系啊，佢连好普通嘅野都可以做得好好吃，好似白糖糕咁，我本身对白糖糕嘅印象系停留在小学课间餐度，又酸又无咩味，但咁普通嘅野龙庭都可以做到又软又香，好出色

第一次喺美食版发贴，先同大家打个招呼！同环市路、珠江新城以及天河比较，北京路商圈一向都系走大众化路线，而藏身喺越华路珠江国际大厦4楼嘅龙庭酒家可以稳到我觉得系北京路商圈最精致嘅粤菜，据闻厨房都系利苑原班人马过档，水准当然有翻咁上下。由于附近有写字楼，平日午市人比较多，晚市稍微安静。菜式份量吾大，价格不太大众化，需要全单加收10％服务费，服务仲系吾错嘅。推荐菜式：菜式经常调整，基本好多野都好食，硬要拣嘅话。。。。饮茶：梅子牛仔骨，明虾粥，龙虾桶仔面等，各式甜品如杨枝甘露等食饭：烤米鸭（我甚至在香港利苑吃过烤米鸭都无龙庭做得好吃）餐厅嘅套餐仲系比较推荐嘅，有单人套餐和4人套餐，份量比较大，性价比仲可以，有时人多懒得点菜食呢个套餐比较有保证。下面传传母亲节当日吃嘅单人套餐，168元/位，我每次食呢个套餐都无办法全部食晒前菜：五香牛展，三层肉伴罗衣[图片]五香牛展[图片]三层肉[图片]滋润原盅炖汤[图片]香煎脆皮花竹虾扒，点嘅系芥辣酱，好清新[图片]古法香焖活鲍鱼，汁非常胶口，我仔好钟意用呢个汁来捞白饭[图片]原汤泡菜苗[图片]龙虾汤竹筒手拉面，呢个面我好钟意，汤底龙虾味好香浓，我通常都牺牲上面个蔬菜来食呢个面，因为食到呢度已经相当饱啦[图片][图片]甜品：香芒布丁配擂沙汤丸，甜品经常变化，吃过好多种，各有千秋。[图片]母亲节特别加送寿包[图片]大家第日行开北京路都可以去试试，推荐！