成4、5点先睇到！

我岩先体其它贴。话荔湾医院免费券唔可以检查早唐。只可以用免费券检查中唐。如果系甘未白跑？？

荔湾区医院早唐可以用免费券？我岩先体其它帖好似话免费只可以做中期？搞到我宜家都迷茫晒。

其实我都不知道早唐还需要做的，我之前一直有些不定期出血，所以一直在市一睇妇科，医生都无叫我做早唐的。当时12周市一医生只帮我开了彩超（就是NT）做早期排畸。
当时打算是唐筛和中期排畸一齐做免费的，你睇嗰张券，系写唐筛11-18周，排畸系18-24周，我当时就谂不如一次过，唔使甘麻烦去2次了，后来因为有空，而且咨询了客服周六可以去，所以我就提前16周去做地贫（地贫要夫妻双方做）和唐筛（PS：周六去的话要提早D，因为抽血室11点准时落闸放狗）。

去做的时候，护士系需要睇之前的B超单（当时我已经有NT的结果和之前确认怀孕的抽血结果），仲会简单问你D问题先开单比你抽血。当我抽完血上去护士度咨询几时可以罗结果的时候，护士就同我讲，排畸嗰张券要21-24周先做，唔使甘早做的！

我仲未去居委罗免费券啊。所以唔清楚。你16周去做系中期唐筛吧。你用券系未直接罗券上去比护士就得架拉？系几楼架？

好的。感谢你。

荔湾医院要求16周先去做唐筛，总之搞到晕