妍妍靓妈妈我就系做左阿妈先知道，做妈妈真系好辛苦。
不过我都有谂翻转头，我妈妈以前系点对我的。我细个的时候，我婆婆凑我；放暑假，佢就送我翻乡下同我堂姐玩；我读书，佢无教过我；我住校，佢自由。
谂翻转头，其实佢系属于自私的人。佢觉得我个女绑住佢，阻住佢周围去。如果我女翻左嫲嫲到，佢好多节目架，饮茶啦、打麻将啦、去呢度去个度。
你知唔知佢系点架，我开始同我而家男朋友拍拖的时候，有时唔翻屋企吃，佢就话，岩晒，唔洗买送。有时仲打电话叫我，你唔好翻来吃饭啊，无煮饭啊，我饮完茶啦。以前好多时，我话想翻屋企吃饭，佢都仲会买送煮，而家，简直就叫你唔好翻来吃。星期六、日我系屋企，到了中午就问，你系度吃饭架？我话，唔系度吃去边吃啊？佢话，点知你啊 ，最好有人请你吃饭，我唔洗买送，唔洗煮。一听见我系屋企吃饭，就话又要买送，吃咩好啊。唔系度吃最好。你地见过甘既阿妈未？
有无甘做人地阿妈架?仲系我自己亲生阿妈
530853情感.婚姻.家庭
见到好多JM婚姻唔好，无论点，屋企都始终支持自己，但系我呢，从我有BB到结婚到生BB到离婚，我妈从来都系闹，除了闹都系闹。有左的时候，7个月都叫我落左佢，因为我前夫唔好，佢唔中意，所以一直唔赞成我结婚，更加唔赞成我生BB。好了，到我坚持落离，生左BB啦，我从BB3个月大开始分居，翻左阿妈度住，自己带左BB1年，到BB1岁的时候，无办法，我要出去做野，唯有好狠心将岁半的女女放幼儿园。个时开始，我妈就成日叫我将个女全托啦，唔洗烦（我都唔知烦佢乜？幼儿园就系屋企楼下，2分钟就到了。有时我落班夜，佢帮手接下遮，女女系幼儿园吃埋晚饭的）早上我都系送了再上班的。晚上，女女同我训的。
到了我要离婚，从开始搞到搞晒所有野，持续了2年，我一直同我前夫吵，那段时间简直就系精神折磨，我个时已经神经衰弱，晚晚失眠，训唔到，每日7点起身，凌晨3、4点先叫训，但系个脑就完全好似无休息甘。我妈就只会叫我快D离啦离啦，离左唔洗烦，叫左你唔好结啦，又唔听。我个时要争翻女女，我妈就话，唔要米唔要罗，又唔系跟你姓既，俾翻佢地啦。哎，失望，，，，甘既阿妈。
终于搞完晒所有野，慢慢调理好身体，先叫训到觉，女女都慢慢大个啦。甘小朋友大左，就梗系有时百厌D，唔听话，扭计D架啦，女女有时又比较任性、脾气又大，我妈就闹啦，成日闹我个女，开口又话“憎死你”“无人要你啊”“翻嫲嫲度啦”“甘衰既你，全托啊”。，，，，，总之D说话就好难顶，我又无办法，我系屋企从来唔同佢吵，因为我仲要系个度住，唯有忍。
有时星期六、日，女女的嫲嫲会接下佢翻去住，姑妈、姑姐啊都好中意佢，我都无拒绝佢地接，我阿妈呢，一到星期五就开始讲啦，今个星期有无人接啊？有时嫲嫲地打电话来同女女倾计，就系电话旁边大声讲，叫嫲嫲星期五来接你啦。搞到佢地都觉得我妈好唔中意个女，好似一D都唔想佢系度甘。1个星期放假个2日，都唔愿意佢系屋企，成日话佢难教、唔听话。所以有时星期六、日我都同个女出外算了。但因为后来换了工作，有时要出外，要我妈妈照顾的时间多左，佢就越来越多意见。佢已经退休，宁愿早上去做份工，就系帮人送人地个仔翻学、煮早餐，都唔愿意凑我个女，我话，你去做份工几钱，我俾翻几钱你，你帮我凑下个女啦。佢话，唔凑，你个女甘难教。
其实女女好生性，好乖的，不过系我妈的方式唔好，开口就闹，甘小朋友当然反叛心理啦，越闹米越唔听话咯。如果系我，我同佢慢慢讲，佢好听架。有时星期六日我个女都唔想去嫲嫲度，想系婆婆度，佢都话，去啊去啊，你系度无人凑你啊，屋企无人啊。
女女明年读书了，这个学期帮佢换了二商幼儿园，准备全托。我一直唔肯全托，系觉得个时女女细，而且幼儿园近，现在我改变想法了，我真宁愿狠心一点送去全托，不用受我妈妈的气好了。反正现在女女都5岁多，接受程度会好点了，我都同佢倾过，佢都肯去全托。又可以令佢适应下学前纪律，之前的幼儿园纪律唔系太好，又无乜学。所以 9月开始女女全托，我亦都搬出我妈妈家了。
