【新保荟】来自挪威的三文鱼，人均90食足12道三文鱼全鱼风味宴+气泡酒+三文鱼主题小食

全部回帖

下面就直接进入看图说话模式：

三文鱼头汤
三文鱼头尾，刺边位置用嚟煲汤，绝对物尽其用。好奇点解会用红萝卜嚟煲三文鱼汤呢种咁中式嘅做法，一问老板，佢笑住话“因为今日厨房买多咗好多红萝卜啊，我哋有咩材料就煲咩汤咯”，骤听之下觉得好似好随意，但师傅功力深厚，用清素的红萝卜搭配油份丰沛的三文鱼，索味之于又能减轻负担，汤色浓郁满口馥香，咸淡度刚好，真系有一种“妈妈煲的汤”嘅味道。非常对我口味，我个人系好想推荐，但因为老板讲得咁随意，所以又真系唔多确定平时嚟到会唔会系呢种做法，所以有翻少少保留先，有无机会试到就要睇大家RP啦~

泰汁三文鱼头
平时食三文鱼鱼头，多数都系煎焗做法或者煲仔焖，用泰式微辣酸甜汁嚟煮又真系少见，试了一下，鱼头嫩滑，泰汁抢味，此时若有一碗白饭则满足矣~做法加分，但稍嫌鱼头煮得唔够入味，推荐度一般。

2015/06/08回复

郭小敏0929楼板凳

杂果三文鱼沙律
物尽其用嘅又一示范，红绿搭配卖相讨好，软润嘅三文鱼鱼肉搭配口口清爽嘅夏日新鲜水果，伴以开胃沙律酱，简直就系为接下来嘅三文鱼宴打开食欲之门嘛~

香橙咕噜三文鱼皮
如果话上面嘅三文鱼沙律系打开呢道口腹之门嘅钥匙，咁呢道香橙咕噜三文鱼皮就一定系旋转开门嘅把手了。先嚟讨论一下做法，鱼皮，一般都系凉拌做法居多（原谅我顺德刺身食多了，马上第一感觉就系凉拌鱼皮），三文鱼鱼皮则有D特别，可能以香油酥炸，酱烧鱼皮寿司等做法呈现居多，但咕噜做法，真真系少见，但一D都唔会显得突兀，尤其是广东地区，绝对符合老广口味。酸甜，满口橙香，汁液浓郁，超级下饭！全晚获得最高投票分数嘅就非佢莫属了！

2015/06/08回复

郭小敏0929楼4楼

三文鱼鱼腩刺身（右边）
嗯，再多嘅文字用嚟形容真正嘅美味都系空！白！的！
大家只需要知道，我影相嘅时候已经被佢诱惑继而开始出现手震，“影3张”之后马上盖上镜头盖拿起筷子等食嘅果种焦虑，同埋夹上一块泛着幸福油光嘅三文鱼与唇齿相爱相杀嘅果种满足，就可以大概了解一下佢嘅风味了。唔多讲，我去攞张纸巾擦擦口水先。

三文鱼鱼柳刺身（左边）
鱼柳刺身相对于鱼腩刺身，吸引力就显得低很多了，推荐中意爽口口感嘅小伙伴尝试，我个人仲系比较偏爱油份充沛，食完之后仲可以细细回味充满口腔中嘅果种略带栗子味道嘅三文鱼鱼油甘香嘅三文鱼鱼腩刺身~

2015/06/08回复

郭小敏0929楼5楼

三文鱼寿司拼盘
寿司拼盘嚟到呢一步仲有咩可以突出介绍嘅重点？影完之后直接食就系啦！推荐芒果三文鱼寿司，芒果的搭配同上面嘅红萝卜+杂果有异曲同工之妙~

酥脆三文鱼卷
又系一道特色！中间夹杂了香菜培根菜心等材料，裹以紫菜蛋酱酥炸，啱晒贪心嘅人尝试。发现店家深谙软硬搭配嘅做法，尤其是紫菜皮，非常酥脆，好食，推荐！

2015/06/08回复

郭小敏0929楼6楼

野菌三文鱼鱼扒
前面中式泰式日式等各种款式嘅做法都试过，又点可以缺少西式嘅做法？野菌做成白汁馥香吸引，三文鱼切成鱼扒慢火香煎，最后淋上菌汁，舌尖享受又再攀上一个新境界。

避风塘三文鱼骨腩
讲到全晚对味佳作，重口味嘅避风塘做法就绝对系我心目中嘅榜单前三，细细碎碎嘅酥炸蒜蓉，剁碎了的豆豉辣椒，炸得火候刚刚好的鱼骨鱼腩，再加上画风精美嘅伴碟，无论色、香、味都俱属佳作。

