答案快点公布啦，好心急啊。

系.因为都玩左好耐啦 几个服务器都玩过 just睇睇有无咁巧我识喈.希望唔系你个ex啦 不过如果如你所讲 系个个肥仔咁我觉得真系好难令人信服咯 咁得闲老作出咁长篇故仔都可以沟多几件女啦 如果佢真系沟女高手嘅话

连自己都唔信自己嘅LG或者BF，呢段感情一定会落幕。同意yoyo果句：针唔督到肉就唔知痛。（自己都叫yoyo~~~）最近发生系我身上嘅一件事，另到我对自己以前一惯嘅睇法作出戏剧性的转变。之前因为LG仲同前女友有瓜葛（未结婚时候），我一直都对佢有所保留，但我真的爱佢，就结婚了，也慢慢释怀。但人就好衰嘅，总会有一条刺系心入面，唔系发生甘嘅事，唔系成晚都唔见人，担心到只能望天许愿，咩都做唔到嘅时候，你系唔会改变睇法嘅。简单说一下事情：LG放工后唔见人，电话唔通，原来系去左派出所。事情起因系有人强LG野，然后LG追佢，转入小巷时候比贼仔同伙（女人）屈非礼，就系甘去派出所。呢个系LG后来同我讲的。我相信佢。但系阿sir眼中，我LG就系非礼左个女人，因为好多人都睇到后面。我讲呢件事，当然用我嘅角度去讲啦。大家可以唔信，但我信佢，屋企人信佢就ok了。有时D野就系，你唔信无论点讲，你都唔会信。总之一句，信任系感情嘅基础。最亲嘅人都唔信，何来感情深厚，喊晒甘诉苦呢。

5明啊!!!你5系有一个6岁大噶女噶咩?点解又变佐E小姐有个6岁大噶女``甘"YOYO"同"云"是否同一个人`也是否系你呢?你有一度话"点解我要输比一个离婚了的女人``而且仲有个女添",甘你5系有一个女咩?!!!! 其实"云"系5系你男朋友呢!?

<极度犀利的坏男人>
人地话，男人唔坏，女人唔爱，之前我都唔系好相信黎样野，系我心目中，应该个个女仔都会去中意一D好既男人，后来，当我遇上黎个男人之后，我发觉自己之前所有既价值观都改变晒。我知道随便将一个人既隐私或者过去写出黎系唔啱既，但系我觉得，如果我唔写，唔踢爆黎个男人所做既一切，我会觉得自己好唔甘心，甚至可能会心理唔平衡。

我系77GO都已经好长一段时间，好多版我都会去，或者睇下野，或者留下言，但而家没办法，我只能开一个新既ID去讲述黎一个故事，至于原因，大家如果有兴趣慢慢睇落去，就会知道嘎啦。

梦之序章

07年既夏天，系我黎个故事开始既时候，果时我可以讲系一个好中意玩既女仔，后来认识左一班玩车既朋友，有几个系77GO都算几有名气，而家霖翻起，真系觉得果时既自己好可笑，基本上D朋友个个都系有钱仔，拿住屋企既车，改装到古灵精怪，不过就有一个统一既特征，就系排气喉一定系响喉，只要你一呼油，D声都会大到吓死人。而果时既自己，读紧夜大既大专，因为学校放假，一个人系屋企又会好闷，所以就开始经常跟D姊妹出去饮野，蒲下，间唔中都会跟距地去玩下车，果时觉得自己好威风，可以坐系架靓车副驾驶位，系广州市好多地方飞黎飞去，睇到途人鄙视既眼光，心里面居然仲会有种好自豪，好得意既感觉。

yoyo注：（车版的交代，是因为曾经Y先生听过我讲以前嘉经常看车版论坛，不过他搞错了的是，不是77go的车版，是很久很久以前GZNET的车版，现在嘉已经绝迹了广州本地论坛的车版了。）

果一晚，我哋照样玩完之后去左文德路，即系市一宫正门行落D果条天桥下面吃宵夜，相信好多广州人都会知道果时黎度宵夜系好正既，价钱唔贵，而且有好多野吃。当我哋坐底之后，我朋友发现隔离台有三个男仔其中一个系距认识既，于是好自然大家打左招数之后就拼台坐埋一齐，当时我哋黎边有两男两女，而距地就有3个男既，互相系咁意介绍左之后，我就没点理距地班男人讲乜，因为当时已经夜晚1点几，我都好肚饿，霖住吃完野，就会翻屋企训翻个好觉，最近晚晚都比人捉出黎，都没边晚系早训既，再咁落去，个人好容易残。

大概2点半左右，我同另外一个女仔已经吃得差唔多啦，于是好自然就会将注意力放左去听距地点吹水，可能女人天生有种直觉既，我FEEL到对面有个男仔好多时都会自觉不自觉咁望自己。讲真，我唔算靓女，属于好普通既广州女仔，讲唔上靓，只系化左少少淡妆，望落去会白净D，至于身材，都唔系好正，可能我上身比较肥D，所以望落去，都OK既。我知道黎个男既可能对自己有D意思，后来距仲一直咁撩我讲野，仲问我系唔系好中意兜风，话以后有机会既话，约我一齐兜风喔。好明显，距系度想拿我电话号码，开始我没比距，因为讲真，第一次见距，我知道自己唔中意黎D类型既男人。距系戴眼镜既，身材属于偏肥果种，难听D讲句，当时我真觉得距有D样衰咯。

但毕竟系自己朋友既朋友，我没理由话好唔比面咁唔理距，于是有一句没一句咁同距倾左一阵，我发现距好犀利，好多野，我都未讲，距就会知道我想讲咩，好多野我自己唔系好清楚，距反而会可以比到一个帮到我既答案我。好奇会害死猫，同样好奇一样会害死人，就系咁，我开始对距有少少兴趣，于是就问距做边一行，原来距系做地产既，怪唔得啦，听D朋友讲，做地产既人好多都好叻仔，好识睇人眉头眼额噶。

yoyo日记的原版记载，我对嘉的评价，洞悉能力高



好快已经3点，我同另外果个女仔已经好眼训，于是我哋就埋单走人啦，霖住拉拉声翻屋企冲凉训觉啦，点知黎个时候，黎个男仔又再次问我电话号码，距话觉得我同距好夹，好多距乱估既野，居然全部都比距讲中晒喔。距已经问左我3次，我觉得真系咁都唔比，好似好唔比面人地咁，于是我就留左我电话号码比距，距马上就响我机，直到黎一刻，我先知道距个名，叫“阿嘉”。

[ 本帖最后由 妍妍靓妈妈 于 2008-12-14 16:50 编辑 ]

堕入梦里
学校依然放紧假，我系一间物流公司做野，上班时间好固定，都系朝九晚五果只，所以夜晚就变得好得闲，有一晚，我同个女仔系仙踪林饮野，打发紧时间。我记得果日系星期五，大概夜晚8点左右，我收到条短信，内容系话“本来一直想搵我，不过因为好多野做，所以到而家先比短信我，问我系边度做紧咩。”我见到个电话号码有D印象，但系没系我电话簿里面有记录，于是我就问距系边个，原来就系果晚果个肥肥地戴眼镜既男仔阿嘉，如果唔系距黎条短信，我霖我已经唔记得左黎个人既存在啦。本来我哋两个女仔系仙踪林都坐左好耐，就系咁，我开始同距发短信，由一日既一两条，到后来一日十几二十条，开始既时候，距都系得闲问候下我，或者同我吹下水，讲下跑车，讲下PSP之类。但系我发觉距真系好叻，好犀利，我觉得我同距好夹，好有默契，我讲既野，距都会GET到我想讲乜，所以慢慢，我会将好多好多心里话都会系短信同距讲。
虽然我觉得有D奇怪，距从来都没比电话我同我倾电话，我都有问过点解距唔比电话我，要发短信，距答我，距话距系经理，平似上班好多野忙，对住班同事讲私人电话，唔系咁好。距仲话比我听，距其实好乖仔噶，距从细到大就好中意玩车，黎个系距唯一既嗜好黎，平时一般距都唔会出夜街，最多都系星期5，6晚会同D死党出去飞下车，或者饮下酒，就当系缓解下工作既压力。而且距好早训，因为做完野翻到屋企会好攰，通常冲完凉就训了，距仲话，距平时既工作好多时都要打电话CALL客，所以对电话有D职业性恐惧感，一般没乜重要事既话，距都会选择短信而唔打电话。
我真系好傻，好天真，系果个时候，我居然会觉得黎个男仔虽然个样唔系好得，原来系一个好男人黎噶。我认识好多男仔，距地落班就只会去玩，边有好似距咁，落班会乖乖翻屋企噶？而且听距咁讲，距职位应该都几高啦，或者黎D系唔系就系传闻中既好男人呢？随住我哋短信越黎越多，我真系开始对黎个男人越黎越感兴趣。唔使几耐，距加左我QQ，终于，我哋夜晚唔使只系通过短信去倾计了。距发左好多好正既赛车视频比我睇，我哋好多时都会系QQ倾计倾到好夜，我问距，点解而家唔怕夜训？距一次都没正面咁答我，只系话，眼训既时候，就自然会训。

