与友践行，朋友嘅前同事选择到单位附近嘅宝贝城“点都德”饮下午茶
点都德曾光顾过惠福路嘅店，感觉上出品除了“粗”就是“大”
同食咗伟哥嘅男人嘅性器一样，本质都系唔得
另外服务员人数好少，估计一个人要睇N张枱，经常搵唔到人​

​朋友前同事Zxj落单嘅红米肠，时下流行到爆
相对会显得正常一d，但内层嘅薄脆小编唔系太喜欢
油气味太劲抽，食完一旧，10分钟内唔会再想食第二旧
或者可能系油品问题........​

朋友Kxj点嘅炸牛奶，但目测似乎系煎牛奶
而且质地感觉实而唔软滑
小编一旧都冇食​，Kxj基于“自己点要自己消灭”嘅敬业精神
勉为其难食晒佢，好辛苦啊​

萝卜糕都相对正常，但澄面过多，萝卜唔够，但胡椒重手
撞鬼！感觉一碟三件已经有一斤重了......​

朋友Kxj话要食粥，结果自己点咗个粉葛咸骨粥，但食咗一羹就唔食了

睇落好似老火粥，其实咸骨都未煲得出味，仲好咸兼且劲五香味​

Kxj点嘅鸡汤浸腐皮，原本清素嘅嘢，入口刹那原来超级油腻
鸡汤其实系鸡汁.......食咗两啖，成碟放低​

潮州粉粿，小编点嘅......上台嘅刹那，吓s我了......!!!!
同一只生肉包嘅size有得挥！一笼估计有一斤了！
看似馅大，其实里面大部分都系豆角粒，而且淡而无味，皮厚​

Zxj点嘅参汤虾饺，其实就系好差嘅西洋参同鸡汁煮水
然后浸住几只破皮虾饺
时下流行嘅所谓参汤虾饺最大嘅优点就系用来掩饰虾饺包得唔好嘅缺点
每只虾饺大到可怕，里面有起码超过10只虾嘅分量，但无味之余仲见腥​

食后之后，依然觉得点都德系咩都唔得
所有野，除咗一味得个大，就冇其他长处，手工极度粗
服务生难觅踪影，叫落单、加水都要自己行大半个场先见到人
第一次去系主动，第二次来系被逼，再有第三次？
我直接拒绝了！​

​---------------------------------

1、本文的记评仅代表本次的出品和印象，并不代表一定是推荐。如阁下循我介绍而至体验到记录以外的出品和待遇，可以来我博客留言告知。

2、饮食是基于个人的口味和感受，没有特定的评价准则，但原则上做到记录真实。

3、本人博客的一切内容，如无特别注明，则与任何商业成分及邀约无关，仅为记录与身边玩友知己之间的日常食事。

4、请尊重原创版权，如需引用，请留言告知。