我最近失业，由毕业到宜家一直从事文职类工作，可以说样样识小小，又唔精个种。今时今日唔知自己仲可以做咩工，再做文员又太样衰啦，同D靓妹仔争饭碗都唔一定争得过，毕竟年龄摆系面前，老细都拣D小鲜肉啦，贪便同有活力。我老公话趁住失业有时间，叫我静心学一门技能。免得再过几年真系只可以去做生产工啦。后尾见到有培训一系幼师一系保育员，咁了解过之后明显幼师系难D,因为要试讲课，培训班度都讲呢关系由自己向教育局申请嘅，成功率唔清楚。一个系保育员，只要死记硬背就肯定考得过，学费大概2千左右，相差5旧水，咁我老公就话保育员无用，实质就系照顾幼儿园的吖姨，使乜证。我自己考虑过觉得宜家唔使啫点知将来使使呀，幼师又担心自己考唔过浪费钱，毕竟而且失业无经济收入，咩都度住来用，唉，好心烦。