好在，我现在的男朋友还是对我不错，我们也准备结婚，就等收楼，他也说，等房子搞掂，就接女女来我度啦，唔好同你妈吵啦。而且还把新屋的省一级小学学位俾我女女，叫我们户口转过去。
等多2个月，我的恶梦可以结束了。我已经唔知系习惯还是麻木了，我都唔知道点解我妈妈甘憎我个女，佢唔中意我前夫遮，关我个女乜事哦，甘都成日闹既。迟D我就搬走，间屋剩翻佢一个，佢就安乐啦。个个都话屋企点支持，我就有个极品阿妈，我真系无言，我生女、养女无用过佢一分钱，我稳到钱我仲俾钱佢添，平时买呢样买个样。系啊，有钱俾个时就对我地好D既，个女一百厌少少就话啦。有时真系好嬲，不过谂到自己话晒叫寄人篱下，话晒系自己阿妈，我又唔出声了，平时就自己系自己间房。上班就上班，落班有时真系唔多想翻屋。
终于好了，挨多2个月啦，，，，脱离啦，解脱啦～～～星期五、六我地就开车出外。等收埋楼，就可以开始新的生活啦。期待，，，，，，
[ 本帖最后由 妍妍靓妈妈 于 2008-7-9 11:22 编辑 ]
2008/07/08
全部回帖
妍妍靓妈妈楼板凳fionachow:
我觉得楼主好叻呀!顶住甘多压力都可以撑落去，其实老天爷系公平既，之前你捱既苦系老天爷俾你既磨练，唔开心既日子就要过去，好日子好快会黎到，相信天系公平既
反而我有个朋友就真系好现实，拒打算同老公离婚，但并无打算要个仔，拒话怕个仔将来会拖累拒，如果系我都会好似楼主甘，仔仔系我既所有，我做既一切都系为左拒
查看原文 反而我有个朋友就真系好现实，拒打算同老公离婚，但并无打算要个仔，拒话怕个仔将来会拖累拒，如果系我都会好似楼主甘，仔仔系我既所有，我做既一切都系为左拒个时真系好大好大压力的，未经历过真系感受唔到，好在现在都过去左啦。 个种感觉真系唔好受，好累、好眼训，好想训，但系偏偏训唔着，合上眼，所有的野就系你个脑转，好似放电影甘，，，，好辛苦的。个时医生都话我神经衰弱，叫我唔好谂甘多，好好休息。
2008/07/08回复
妍妍靓妈妈楼4楼嘻嘻妈妈:
一切都要向好的方面看，虽然妈妈有不对的地方，但是怎么样都是自己的妈天下只有不是的儿女没有不是的爸妈，希望你以后开始新的生活新的幸福还是不要忘记妈妈，因为你是你女儿的榜样哦加油
查看原文小朋友好单纯、好天真、好善良的，，，，，，，女女一D都唔觉得婆婆唔好，仲好中意痴佢，有时话送佢翻嫲嫲度，佢都唔肯，话要留系婆婆度，婆婆话无人系屋企，佢话，我自己系屋企睇电视，我唔翻嫲嫲度。
2008/07/08回复
妍妍靓妈妈楼5楼汤里的月亮:
祝楼主幸福！！以后一家三口开开心心的！这才是最重要的!我妈也是这样的人，我从小到大，所有的事都是她决定的，因为我是单亲家庭，我妈对我寄予很大的希望。我从拍托到结婚到生BB，她也是一路反对过来的。也曾一哭二闹三上吊。所幸的事，儿子出生后，她把她所有的爱都放在外孙身上了，我才得以解脱！
查看原文我都话，边有阿妈甘对自己个女，自己个孙架。人地的孙争住带，佢就宜不得我们消失晒。真系咩人都有，，，，
2008/07/09回复
妍妍靓妈妈楼7楼谢谢这么多MM的花花，已经过去这么久，不习惯都麻木了。反正我不会和我妈吵，最多不出声，自己在房间上网。以前还有时回两句，她就总系讲：叫你唔好生架啦，你唔听，你唔好旨意我帮你凑啊，我唔凑架。有时佢话我都算了，最唔抵得佢罗我个女闹嘛。
不过，从我离婚个日开始，我都无后悔过，我始终相信明天会更好的。因为对比过去，我已经觉得我而家的日子好好啦~~~所以，明天的明天，我会更加更加的开心，特别女女越来越大，我以后就有好日子过啦，哇哈哈~~~~
不过，从我离婚个日开始，我都无后悔过，我始终相信明天会更好的。因为对比过去，我已经觉得我而家的日子好好啦~~~所以，明天的明天，我会更加更加的开心，特别女女越来越大，我以后就有好日子过啦，哇哈哈~~~~