2015/06/08回复

郭小敏0929楼7楼

浓汤三文鱼浸时蔬
原以为食到最后，三文鱼终于消失在菜单中，但点知，连时蔬都系用三文鱼鱼汤+鱼蓉浸煮，成功被清盘！

三文鱼炒饭
尽管大家食三文鱼都食到开始略包腻，但呢个三文鱼炒饭依旧属必试保留菜，皆因师傅只用葱花鸡蛋配搭三文鱼做出炒饭，简单，但异常飘香，同最开始嘅三文鱼鱼头汤互相呼应，真系令人有一种食紧“家宴”嘅感觉！

到此，三文鱼全鱼宴嘅菜式就上齐啦！一共12道菜，原价998元，宜家大众团购价中午748元，晚上848元，如果10-12人过去食的话，其实就已经够晒饱架啦！因为我哋14个人去食都觉得已经非常饱非常满足了。

2015/06/08回复

郭小敏0929楼8楼

但系！既然一场嚟到，点可以唔多试两种菜式先走？于是就点了一D轻小食，同样都系同三文鱼主题相关啵！

三文鱼黄金蛋
可爱小巧嘅鸡蛋壳里面，盛装了只用蛋清蒸嘅鸡蛋，附以三文鱼肉碎以及黑色嘅鱼籽，玲珑小巧，好有趣！

夏日甜橙鲜三文鱼
烘烤到刚好嘅面包上，盛装了拌上沙律酱嘅鲜橙及三文鱼肉粒，卖相有D类似西班牙tapas，适合减紧肥嘅女孩子们尝试。

2015/06/08回复

郭小敏0929楼9楼

下面系广告时间：（我真系唔系有心的，哈哈）
食饱之后发了朋友圈赞叹一番，结果惹来114旧同事嘅回复（话说这位姐们，我哋起码有5-6年处于失联阶段啊，几时饭聚啊哈哈！），原来呢间店嘅股东之一系佢同事嘅亲戚，于是搭上搭上搭，股东一个高兴就任性表示：6月份内，到店展示小敏呢篇文章，堂食的话，即可每桌（4人内）尊享28元/半斤三文鱼柳刺身一份。
好了，广告卖完，姐们下次记得请我去食饭~~

2015/06/08回复

郭小敏0929楼10楼

流口水流口水

去食！约！

2015/06/08回复

郭小敏0929楼11楼

团购是多少钱呢？

大众团购价中午748元，晚上848元

2015/06/09回复

郭小敏0929楼12楼

图靓笔功好！不过如果一条7、8斤的三文鱼整出甘少肉，略嫌斤两不足了，不知条三文鱼有几大？ ...

唔知道鱼有几大条啊，但佢话呢个就系全鱼宴的份量，睇上去唔多，但在座有一半都系男士，基本上个个都话食到好饱

2015/06/10回复

郭小敏0929楼13楼

楼主这顿饭是不是就是团购848的价格？另外点了小吃跟饮料？

是的，就是团购晚上的全鱼宴，另外点了意粉（没有拍），黄金蛋和那个鲜橙面包，还有一支气泡酒，最后的单就是总的价钱啦~

2015/06/10回复

郭小敏0929楼14楼

高清大图，赞！

好似有D大张过头。。。

2015/06/10回复

郭小敏0929楼15楼

有无半鱼宴啊

有啊，点评上面都有团购架，你可以去睇睇

2015/06/10回复

郭小敏0929楼16楼

上两周去了可能之前几天在黄沙一路开餐，去到觉得除了鱼腩还算ok，其他不行啊，鱼肉好柴，其他料理不精致， ...

黄沙门店都有这个吗？我以为黄沙只有外卖~

2015/06/10回复

郭小敏0929楼17楼

你真心觉得很好吃吗？？

我觉得做法相比较市面上嚟讲系好特别，加上性价比高

2015/06/10回复

帖子详情

全部回帖

猜你喜欢

小朋友被猫狗抓伤之后要谨慎！正确的处理方式系咁……

八卦下我身边的奇葩公婆

【马骑牛食记】海门鱼仔店！生腌血庵无得弹！点得太少啦！

你咁样系咪有D过分啊？

如何让宝宝夜晚睡觉，白天少睡？

5食5知道水蛇粥&顺德菜任你点

热点推荐

早高峰地铁口被共享单车堵死谁能管管？

40岁后再看婚姻你还会觉得它值得吗？

顺德民信老铺糖水踩雷？甜到齁

中年女人那些变美的实用小方法

广州麻友优惠好物群欢迎进群~

2026装修必进宝藏群让你省心不踩坑

沉浸式“鸡”园生活，治愈感拉满！

高中的孩子学习要彻底放手吗？

老家的院子，幸福天地

下司古镇-苗疆“小上海”

附近白天负责看娃的宝妈

个人求职：儿童陪伴/陪读，靠谱细心，可长

擅长儿童陪伴！可接送、陪玩、陪读，细心

回帖