这些事实，确实存在，因为我和嘉刚开始时的短信，有一次在我和Y分手后，他到我家拿东西的时候，我去冲凉，他看了我手机的短信，所以非常真实。

黎个男人好犀利，距同我保持联系左都有成个月，但系距一次都没约我出街，连有几次我暗示我想去行街没人陪，距都唔会提出话陪我去行街。于是我开始怀疑距系唔系应该有女朋友呢？甚至距已经结婚？好似距黎D咁叻仔，又会TUM人既男仔，没理由会没女朋友噶？霖到黎D，我好唔开心，就系果时，我知道自己已经赖野了。虽然自从果次系文德路宵夜之后，我都没见过阿嘉，但系唔知道点解，我唔开心，好闷或者没乜野做既时候，我都会好自然咁霖起距。
终于有一晚，有几个朋友约我去唱K，我又好自然咁同阿嘉讲左，感觉上，就好似我系距女朋友咁，去边度都会同距报道，霖唔到，距居然话落班黎搵我，距话距好耐没唱过K，而且。。。。距话想见下我。大概晚上10点左右，距黎左。哇，原来距着西装好好睇噶，可能因为距肥肥地，个博头够横，可以顶得起件西装卦，真系估唔到，黎个男仔返工个LOOK原来都几英喔！距身水身汗咁行入黎，梗系啦，大热天时着西装，想唔热都难。阿嘉一入门口，同我几个女性朋友打个招呼之后，就好自然咁坐左埋我隔离，仲坐得好埋，我居然没郁到，就咁就比距贴住我坐低左。距除着西装，我发现，距有个肚腩，哈哈，好得意既肚腩，距唔似D大肥佬咁突晒出黎，但系就突出少少，感觉就好似一个枕头咁。
阿嘉唱歌唔算好听，不过好识搞气氛，而且距好似天生就同D女仔好有缘分咁，搞到我当时真系有D呷醋，心情突然间差左好多。点知距好快就发觉左，然后好细声咁系我耳边讲左句：你唔需要唔开心噶，今晚既主角系你，你唔知乜？我今日落班就赶黎搵你啦，因为我知道自己好想见下你，所以你要开心D，个样就靓D，先唔会等我白行一次噶嘛！
唔知唔觉已经晚上12点啦，我哋够钟走人，咁好自然，阿嘉开车送左我翻屋企，我系住盘福路果边既，系路上，我哋讲左好多野，就好似一对恋人好耐没见，一见翻就鸡啄唔断咁不停讲，距好坦白咁讲左距屋企既情况比我知，原来距爸爸已经过世好耐，距仲有个细佬，而且屋企系靠距一个人去支持既，距没女朋友，因为距太忙啦，距惊自己挂住揾钱做野，唔够时间陪女朋友，惊如果自己真系好中意个女仔既话，自己会好伤心，就系因为咁，所以距就算遇到自己中意既女仔，都唔敢去追。而且距系射手座既，距知道自己性格会好开朗，同好多人，特别系异性都倾得好埋，距都惊自己女朋友会唔信距，唔理解距。
我当时真系觉得，咁既男仔，点解会比我遇到？一个又搵揾钱，又有家庭观念，而且仲咁会去体谅人地，我系唔系发紧梦呢？我当时霖左好多好多野，我知道阿嘉其实已经系度追紧我，但系距又无信心可以追到我，又惊当距投入感情之后，我哋以后唔可以系埋一齐既话，距会好伤心。我以前都拍过拖，讲真，自己都已经唔系处，系未遇到阿嘉之前，我真系觉得爱情黎样野，可有可无，有时拍下散拖，可能自己会仲开心，唔使日日都为一个男人操心，担心，伤心。
系我屋企楼下，我哋两个都没讲野，后来距话好夜了，唔想阿妈担心，所以决定返去了，我霖到霖唔到，系距临转身既时候，我自己竟然轻轻咁锡左距块面一下。

yo注：因为一直觉得自己亏欠Y先生，而且我承认当时是自己处理感情不当，我未同Y先生正式分手便与嘉开始，之后再向他提出分手的。所以一直觉得自己亏欠Y先生，人是有感情动物，刚分手的时候我亦不会无情到对他不采不理，所以一直保持断断续续的联系，我本意是希望这个男人慢慢接受大家分手的现实，而分手之后做回朋友亦不会令他伤害太深。点知，就铸成大错了。因为平时的联系，令他会一直留意和知道我和嘉之间的好细微的事情，嘉的情况我有透露过，而塑造一个男人的角色，从他自己本人的角度来塑造，一点都不难。

[ 本帖最后由 妍妍靓妈妈 于 2008-12-14 16:50 编辑 ]

已经影响到我们的生活了，我不想逐个逐个解释，我借MW这个平台，以后有人要问我 ，我直接给连接过去就是了

除了在MW我会发下贴之外，我在其他论坛我都只是看客而已，因为我曾经对Y讲过我都会上77go论坛看贴，于是，文章便在77GO出现了，以前我和Y先生一起的时候，我们看的是GZNET。

噩梦之始
果晚，我锡完阿嘉之后，就匆忙转身咁冲上楼，毕竟我系第一次咁主动去表达自己对一个男仔既爱意。顺理成章地，阿嘉之后似乎默认左我哋情侣既关系，距真系好忙，早上9点半之前要翻到分行，夜晚仲要追数，系追其他SALES既数，因为距系分行经理，所以好多时都要等到其他同事走晒，距先走得，闲闲地都要11点先翻到屋企。之后就会同我系QQ倾计，问我做野有没野烦，嘘寒问暖之类，仲好多时会比到好多有用既建议我。当时我真系好天真，简直就系当距系神咁拜，似乎无论系生活上，工作上都没问题可以难到距咁，距唔止一次同我讲过，其实黎个世界上好多野，都可以坐低慢慢倾，慢慢解决既，只要可以坐地倾，只要可以用钱就搞掂既问题，根本就唔系问题。
我终于明白点解距咁后生就可以做到一个分行经理咁犀利，但系我自己又有少少担心，因为距实在太犀利啦，唔好话讲大话呃距唔到，甚至系一D好细微既野，距都会留意到，而且我觉得距份人计数真系好精，就连我哋好难得咁去行一次北京路，距都会提早做好功课，知道我想要买D乜野，边度最抵，边度质量最好，价钱系几多，距都会提前上网查下。我担心，系因为黎个男人好优秀，而自己只系一个好普通既广州女仔，究竟我哋黎段感情可以维持几耐呢？会唔会有一日距会觉得我唔够优秀，而嫌弃我呢？

yo注：北京路行街，有无需要上网做功课啊？这个题材是出自有次嘉陪我爸爸买车，因为平时他对车已经比较熟悉，后来知道我爸爸大概想买那类型车，在我们去之前他有上过网做功课。题材原版



正如自己所想，阿嘉好快就察觉到我既担心，距没讲D乜大道理去安慰我，距只系同我讲：“其实，我识你果时，你应该记得，大家都系蒲完玩完之后去吃宵夜，所以大家既过去我哋其实都好清楚，我之所以选择追你，系因为我觉得你可以令我改变，从此变成一个顾家既男人，而我都唔会去介意你之前系唔系好烂蒲，好烂玩，毕竟黎D野都已经过去左，之后你以后唔好做一D伤害我既事，唔好做一D令我对你既信任减少既事，我哋就一定可以永远咁行落去，唔会分开。”
当时我好感动，因为我系识距之前，真系好中意去玩，自从同距正式开始左之后，我几乎每日放工就会翻屋企，乖乖咁做完功课或者公司既野，然后静静咁听住歌，等阿嘉落班之后上线搵我。有时距有野做，或者要陪D同事应酬，庆功之类会夜翻，距会发短信比我，叫我早D训，唔好等距，而我，就会一直傻傻咁望住果个灰色既头像，直到眼训先会去训。我知道，做人地女朋友，系应该比足够空间自己男朋友既，我唔会去查我男朋友去边，同D乜人玩，只要距话比我知，同埋距翻到屋企会发短信比我知，距翻到屋企，我就觉得足够了。
其实从第一晚我锡距开始，我哋之间就再没见面，距做地产既，基本一个星期7日都要返工既，而且距系做经理，管住成10个业务员，一定系好忙好多野做。平时我地都系靠QQ，短信或者系一个简短既电话去维持我哋既感情。我承认，我一开始既时候觉得好唔习惯，边有男朋友一日到黑卦住做野唔陪自己女朋友噶？我都有发过小姐脾气，叫距落班一定要黎我屋企楼下搵我，就算见一见面，我都已经觉得好足够。不过，好快，我又比距说服左，距同我讲，距而家后生，精力好，而且07年既房地产市场好疯狂，好多人炒楼，买楼，距地而家生意好好，距估计可能过多两年黎个市场就唔会咁火爆，所以想趁而家市道好，搵多D快钱，咁以后我哋先可以有本钱，有时间去建立属于我哋既二人世界。而且距仲同我讲，距而家手头上已经有几个炒家，只有有适合既楼，距地就会入货，然后转手出去赚钱，而D佣金就可以唔经公司，比距自己全部袋晒，所以距会好忙，成日要同D炒家去睇楼，饮茶甚至去睇车。
好唔容易，终于有一晚比我盼到啦，距话手头上好多楼已经转左手，赚到唔少，好开心，想同我去饮野庆祝下，果日啱好系星期五，我第二日唔使返工，而距又撞啱第二日休息，我等距放工之后，就可以一齐去睇电影，然后去饮野，玩夜D。距从来都没同我讲过距系边度返工，果日，距都只系叫我系西门口地铁站等距返工，距话唔想我出左地铁之后行咁远喔，仲叫我如果闷，就入去M记买杯可乐，买包薯条，慢慢等距。大概9点半左右，距黎左。距真系挨得好辛苦，我当时好心痛，我记得距同我讲，距返工之前都会剃须，而果日，我睇得出距没剃须咯，而且个样仲好攰咁。
我哋坐地铁去左江南西果度睇戏，之后又一齐吃宵夜，果晚真系好开心，阿嘉不停咁讲笑去引我笑，距话我笑起身个样好迷人，如果可以日日都见到我笑，咁就好了。当时既我，真系觉得自己好幸福，可以有一个咁叻仔，又咁会TUM自己既男朋友。晚上12点几，我睇得出，阿嘉距个样好攰，于是我就叫距唔使送我翻屋企啦，早D返去休息下，点知道距讲，距咁难得先见到我一次，唔舍得我走，想见我耐D，于是我哋就系江南西果边手拖住手咁慢慢行，唔知唔觉，我哋居然一路行到解放桥脚。

