红烧乳鸽系本人挚爱，上月尾个天都仲系几热的时候睇到有个MM介绍一档好远的红烧乳鸽，江村甘远，北站啊。。。。。D相好吸引，但。。。。。好远。。。。。介绍得好详细，但。。。。真系好鬼远。。。。。近几日，个天冻到傻左，好有胃口，蠢蠢欲动，8号晚，一群无咩方向感的中女两部车北二环水沥出口出来兜到过晒龙再掉头，其实人地个招牌鬼甘大，唔知点解我地系甘搏命冲，好在及时醒觉好似吾应该行甘远，掉转头好快就见到牛一煲了，中间有档水库鱼，紧贴就系呢个全其鸽王坐落手机打开张帖，照住D相片点菜，超值+好岩我地的味道，尽兴而回！寻晚，几个老同学喽打边炉，无咩捻法，讲起呢档系牛一煲附近，居然个个都知道江村吃牛出名，于是又来了，将近8点先集中，去到饿晕咯，问有咩鸡最快，全部要现成㓥，焗饭要等半个钟，一时无语。。。。。老细见我地就晕咯，就介绍来个掌翼窝，即上！滚热就有得吃，吃住等红烧乳鸽和鸽肾焗饭[图片]、同行的有的是好酒之人，掌翼煲真系岩晒，人多（11个），战斗力强，红烧乳鸽8只，焗饭一煲见底，生蚝系见到隔离台吃得好豪放忍不住又叫左三打，系外卖，肥美！因为吃掌翼，好忙，照片只有开动前的呢张，红烧乳鸽华丽登场都无咩机会影就肢解咯5就得俩个字：好味！超值！得闲真系要上多D美食版！肚饿时睇下都好定瘾啊