2008/07/09回复
妍妍靓妈妈楼8楼小欣妈妈:
你妈妈系咪更年期，所以D脾气至甘唔好呀？
查看原文呢个可能比较接近真相原因，，，，，，特别近期，，，
不过以前未生都已经系甘，可能更年期，更加变本加厉。。。。。
不过以前未生都已经系甘，可能更年期，更加变本加厉。。。。。
2008/07/10回复
妍妍靓妈妈楼9楼sherryxie:
楼主，我觉得你也要从你妈妈的角度想想了，既然是你违反你妈妈的意志，执意要结婚，执意要生BB，执意离婚要BB，干吗还要让你妈妈来承担后果呢？自己酿的苦果自己尝就行了，你离婚后本来就不该回你妈妈家住，你早就应该自己出去租房，也不应该把孩子放你妈妈家，她没有义务帮你带孩子，而且这个孩子本来就是她反对要的。虽然说BB是你的，可是毕竟也是那个她不喜欢的男人的，你妈妈对你女儿没有你对女儿感情深，也很容易理解的。还有，你妈妈再不好，也帮你看了5年孩子，给你提供了住的地方啊，让你有时间上班、拍拖。如果没有你妈妈，你自己带孩子，你自己租房子，我就不信你现在可以过得这么舒服。最起码从你文中可以看出来，都是她买菜做饭给你们吃了，光看这个，你都应该对她有感激。如果没有你跟你女儿在你妈妈家住，你妈妈确实可以过得非常自由，非常舒服。不管她对你当年的行为多么不满，她还是给你看孩子了，给你做饭了不是吗？再说，今天的结果主要是你自己任性造成的，你妈妈再不好，还是给你提供了帮助，所以你还是应该心存感激的，起码不应该这么怪责自己的妈妈。说实话，她没有义务为你的任性埋单的。我说的话可能有点逆耳吧，听不听随你了。[ 本帖最后由 sherryxie 于 2008-7-10 13:20 编辑 ]
查看原文可能我妈妈就是甘谂的吧~~~~我自己执意要留住BB，我当然知道有责任自己承担。我间屋我让我妈租了出去佢收租了。你也讲得岩，再点都好，始终相比那些真的一个人要带孩子的妈妈，我真的多了时间和空间，起码我上班都上得安心，不用怕夜左放工无人接BB。而且你讲得岩，女女始终是我的女，唔系佢个女，感情可能真的无甘深，所以，过埋呢2个月佢就可以自由咯~~~
但BB无罪的，不要动不动就开口话佢衰、话唔要佢、话叫佢走这些说话吧？我要离婚你以为我想的吗？既然已经成事实，不用成日讲翻以前吧？唔生都生左咯，唔通讲就可以塞翻入去既咩？而且都过了这么多年了。
我亦都无话怪我妈，我都系发泄下而已，只系见到人地D屋企人唔会甘样的态度的吧？只系我觉得，我够知道错左啦，但你做妈妈的，唔系要你经常提住我点错点错，经常揭我伤口的吧？你唔安慰，或者唔出声都好啦，唔洗要成日讲的吧？
可能我自小同我妈妈缺乏沟通挂，爸爸妈妈亦都系从小分开，屋企对于我来讲根本就唔系家，只系一个冲凉、训觉的地方，所以我先好渴望有个自己的“家”，可能因为甘，好任性、好草率就结婚、生BB，点知道，原来自己都系错的，家，原来唔系甘容易有的，兜个圈，我依然要系呢个冲凉、训觉的地方渡过。。。。。
但BB无罪的，不要动不动就开口话佢衰、话唔要佢、话叫佢走这些说话吧？我要离婚你以为我想的吗？既然已经成事实，不用成日讲翻以前吧？唔生都生左咯，唔通讲就可以塞翻入去既咩？而且都过了这么多年了。
我亦都无话怪我妈，我都系发泄下而已，只系见到人地D屋企人唔会甘样的态度的吧？只系我觉得，我够知道错左啦，但你做妈妈的，唔系要你经常提住我点错点错，经常揭我伤口的吧？你唔安慰，或者唔出声都好啦，唔洗要成日讲的吧？
可能我自小同我妈妈缺乏沟通挂，爸爸妈妈亦都系从小分开，屋企对于我来讲根本就唔系家，只系一个冲凉、训觉的地方，所以我先好渴望有个自己的“家”，可能因为甘，好任性、好草率就结婚、生BB，点知道，原来自己都系错的，家，原来唔系甘容易有的，兜个圈，我依然要系呢个冲凉、训觉的地方渡过。。。。。
2008/07/10回复