yo注：手拖手慢慢行，呢一段，系以前我和Y先生的经历，我们曾经从长提开始行到翻文昌路。

[ 本帖最后由 妍妍靓妈妈 于 2008-12-14 16:53 编辑 ]

边个男人先？我前男友系巨蟹，感情第一；我未婚夫系射手。

     阿嘉突然揽住我，话距做野最近好辛苦，好攰，距日盼夜盼都系盼可以见到我，咁距就可以忘记所有既辛苦，每日同我倾完短信之后，就会比到好大动力距，另距第二日返工可以有动力。我真系好感动，我就话，不如我送你翻屋企早D休息啦，然后我自己坐车翻屋企啦，唔使你送啦，你睇住我上的士，你米可以放心，唔使担心我咯。阿嘉距话好，于是我哋就上左的士，然后去到距屋企附近。

     阿嘉屋企住海珠中路，果时系夜晚，我都已经唔记得系点样入去啦，因为，就系黎一次，我从开始到而家，就只系去过阿嘉屋企一次！！系距楼下，距揽住，不停咁锡我，距话好开心，想见多我一阵，唔比我走。当时我都好意乱情迷，同距一直系楼下KISS，感觉好开心，讲真，我未试过同一个男人KISS可以另到自己可以有生理反应。。。。。。于是好顺其自然咁，我后来跟左阿嘉翻左距屋企。距间房唔算大，不过好整齐，就系咁，我哋系第三次见面就已经发生左关系。

yo注：其实认识嘉的人都知道佢的房间一D都唔整齐，但点解甘写，当然有原因啦



这一段日记，不仅让他判断嘉的房间因我的收拾会整齐，亦是引申到后来嘉说我给他老婆的感觉的原型。但其实，如果上过去，不可能不提到，我有一张好大的合照，就放在嘉的台面上，一个女人点都会问吧？最多嘉回答是前任女友罢了。


     老实讲，无可否认，系张床度既阿嘉，同我想象既系完全两回事，距好懂得取悦女性，距好温柔，而且距懂得点样去刺激到我既欲望，一句讲晒，距就系果种可以另一个女人系张床度完全臣服于距既男人。我知道咁样就发生关系系太快，但系对于距既挑逗，我没办法抗拒，难听D讲距，真系可以话比距为所欲为，而自己就百依百顺。果晚我哋一共做左两次，实话讲，两次都可以另我到达我想要既境界。距真系好犀利，直到而家，我都仲唔可以忘记距系床上比到既快乐我。

     期间发生左一D插曲，就系我哋开始第一次既时候，我仲有D清醒，我问距，使唔使落街买安全套，距话距屋企有，于是就系距某个柜桶里面拿左一个出黎，大概半个钟头之后，距搞掂左，揽住我喘息既时候，我突然问左距一句，点解距屋企会准备定安全套，系唔系距成日都会带女仔上黎搞野？阿嘉答我，距话黎两个安全套系距同距之前女朋友用剩既，已经放左系度成年啦，不过未过期。女仔对于黎D野系好敏感既，我当时好唔开心，于是问左好多好多关于距以前女朋友既野。但系估唔到阿嘉距居然会一五一十讲晒比我听，距之前女朋友同距拍拖已经2年几，后来认识阿嘉没时间陪距，所以成日出去玩，结果就一去没回头，阿嘉仲话，系未遇到我之前，距仲有少少房唔低距EX女友，但系而家已经完全放低晒啦，因为距而家既眼中就只有我一个。

yo注：呢段就是我判断谁是幕后人的重要一段，因为关于这2个避孕套，我从来没有跟任何人提起过，但我的日记上面记载了前半部分




而后半部分，事实的真相原来是一场误会，后来我们在柜桶后面的地下找到了另一个避孕套。。。。。。。。哈哈，但只有看过我日记的人会知道，从而串成一个这样的故事，如果不是我亲身经历，我谂嘉真的跳落黄河都唔清啊。

     我当时其实已经没乜嬲距，不过女仔肯定会扮下野，于是我继续扮发脾气，要距TUM，就系咁倾倾讲讲，唔使几耐，当我猪起个嘴扮唔开心既时候，阿嘉好突然咁锡埋黎，仲要系带少少粗暴果只，唔知道点解，我一D都唔觉得痛，反而仲觉得好开心，就系咁，我哋又开始左第二次既激情，而且，从黎一次开始，以后我哋再都没用过安全套黎样野。。。。。。

[ 本帖最后由 妍妍靓妈妈 于 2008-12-14 16:56 编辑 ]

好快已经到9月，交易会准备到，我开始忙起身，早上返工好多时都要加班，而阿嘉好似比以前更加忙，我哋见面既次数真系可以讲系屈指可数，平时就系用短信黎联系，我好挂住距，好想见距，但系阿嘉距话好忙，因为受到股市同楼市既影响，公司既生意开始下滑，仲听闻话如果距地分行业绩唔得，可能会比总公司关闭。所以我哋几乎一个月先可以见到两三次面，而且基本都系要星期六日大家得闲，或者有时好夜距放工既时候过黎搵我。

另我觉得不安同埋唔开心就系，我哋每次见面既时候都唔长，而且唔会好似其他人拍拖咁去吃饭睇戏，我哋每次见面，其实讲出黎会比人笑，哎。。。。。一系就系好夜既时候我屋企，我屋企好早训，而且我间房距离距地间房好远，一系就系出去开房，再唔系就系距部车上面。每次见面我哋讲唔埋10句就会做爱，我觉得距似乎对性黎样野好渴望，而且需要好大。无可否认，距每次都可以比到满足我，但系我始终都系一个女仔，我开始觉得距对黎方面既要求，另我觉得难受。

我哋系酒店，系我屋企，系距部车，甚至系我屋企既楼梯（距想我唔肯）都试下，有样野我一直都忽略左，距好似有两台车，而距好中意开一台白色既骐达，开始我没留意，到后来我发觉，黎台车里面既野，里面既摆设，里面既饰物，好似一个男人系唔应该会咁去布置既。

yo注：白色的骐达是我们07年8月中买的，Y先生只知道白色的骐达，后来在原论坛嘉质问另一部车是什么颜色，云已经说答不出。


07年国庆，我同我班朋友想去海南岛玩，因为听人讲，海南岛10月唔太热，又唔会冻，最适合去旅游，于是我哋就计划不如大家开车去，之前都提过，我有几个朋友都系中意玩车既，当然都包括阿嘉在内啦，于是我同阿嘉讲，距开始都好感兴趣，仲话叫埋距D朋友一齐，浩浩荡荡咁一支车队咁杀上去海南岛。我好开心，毕竟我哋开始咁耐，唔好讲话去旅游，就连平时吃饭睇戏都少，难得我哋第一个国庆节，可以去旅游，我真系觉得无野可以开心得过黎样野。我哋开始策划，就连路线我哋都霖埋嘎啦，霖住今次一定可以玩得好开心！

点知后来，临近国庆，阿嘉突然同我讲，今次既旅游要取消了，因为距细佬要用车，系公事，所以距没车用，也都去唔到海南闹了。我当时好嬲，我觉得好失望，我盼望黎次旅游已经足足成个九月啦！当时我好火，也都发左一次好大既脾气，冲口而出讲左句：“你台车，系比你细佬用，定系比翻台车既女主人用啊？”我估都估唔到，一直对我都好温柔，好迁就既阿嘉，听完黎句话之后就好似变左个人咁，距好恶咁掉低一句：“你LM中意点讲就点讲啦！”然后就转身走左去，掉低我一个人系西门口地铁站，就咁就走左去！我好想追去距屋企问距个清楚，可惜。。。。我已经唔记得距屋企点去啦！

yo注：海南岛事件原版---同样来自我的日记




接下来，嘉当然失踪啦，因为去了陪我嘛。这个人很有作家潜力啊。


接下来，成个国庆阿嘉就好似失踪咁，一个电话，一条短信都没，甚至连QQ都没上！我自己又赌气，霖住距唔搵我，我就唔搵距，今次又唔系我错，点解我要搵距先？就算我真系因为果一句话而讲错野，咁大个男人，都没理由咁小气噶？除非距唔着急我咯！就系咁，国庆假期好快就过去，而我也都度过左咁大个女最唔开心既一个长假，成个假期我边度都没，就系屋企望住个电脑，睇住部手机。希望可以收到距道歉既短信，或者系闹我既短信，我都会觉得好受一D。

[ 本帖最后由 妍妍靓妈妈 于 2008-12-14 16:57 编辑 ]

节后，又系正常咁返工，而夜晚又要返学了，阿嘉黎个男人突然好似系我既世界消失左一样，我成个人都憔悴晒，饭又吃唔落，课又没心机听，又开始想过翻果D晚晚出去玩既日子。咁啱果日，我有个朋友生日叫我出去玩，于是我落课之后就去左喜喜，一直玩到1点几，又比班朋友捉左去宵夜，唔使问，又系文德路咯。点知，我都未坐底，就已经见到阿嘉距坐左系另外一张台。我哋几乎同时都发现左大家，唔同就系，距身边仲坐住一个女仔，黎个女仔。。。。系我既朋友，也都系果次第一次去唱K果时同我一齐去其中一个女仔。。。。

阿嘉见到我，马上跑左过黎，我霖都没霖就转身走左，距追上黎，然后拉左我去天桥底，然后用质问既语气问我“你做咩唔搵我？你做咩咁夜都仲系出面？果度边个系你新欢啊？”我当时比距激到我喊，我反问翻距“点解国庆咁多日你唔搵我？你同我既朋友一齐吃宵夜，你居然问我边个系我新欢？”阿嘉揽住我，我挣扎唔到，就由得距揽住，我都想听下黎个男人究竟比咩解释我。

但系阿嘉没讲野，揽左好耐，突然距讲，不如我哋而家搵个静D既地方慢慢倾，好唔好？我答应左，于是阿嘉跑左返去，同果个女仔讲左大概5分钟左右，就跑翻返黎，拖住我走左，我都没同我班朋友打招呼，就系咁比距拖住，一直行到去江边。

珠江边，我做左黎世女最错误既一个决定，也都系之后所有所有野既开始。

阿嘉拖住我，距话有好多野要同我讲清楚，讲真我都当时都已经做好左最坏既心理准备，但之后从距把口讲出黎既野，真系觉得自己就好似电视剧里面既女主角，而家现实就系做紧戏一样。

原来，距国庆一直没搵过我，系因为距想冷静下，距话，我哋认识既地方都可以讲系蒲场，而距认识我果时，感觉我就系一个好玩得既人，开始既时候都系霖住试下玩玩下，点知后来同我通短信之后，先发现我唔系距想象中咁样，慢慢距爱上左我，但系距之前女朋友就系因为贪玩所以走左去，所以距好担心，也都好害怕我又系会咁样，到最后一走了之，所以距一直都唔敢放太多既感情落我身上，有时连距自己都搞唔清楚，究竟我哋系情侣定系X伴侣。也都系因为我同距既过去，所以距承认距系极度唔信任我既，距怕我会系距唔得闲，忙既时候，忍唔住寂寞又出去玩，然后又比第个男人搞。

当时我好伤心，虽然我睇上去好似好玩得，但其实除左我以前男朋友，就系得阿嘉一个男人得到过我既肉体，而且唔怕难堪咁讲，系阿嘉面前，我感觉自己好似果D上左年纪既女人，即系距想我点做，我就会点做，我哋试过野战（车上），试过一路观摩一路做，我咁做，我自己都唔知点解，但系对住距，对住距既要求，望住距渴望既眼神，我就会软化。但系而家自己最心爱既男人居然同自己讲，唔信任自己，当时既难受真系可想而知了。然后，黎D都未算系最另我震撼既。

yo注：真有缘分， 甘岩个日出去玩，甘岩就去宵夜，甘岩就遇到阿嘉。你们真实缘分不浅喔。。。。既然看到自己朋友和嘉一起宵夜，为什么不过去打过招呼啊？又唔系唔识。



[ 本帖最后由 妍妍靓妈妈 于 2008-12-14 16:58 编辑 ]

果台白色既骐达。。。。。原来真系唔系阿嘉距自己既，而系距现任女朋友既！！我当时冷静得出奇，可能因为我一早就开始怀疑黎台骐达既真正主人系一个女人。我没打断距，只系想等距讲完所讲既野之后，出力比巴距之后好潇洒咁转身离开。

阿嘉同黎个女仔开始左大概都有1年时候，之前黎个女仔，暂且用E小姐代替啦。E小姐原来系阿嘉距地公司既秘书，而阿嘉公司，就系西华路果间美联物业（我一次都没去过，直到今晚，我先知道原来阿嘉系果度返工）。系阿嘉刚失恋既时候，E小姐去到美联返工，因为系新人，所以阿嘉作为阿头，就会好多时都要教距好多野，E小姐对阿嘉，就好似当初既我咁，除左崇拜就系佩服。唔使几耐，阿嘉就发现自己都几中意E小姐，咁既然没拖拍，咁就自然打算追求E小姐啦。

点知（阿嘉亲口讲），E小姐原来已经系一个离过婚既女人，而且仲有一个5岁大既女，同老公离婚之后自己带住个女系妈妈度住。阿嘉当时都觉得咁既女仔，就算人几好都好，毕竟会受到周围好大既压力，如果自己同咁既女仔系埋一齐，唔好话外界既压力，就系自己妈妈果一关，都唔知过唔过到，所以阿嘉就只好保持果种若即若离，暧昧既关系。

阿嘉话，后来E小姐可以讲系自己送上门既，对自己好好，而距又知道，E小姐屋企其实系几有钱既，果时话有客入货炒楼，其中一个就系E小姐自己。阿嘉觉得咁好既女人，屋企又有钱，可以系事业上面帮到自己，又唔需要担心距会唔安分守己，毕竟带住个女，人会定性好多，不如就试下同距发展啦！就系咁，距地两个就系埋一齐，听阿嘉讲，距地正式开始既时候，同我哋一样，都系系床上，只系地点唔同而已。部车系E小姐，因为国庆E小姐要翻乡下，要用车，所以距没车同我哋一齐去海南岛。

老实讲，我当时心理好唔平衡，我系度霖，点解我会输比一个离婚妇人？仲要人地有个女噶！？然后阿嘉继续同我讲，又使我原来唔平衡既心理变翻平衡，甚至有D欢愉。

就系阿嘉同E小姐开始左没几耐，阿嘉发现E小姐既占有欲好强，距会查阿嘉既电话，短信，一有时间就要去阿嘉屋企，话想多D时间照顾阿嘉。平时阿嘉同D同事出去玩夜D，E小姐都会唔中意，甚至会发脾气，仲成日拿黎样野黎同阿嘉吵。但系平时生活上好多野，E小姐又真系照顾得阿嘉好好，可以讲系24孝老婆果种感觉，而且阿嘉，也因为E小姐可以帮自己搵到钱，同埋E小姐台车基本上系广州都系阿嘉用得多，所以阿嘉觉得自己欠左E小姐，就系咁，距只好忍受E小姐好多时好神经质既质问，慢慢也都习惯左，直到果晚我既出现，距先发觉，原来距中意既女人其实唔系E小姐咁既，而系好似我咁，大家有足够既空间，唔会太去干涉对方既时间，咁样见面先会有激情，而唔会死气沉沉。

yo注：如果E小姐会查电话、短信，真会有蛛丝马迹查不出有云这个人存在？了解射手的人都知道，射手贪玩，是无人可以管得住的，射手不会因为有个人可以照顾自己而放弃自由。而当时，我和嘉一起的时候，都经历了很多次的转折才走到今天。但如果当时大家已经没有激情，又没有责任，我提出几次分手，嘉都去挽留吧？

我突然发问：“一个结过婚既女人，床上技术应该好犀利啦！你份人咁中意搞野，距没理由满足唔到你喔？”点知阿嘉同我讲，E小姐其实好保守，难听D讲距，真系没乜激情，所以做得多，都真系好似交功课咁，同我就唔同，距觉得好有FEEL，好有激情，可以另距完全咁投入到里面，也都系点解次次我哋见面都会做两次以上。

我沉默，我当时系相信黎个男人所讲既野，因为女人系某些时候既感觉系唔会有错既，同我一齐既时候，距真系好投入，甚至仲投入过我？但霖霖下，究竟系距投入，定系。。。。距压抑得太犀利呢？阿嘉系后面轻轻咁揽住我，我没反抗，因为10月既江边都有D凉意，我好嬲阿嘉，但系。。。我知道自己仲系爱距。阿嘉系我耳边同我讲，距考虑得好清楚，继续同E小姐既话，距屋企人会唔中意，而自己也都唔适合黎种类型既女仔，太痴身，再加上，距同E小姐个女好似唔多夹咁，小朋友好似唔多中意距黎个哥哥。而且距仲讲，距同E小姐系开始既时候已经约定好，只要一齐开心就无所谓，距地系没霖过将来既，毕竟E小姐都系过黎人，距都明白到，距既经历好多屋企同埋男人都接受唔到，开心就够了。

我没出声，阿嘉继续讲。。。。距话距遇到我之后，就已经做好左黎个决定，但系E小姐之前帮过距好多，而且对距好好，又没做对唔住距既野，所以而家好难开口，或者等E小姐翻乡下做生意之后，再借口感情淡左做理由，试下同E小姐分手。因为距地之前协议过，只要没FEEL既话，边一方提出分手，另一方都唔会反对。（好后来先知，原来E小姐屋企真系几有钱，可以系乡下开饭店）。我知道自己当时系唔服气，因为我会输比一个离婚女人，所以我答应左阿嘉，我话我愿意等距，不过就要距系08年我生日之前一定要同E小姐分开。

所谓协议过 ，可能就是这里一段吧




同时我又问左个问题，我问，点解距可以上你屋企训，而我就唔得？我哋要偷情咁？阿嘉话，因为E小姐好痴距，距地开始左几日，E小姐就已经执晒野过黎距度，所以好难推咯。距又应承我，距会慢慢叫E小姐多D带下个女，唔好成日黎距度，用多D时间陪下个女。咁我又问，咁如果今晚你唔返去报道，得唔得？


CK对面间7DAY。。。。。。就系咁。。。。我黎个第三者又再次成为第三者，仲系一个好似应诏女郎既第三者，又一次咁同黎个男人开始左之后成年既偷情游戏。。。。。。。我知道自己既决定系错，但系我唔甘心，同时也都带住对自己心爱既男人既盼望，希望距可以脱离黎个比到距咁大压力既女人，过翻D普通男女拍拖结婚既日子。。。。。

yo注：各位，我终于出场啦。 如果按照云所讲的时间，买车之后我就翻了乡下，嘉根本没有用过车，就算用都系和我一起，那他和我一起，不可能我开车吧？

接下黎既日子，我真系唔知自己系点样过既，我对阿嘉既爱越黎越深，可能距真系比到一个同其他男仔唔同既感觉我，距做野好精明，真系计过条数草都唔生，距做野好干练，而且距解决问题既方法好直接而且好有效。系工作上好多野，只要距比到意见我，基本上我就可以顺利解决，我越黎越觉得自己离唔开距，真系好想好想可以同距一直咁行落去，结婚，生仔。

阿嘉依然都好忙，距地分行听讲话挨唔落去，而距也都去左一间新既公司，系咩公司，距没同我提过，但系我发觉距又开始好多时会陪D同事去应酬，去边我唔知。我曾经问过距，点解我哋一齐咁耐，虽然话就话系偷偷摸摸，但系点解你D朋友我一个都没见过？你唔系同E小姐一齐出去玩果时，点解唔带埋我去？阿嘉比既答案就系，“唔好讲你，连E小姐都好少带出去，距都好少见我D朋友，因为我觉得工作，特别系同D同事出去既时候，保持一个单身既形象其实好重要，因为领导们都唔太中意结婚既人，因为结婚既人会分心去家庭，就唔会专注于公司。



yo注：前面云只提到嘉在西华路分行，就是说他对嘉的认识只停留在西华分行这个阶段，而这个地方，亦系我同Y先生分手时我工作的地方，但不到一个月，西华分行已经关闭，而嘉亦都掉了2间分行，而且还从副营业经理升上正营业经理，这么值得庆祝的事情，不会没有和自己的情人分享吧？所以，当时我们分析，这个人对嘉，只了解到西华路这里，然后就直接跳到了嘉转新公司。这个已经是后来的事，当然，事出亦必有因。


新公司事件出处：





“唔好话你，连E小姐我都少带出去，，，，，”









我没再问，因为我知道，自己而家同阿嘉一齐，其实真系好鬼祟，平时夜晚距要翻屋企陪E小姐（距地两个好似话住埋左），早上距又要返工，好夜先放工，仲要经常去应酬，只能系我没黎野既周末，距先可以趁E小姐系屋企带女，距先可以陪到我。。。。。咁唔使问，我哋除左见面，就系做爱。。。。唔知几多次，我问距，点解距话要准备同E小姐分手，但系而家又住埋？系唔系想享齐人之福？究竟距有没霖过我哋以后？究竟我系距心目中系女朋友，还是长期性伴侣？

阿嘉比既答案我，我又一次相信距，或者可能当一个人爱另一个人既时候，明知系谎言，都会选择去相信吧。距话，E小姐唔知点解最近身体好差，周身病痛，距唔忍心一个曾经距中意过既女人，一个对距咁好既女人系黎个时候仲要接受分手既痛苦，所以距而家都会以E小姐身体唔好做理由，基本上已经没同E小姐发生关系成2个月，打算等E小姐身体好翻，而新公司既野稳定落黎之后，就会同E小姐坦白，距地没将来，长痛不如短痛，大家做翻生意拍档咁样。

yo注：知道E小姐周末要凑女，知道E小姐身体状况的人，绝对唔会系嘉身边的人。所以我们分析的时候，第一感觉，这个人非常熟悉我们，一定系我们身边的人。后来一直看到对E小姐的描述，清楚E小姐的事情，即使嘉有个情人，但佢连嘉的事情都什么不知，嘉为什么讲这么多E小姐的事呢？



[ 本帖最后由 妍妍靓妈妈 于 2008-12-14 16:59 编辑 ]

开心？唔开心？我自己都唔知，我相信距既承诺，但又见到距好多野。。。。E小姐既QQ空间我去过，也都见过D相，原来E小姐比自己靓，至少系女仔角度去睇，真系几靓女，好得意果种，如果没人讲我知道距有个女，我真系以为距同自己年纪差唔多。

无耐，我哋又吵啦，有几晚加班，好夜先翻屋企，阿嘉距好唔开心，系QQ粒声都唔出，但系距唔隐身，就系唔出声，后来我比电话距，距直到1点先复电话比我，距问我系唔系有身痒出左去玩，咁事实系没，我梗系答没嘎啦！但系唔知点解，阿嘉点都唔信！！我点解释距都唔听！（后来我先知，原来果段时间距出去叫鸡，点知比E小姐断正，距地两个吵紧分手，距心情好差，黎D系后话，以后再讲）。我比距逼到喊，我都唔知点解距要咁黎冤枉自己，后来。。。。。我让步，我话以后我MSN,QQ，甚至连163个邮箱密码我都比埋你，咁你可以随时查到我啦！！

这一段是最被原论坛放大的一段，也是说嘉曾经要出去嫖妓，为什么我可以忍受，大家可以搜索我曾经在MW发过的帖子，就知道我对男人嫖妓是有什么看法。当然，作为一个女人，任何时候都不可能接受，但当时是怎样化解这个矛盾我就不讲了，反正我是给了一次机会嘉，而到今时今日，嘉亦以他的实际行动兑现了他的承诺，起码，到目前为止，他以实际行动给到了安全感我，我没有后悔给他这次机会。因为这些事情接受程度见仁见智，只代表我个人。

讲真，我开头以为咁样距就会相信我，点知距真系要我SNED晒我D密码比距，仲话如果D密码同银行卡密码相同既话，距帮我改一个密码，然后话我知！咁我当然又提出我都要距QQ密码嘎啦，距唔肯，距话距份人咁好女人缘，肯定会有好多好友系QQ，距怕有D中意距既女人乱讲野，距就水洗都唔清喔。于是我又一次傻HIHI咁比晒D密码距，仲连密码取回既问题答案都比埋距。

我地见面时间同以前一样，都系咁少，好多朋友问，点解有时三更半夜都见你在线，叫你又唔应？我知道系阿嘉距上我个Q，我米话，我训左，唔记得关电脑咯。。。我感觉自己好辛苦，但系为左得到距既信任，我觉得没所谓，因为我真系没做过任何对阿嘉唔住既野。。。。。

我刚和嘉开始的时候，Y先生就经常问我为什么我的Q会半夜三更上线，他叫我又唔应，因为当时我知道系嘉上我的Q，刚开始他对我以前的事很好奇，他是偷看我的密码然后登陆的。我知道，但当时我Q又没有不见得人的野，我就随他看，后来几次我就自己改了密码啦。

时间过得好快，就黎过年啦，我真系估唔到，我08年既新年，居然系。。。。。第三者既身份去过，唔开心，但系没办法，边个叫我爱上距呢？另一方面，可能我又坚信，一个有过去既女人，绝大部分既男人都应该接受唔到，而家可能只系暂时觉得新鲜，玩玩下咁咯。。。。。

春节，我哋另外一次冲突又爆发左。。。。。。。。。。。。

[ 本帖最后由 妍妍靓妈妈 于 2008-12-14 17:01 编辑 ]

10日既日子，真系好似成个月咁长，阿嘉终于翻黎啦！不过我都系有一晚系屋企见到距上线我先知，我霖，距可能想等第二日先通知我距翻左黎啦，我没叫距，就系都静静咁望住果只青蛙从有色变成灰色。果晚我又失眠，好多好多野都浮现出黎，有开心既，有唔开心既，但一霖到我如果唔训，面色就会好差，如果听日见到阿嘉，距会担心我系唔系唔舒服，于是我起身，吃左粒感冒通（屋企没安眠药），先训得着。

但系接落黎几日，我好失望，阿嘉只系发左几条短信比我，话距翻左黎，公司好多野等住距处理，所以暂时没时间陪我，叫我唔好嬲，等多几日距没咁忙，再同我出去开房。。。。哎，我真系心都凉埋，点解次次我哋见面都要开房？普通行下街，吃个饭，睇下戏，其实我已经觉得好足够了。都系算啦，男人事业为重，距出左去咁多日，可能真系公司好多野等住距返黎做呢？我不停咁安慰自己，不停咁帮距稳借口。

直到有一晚，一个好耐都没见既初中同学比电话我，话我哋初中同学聚会，叫我一定要出现，咁当时加紧班，一时唔记得左比短信阿嘉，话比距听我今晚会去潮流间NEWWAY唱K，直到夜晚距比短信我，我先记得讲距听，阿嘉好似好唔开心，就系复左句：唔好玩咁夜，我好攰，会早D训啦。

初中同学好耐没见，NEWWAY得三个钟头，我哋成20个人，个个都唱唔够，于是我哋决定近近地去堂会继续，因为堂会系按钟数唔按人头既，人多其实去堂会仲抵，我望下表，我哋6点唱到9点，时间都早，于是就跟埋班同学转左去堂会继续。大概10点半左右，我饮得太多柠檬茶，觉得有D内急，于是就行出去打算去厕所，我无意中望左下其他房，发觉有个人好似阿嘉，揽住一个女仔坐系里面。而黎个女仔就系我认识阿嘉果晚，同我一齐吃宵夜果个？！

我行得快，睇唔清个男既样，但系黎个女仔我认得，距每次出街都会化妆，仲要系好重果一只，我好迷惑，于是快快手手去玩厕所，霖住再返去望清楚。但系行到果间房门口之前，我停住左，我好惊，我好惊，如果个男既真系阿嘉，咁我会点呢？我会唔会好似电视里面D人咁，冲入去破口大骂？毕竟果个女仔都系我朋友，唔算话死党，但以前都经常一次出去玩，一齐飞过车。

就系我仲腾黎腾去考虑紧，果间房既门突然开左，吓到我拉拉声转身行左去转角，然后望住条走廊，个心跳到就黎跌出黎。。。。。。。。当我望清楚之后，我觉得所有灯好似突然黑晒咁！！阿嘉揽住我个朋友，有讲有笑咁行左去电梯口，原来真系距！我望左下表，已经快11点啦，于是我跑翻入我哋自己间房，同D同学SAYSORRY，然后拿翻个手袋就追左出去。从9楼到地下，电梯都系平时咁运行，但系对以我黎讲，就好似过左几个世纪咁。

追到出门口，阿嘉揽住个女仔上左的士，原来距没开车，望住果架远去既广俊，我傻晒，我唔知道自己当时系乜样，眼泪好似洪水咁爆发出黎，唔知过左几耐，我也都唔记得我究竟系点翻屋企，我只系记得，我第二日没返工，发烧烧到39度，自己完全唔知自己系度做紧咩，好似个人死左咁，灵魂唔知去左边，我甚至没勇气拿起个电话去质问黎个人。

yo注：其实到这个时候，我的日记基本没什么写了，因为我已经和嘉过得比较平淡，已经类似亲人的感情的。所以，素材基本就无了。
        再看云，平时就不敢出去玩，出去玩就那么2次，但每次出去都被他撞到嘉，真系有缘。而如果上次见到嘉和一个她自己认识的女仔一起，她完全可以以那个女仔朋友的身份去八下啊，不需要公开自己和嘉的关系就八到啦。这些事情，我谂每个女仔遇到，直觉上都会有疑问，都会想办法知道。



[ 本帖最后由 妍妍靓妈妈 于 2008-12-14 17:03 编辑 ]

我系E小姐，里面的果个我，，，系一个虚构人物，事情很复杂  慢慢睇。。。。

就当我以为问题解决之后，又系一个星期六晚，阿嘉比电话我，想话同我讲清楚，顺便比翻D野我，距求左我好耐，终于我忍唔住出左去见距。我哋约左系花街90，距话果度花园没乜人，而且地方大，可以慢慢倾。

坐低之后，距叫左一打百威，话慢慢饮，慢慢讲。我一直都系保持好冰冷既态度，而距就不停系度解释，距话XXX果晚见完距之后，就问距另外一个朋友拿左阿嘉电话，之后有时会搵阿嘉倾下计，后来阿嘉换左公司，XXX啱好失业，就问阿嘉新公司请唔请人。阿嘉问过之后，就安排左距去面试，后来都顺利咁入左阿嘉公司。果晚系堂会，系阿嘉连同距地既同事一齐去唱K轻松下，因为新同事玩得开心，所以饮多左，而XXX就话距果晚有亲戚到，唔敢饮酒，所以好清醒。到后来11点左右准备走，阿嘉话自己饮多左，唔敢开车，而XXX就话距清醒，不如距送阿嘉走。所以先会比我见到阿嘉揽住XXX出黎，其实果时自己好WING，行路都行唔稳喔。

哎，都系怪自己心软，阿嘉讲到双眼都红晒，声都沙埋，仲发誓话果晚没掂过XXX，仲话，一个男人如果饮醉左，其实系不举噶。我之前都系77GO见过类似既贴，话男人真系饮大左，其实系没反应既。咁我回忆翻当时阿嘉个样，满面通红，真系饮大左咁样。正当我半信半疑既时候，阿嘉突然喊左出黎，距话距好辛苦，系屋企要对住E小姐，明明没晒感觉，但系因为责任，距都要好锡距，而且我又误会距，唔肯信距，就凭距揽住个女仔，就判距死刑，连上诉既机会都没！！

讲完黎几句，距突然饮晒一支百威，然后就冲左出去，我没追出去，因为当时我个心都好痛，我又何尝唔系好辛苦呢？我忍受住偷情既日子，忍受自己男朋友晚晚要陪一个没晒FEEL既女人训，而且仲比我见到距揽住第三个女人？我好辛苦，望住台面既百威，我有种想饮晒距既冲动，就当我饮左4支既时候，阿嘉翻左黎，原来距去买左我最中意吃既章鱼小丸子返黎。。。。。。

我霖，黎个钟数，应该只有北京路先会有得卖，而花街90距离北京路有几远，相信大家都好清楚，望住距件衬衫湿晒，我忍唔住揽住距好大声咁喊左出黎，原来放声大哭真系可以令一个人发泄晒自己既冤屈出黎，再加埋啱先饮既酒，我既理智慢慢咁消失紧，我哋又好似之前咁，乜事都没发生过一样，我依偎系距怀里，一人揸住一支百威，慢慢饮，知道一打百威都饮晒。

yo注：我同嘉一起睇到呢度，已经笑到爬系度，因为识得佢既人都知道佢饮唔到酒的，佢无可能同个女仔叫1打啤酒饮。饮完一支佢都已经晕啦，仲慢慢饮完一打。所以，呢个人一定唔熟悉嘉。而花街90，曾经系我同Y先生来过，渡过一个生日的地方，我慢慢觉得事情我系有头绪了。



[ 本帖最后由 妍妍靓妈妈 于 2008-12-14 17:04 编辑 ]

佢自己的空间，经常有长篇小说系度写紧，所以，推测的时候，可以写甘大篇野出来的人，范围好窄

欢乐既日子总系过得好快，依然系偷情，依然系少见面，但系我觉得阿嘉讲得没错，误会可以忘记，过去唔再重要，未来先会幸福。。。。唔知唔觉，已经系08年既8月份，我啱啱升左职，从一个普通文员，而家系业务副助理，帮我哋经理手处理一D外省既业务，也都系意味住我将会有出差，全国飞既机会，我开心，马上同阿嘉讲左，距都好替我开心，距话做业务好啊，可以学多D野。出差就出差咯，反正都系中国，有钱买机票，就算出差途中，突然飞翻广州都可以啦。

工作顺利，感情又甜蜜，似乎我真系搵到左自己既白马王子，但系，随住我亲戚连续两个月没黎搵我，我开始担心，我没同阿嘉讲，自己走去7仔买左野黎检查，结果。。。。。。就正如做戏一样，我有左阿嘉既骨肉。

yo注：08年8月升职，亲戚连续2个月无来，甘去落BB系8月还是9月啊？而真实情况系：嘉的铺头系08年8月8号开张，所以08年的整个7月，都系忙紧开张既事。


可能有人会问，阿嘉成日上我屋企，我屋企人唔知既咩？开始既时候，距地真系唔知，因为我间房同爸爸妈妈间房中间系隔住个厅既，而且阿嘉上黎，一般都会好夜，最早都成11点半先会黎，距一般都系2点前就会走，所以我屋企人系唔知有个男人成日会夜麻麻上黎搵距地个女。

yo注：当我怀疑呢篇野系Y先生写的时候，佢描写的呢个位置，佢间房同爸爸妈妈间房中间隔住个厅，完全就系Y先生屋企的间隔。我越来越有头绪了。。。。

随住时间推移，爸爸妈妈开始发觉我拍拖，以前既我好中意成日出街，但系而家基本上夜晚一放学我就会翻屋企，然后系房对住台电脑，好夜都唔训，仲时不时会自己咪咪嘴系度笑。不过系最近黎段日子，因为我知道自己同阿嘉之间发生咁多问题，搞到情绪好低落，系屋企成晚都唔出声，阿妈已经问过我，系唔系个男仔对我唔好，我次次都话唔系，只系做野返学好辛苦，而且工作上有D人际关系处理得唔系咁好，所以心情成日会唔好。

直到我知道左自己有左阿嘉既骨肉，我终于忍唔住系自己间房大喊左一场，本来霖住爸爸妈妈距地听唔到，不过始终距地都系过来人，吃盐多过我吃米，比距地问得两问，我只好坦白比距地听，我有左我男朋友既BB.我原来以为阿爸会发火，甚至可能会打我一餐，闹我不知自爱。不过出乎我意料，阿爸没出声，拉左阿妈翻入房，关埋门，应该系同阿妈商量。没耐，阿妈出黎，而阿爸就继续系自己房睇书。

阿妈入左我房，关埋门，坐系我床边，出乎意料地和气咁问左我好多野，包括有左BB几耐，个男仔几岁，做边行，我哋一齐左几耐，之前有时听见夜晚开铁闸声系唔系个男仔上黎搵我，有没第一时间将黎件事讲比个男仔知之类。我一路喊，一路将所有野都讲晒比阿妈知道，唯独隐瞒左阿嘉距有E小姐黎件事。阿妈揽住我，距同我讲，马上通知阿嘉，然后问一问距既意见，如果距觉得想要个BB既话，我哋可以马上结婚，爸爸同妈妈唔会反对，但系如果阿嘉唔想要个BB，咁就无论如何都要阿嘉亲自上黎吃餐饭，等爸爸同距倾下，睇下究竟系咩原因导致唔想要个BB。

我同阿妈讲左两个几钟头，阿妈不停咁安慰我，距话黎D野其实系好多女人都要经历既事，唔需要太过去自责，不过成年人必须要为自己负责，无论系亲情，爱情，工作，失业，甚至系生活习惯，身体健康等等，如果两个成年人都唔去为自己以后打算，为以后个家庭打算既话，就算再有钱都系没用，最终结果只有劳燕分飞，红杏出墙，外遇成群。其实我自己都知道黎个道理，所以一直以来，阿嘉距唔中意用套，我就自己吃药，我都知吃得多避孕药对自己既内分泌唔多唔少都会有影响，但系黎D影响可以系日后慢慢吃中药去调理翻。今次之所以出事，系因为之前有段时间，我亲戚黎既时间好唔准，去妇科睇过，医生建议我暂停吃避孕药一段时间，等正常翻之后先再吃。我都有将黎件事同阿嘉讲，距话没问题，距会戴套，但系只系得一次系套左，之后距话其实体外好安全既，唔使等到临射先拿出黎，距觉得差唔多就拿出黎，我用手或者用口帮距搞掂，咁米万无一失咯。我霖，应该系唔知边次可能拿唔切出黎，整左少少系里面，就咁就中招咯。

我听阿妈讲，当晚就比电话阿嘉，距都系CUT我线，然后过一段时间先打翻比我，问我比电话距做咩，有乜事做咩唔发短信？我好直接同距讲，我有左你既骨肉，已经接近两个月有多啦，问下你意见系点？我万万估唔到，阿嘉没出声左大概20秒，然后问我，我最近好少掂你喔，咁都有左，你确唔确啊？我当然系确定啦！我霖住距都系多句口问下，点知距跟住讲，而家唔方面讲黎D野，不如第二日中午距比电话我再讲。

又一晚眼光光，我想象到无数个可能性，有好，有唔好，直到攰到无得再攰先可以训着。第二日，我一早做好晒手头既工作，然后等阿嘉电话。1点，距比电话我。距关心左一句：“点啊？有没作闷作呕啊？”我话暂时未有黎D反应，距沉默左好耐，之后用试探既口气问我：“其实，你确唔确定噶？”我当时觉得好奇怪，琴晚米答过你咯，我确定啊！接下来阿嘉黎句，杀伤力足够可以比得上拿把刀照心口插你一刀！阿嘉好细声问：“我意思系，你确唔确个BB系我噶？”
听完黎句，我感觉到前所未有既冷，真系好冷！！距咁问，即系怀疑我出面有第个？我好嬲，我质问距，你有我MSN，QQ，邮箱，甚至连天涯，SINA，77GO论坛既ID密码你都有，我有没出轨，我霖你仲清楚过我啦！你而家咁问，你系咩意思？

阿嘉没正面答我，只系话，个BB而家我哋没能力要，不如搵日我同你去做手术啦！于是我就按照阿妈所教既，叫距上黎屋企吃餐饭，等距直接同我屋企人解释咯。点知阿嘉话距而家同朋友夹份做生意，要开一间属于自己既地产中介行，又要跑证件，又要装修，又要请人，又要倾铺租，忙到去厕所都唔得闲喔。我没好气咁问，边个朋友同距夹份，距就话以前一个炒楼既炒家，见而家市场已经差唔多到低，准备趁低入货，咁到市场好翻，就可以狠狠咁赚一笔。之后就可以大条道理同E小姐分手，然后同我一齐，到时我辞左而家份工，去帮距做行政管理。

到左黎个时候，我已经唔再信距讲既野，我仲怀疑，黎个炒家，都唔知系唔系又系E小姐，虽然我唔明，点解黎个女人可以为阿嘉付出咁多，但我可以肯定一样野就系，阿嘉系唔会咁轻易同E小姐分开既，难听D讲距，少奋斗唔好话30年，少奋斗5年，我霖都大把男人唔肯放手。

基本上成个行业，知道嘉开铺的同事、朋友或者甚至识佢既人都知道佢同边个一起开铺。而且嘉无必要对云隐瞒呢个人，话系个炒家，因为呢个系行业都系一个叻人，系嘉以前的一个同事。Y先生都系从我口中知道嘉自己开铺的，但佢可能以为是我和嘉合作投资做，其实根本与我无关

阿嘉系电话果边不停咁讲，讲左好多道理，讲左好多以后，好刻意咁帮我营造紧一个以后美好将来幸福既家庭，但系我一句都听唔入，只系听到距最扑街既一句话“我等阵去银行转账比你，1000应该够啦，你搵间好D既医院做手术啦！定左日期通知我，我行得开既话，我一定会去陪你做手术！”
我完全麻木晒，心系度滴血，我唔系伤心黎个男人咁对我，而系伤心，点解自己会蠢得咁犀利！

出乎我意外，我本以为阿嘉距唔会黎医院陪我，我也都唔打算用距比我果D钱去做黎个手术，我同阿妈商量过，而家我仲后生，如果搵间技术好D既医院，对以后既生育应该影响唔大，既然个男既都唔想要，无谓生落黎，因为阿妈讲，一出生就没左家庭温暖，少左父爱，就算以后搵到一个好锡距既后父，对个细路都系没用，与其生距出黎，等距一出世就受到人地既冷眼，从细就要过住一D比人歧视既生活，倒不如狠心D去做一次杀人凶手，都好过以后个仔或者女怨你一世。我去左市一去做黎个手术，一来近我屋企，做完之后可以快D休息，二来阿妈系果度都识得个内科医生，可以帮手打点下。

我比左短信阿嘉通知距时间地点，当我准备入手术室既时候，阿嘉比电话我，距话距系出面，叫我抽几分钟时间出黎一下，我见医生未到，就出左去外面见距。阿嘉话，距唔好意思见到我妈妈，惊尴尬，惊唔知讲咩好，所以系出面等我，如果等阵做完手术，不如叫我妈妈先翻去，等距黎送我走。我质问左距一句，我记得你以前讲过，只要有得倾，只要可以坐低倾，只要系钱就可以解决既问题，根本就唔系问题！咁点解你而家要去逃避黎个问题呢？我屋企人都约你上去吃饭，比机会你慢慢坐低倾嘎啦。阿嘉距话，最近距间中介好快就要开张，好多野要自己亲力亲为，距话只要距铺头开张之后，距一定搵一晚上我屋企吃饭，负荆请罪喔。。。。

我望住黎个男人，我知道距又系度玩拖延，但系我阿妈比电话我，话个医生入左手术室啦，叫我快D翻去，唔好叫人地个医生等咁耐。于是不做可否，霖住转身翻去，点知阿嘉系后面讲“我唔陪你入去啦，你知啦，你做果D手术，人地话我最近有生意要开张，怕陪你入去唔系咁好意头啊，我系出面等你啦，你走得比电话我啦。

我掉低一句，你走啦，我妈妈会送我翻屋企嘎啦，你D钱，我会转翻比你，我同你以后再没任何瓜葛，今次就系我哋最后一次见面，我哋既感情，我就当发左场梦，系我自己傻，自己蠢，先会比你黎D咁中意新鲜刺激既男人呃到！讲完，我就入左手术室，去迎接黎个对女人黎讲，系永不可磨灭既一个记忆。

冰冷既手术台上面，虽然个医生显然已经收到利是，对我可以讲系百般呵护，仲不停咁安慰我，讲笑话比我听，想我唔好霖得太多，想我放松D，咁会顺利D，而且对身体影响细D。但系。。。。。我可以清楚咁感觉到两个护士姐姐眼里面既果种冷漠，不屑同埋无奈。我忍唔住问医生，其实而家系唔系好多女仔都会做黎种手术？医生托下托眼镜，没出声，不过隔离一个望落去年纪细D既护士就讲“见怪不怪啦，而家D女仔，为左自己中意既人，做乜都肯嘎啦，不过距地唔知道其实咁样，对自己既伤害先系最大。”我点下头，距讲得好有道理，然后黎个护士仔，其实应该同我年纪差唔多，又突然讲左句话“其实唔系我教你自私，我哋日日都见到咁多小生命既消失，我哋都好唔安乐，做女人，以后做每件事都霖清楚，究竟对自己身体有没害处，如果有，就打死都唔好去试，唔好去做！”
医生抬高头，好严厉咁望左护士仔一眼，讲左句“做手术要专心”，护士仔伸左伸条俐，就唔敢再出声，我也都若有所思咁没再讲野。虽然打左麻醉，但系我依然感觉到，有样野伸左入去，然后旋转，之后将我身体里面某个生命搅碎，然后又有另外一样野伸左入去，将果D支离破碎既尸骸，慢慢，慢慢，一件，一件咁刮翻出黎。手术25分钟都唔使，但对于我黎讲，好似已经过一世咁耐，因为。。。。。我肚里面既生命，距既一世，可能系2个月，或者系。。。。。。。距妈妈训系手术台上面既黎25分钟。

[ 本帖最后由 妍妍靓妈妈 于 2008-12-14 17:05 编辑 ]

本来以为一切已经完结，放低过去，自己就可以获得新生，点知，原来噩梦仲未完结。

请左两日假，系屋企发左两日傻，阿爸虽然话左我几句，叫我以后醒定D，但系睇得出，距个心仲肉赤过自己训上去手术台。精神好翻好多，收拾好心情之后准备翻工，我要开心咁去做野，然后升职，然后识D真正既好男人，然后做一个好老婆，我当时真系咁霖噶

返工第二日，我收到个电话，原来系果个女仔，也都系XXX，果个同我同一时间认识阿嘉，系堂会比阿嘉揽住走既果个女仔。距话好耐没见，想约我出黎饮野。其实，我已经好耐好耐没同以前出去蒲既果班朋友见过面了，我觉得自己已经唔再系1年几前果个没目标，没梦想既女仔。不过系黎度，我都要多谢一下阿嘉，系距教识我好多待人接物既原则，教识我好多工作上处理问题既手法，黎D野，翻大学真系学唔到。也都系咁，我好直接就拒绝左XXX既约会，我话我要加班，最近没时间。

但系XXX既一句话，我改变左主意，因为我想搞清楚某些问题，等自己更加好咁去放开阿嘉黎个比我精神上，肉体上都受重伤既男人。XXX讲，我知你有左阿嘉既骨肉，我想要稳你问清楚，你几时开始勾引阿嘉噶？

勾引。。。。就系黎个词，我同XXX坐系同一个地方。。。。。。从开始大家都好有戒心，直到两个女人抱头痛哭（黎个比喻夸张左D）。原来。。。。。。阿嘉系果晚从距另外个朋友口中得知埋XXX既电话，距系同时追紧我哋两个，或者讲，睇下边个上到就上边个咯。XXX口中，我得知原来阿嘉同我讲过既甜言蜜语90%，都毫无更改咁同XXX重复左一次，不过XXX矫正左我既讲法，应该讲，我哋两个女仔都唔知究竟距系同边一个讲先，再向另外一个重复。

XXX比我靓，身材比我好，而且思想上，比我系更加开放D，阿嘉追左距好耐，都追唔到，因为XXX觉得阿嘉个样趁距唔起，戴眼镜，肥仔唛，望落去就系一个咸湿格。但系阿嘉知道XXX做既工成日都唔稳定，就成日话介绍工作比距面试做理由，成日晚上稳XXX倾短信。就系果次，阿嘉话距地公司老细请距地系堂会唱K，叫XXX过去，比老细见下，咁以后面试机会都会大好多。XXX果时失业都好耐，于是果晚就过左去，结果面试成唔成功就没人知，最后就比阿嘉呃左去开钟点房。

呕心既系，XXX讲翻比我听，阿嘉话距好中意XXX,所以先一直咁追距，一定要追到距为止，仲承诺以后自己做老细，会请XXX做秘书。。。。。点解黎D野咁熟悉既？我真系唔知道阿嘉以上黎翻说话，同几多女仔讲过呢？自从果次之后，XXX慢慢开始中意左阿嘉，或者阿嘉表现出黎，真系几优秀，而且好会讲说话，所以好似我哋黎D想稳个所谓好男人既女人，就会好容易咁上当咯。

直到我有左BB之后，XXX无意中听到阿嘉同我讲电话，其实XXX一直都有怀疑阿嘉一直都有同我有联系，果次之后，距就更加确定左，于是距大爆发，同阿嘉吵左次劲既，最后阿嘉抛低一句另我觉得自己比距搞错，真系要搵消毒水消毒既说话，距同XXX讲，“你唔好以为你样靓身材正啊，我随便去间发廊搵条捞妹都正过你NN声啊！你想搵阿云（即系我）就即管去搵，唔好X烦我。都唔明你哋D女人咁7多野霖既，好好地，开开心心唔得既，系都要霸住个男人，又唔系唔知自己咩新鲜萝卜皮，你估你哋系富婆包小白面乜？！”
当然，XXX也都唔系咩善男信女，距条气咁唔顺，于是就走左黎搵我问清楚，可能距一直都以为系我抢走左距条仔，睇情况，XXX唔知道E小姐既存在都唔出奇。

当晚，我翻到屋企之后，正常打开QQ，发现阿嘉有留言比我，距话距知道果日没陪我入去系距唔啱，但系距做生意好信邪，所以没办法，要求我原谅距。留言好长好长，我没睇晒就关左，之后复左一句，今晚同XXX一齐饮野，你都好犀利，两个女人都满足唔到你，要三个先够，不过你最好得闲去做下男士体检，小心惹埋D唔三唔四既病。以后你唔好搵我啦，你黎D咁既衰人，唔死都没用，你如果再缠住我，我会将你D衰野全部爆晒比E小姐知，你唔好唔记得，通过QQ空间，我可以直接加到E小姐做好友，所以请你好之为之啦！

自从阿嘉同E小姐去泰国，我其实已经忍唔住偷偷咁入左E小姐个QQ空间好多次，所以我之前话距好靓女，好得意。我也都知道E小姐系巨蟹座，怪唔得会对黎D咁既男人死心塌地。最后一次入E小姐个空间，我发现多左好多距地去泰国玩既相，好SWEET，好开心，真系一D都睇唔出阿嘉所讲E小姐人老珠黄，更加睇唔出阿嘉有几唔中意E小姐。可能系女性天生既直觉吧，我保存左两张阿嘉系泰国既相，当然黎D相既来源都系E小姐个QQ相册，我唔知我保存黎做乜，可能系因为我同阿嘉咁耐，我哋没都影过任何相，二来系女人既直觉话比我知，阿嘉距可能会冤魂不息。

睇到呢度，已经完全系小说啦，仲多个XXX小姐出来添，一个男人同时同3个女人周旋，3个女人都唔怀疑，而且你2个女人仲系识既添。呢D脱离左事实，就明显好脆弱了。

[ 本帖最后由 妍妍靓妈妈 于 2008-12-14 17:06 编辑 ]