玟猪
玟猪楼
呵呵~~原来咁多妈咪支持噶·哈哈
出世第二日
未满月~~
一月龄
二月龄~变身光头仔~~哈哈
啊B预产期系9.1号，之前一直都想距快D出世，最好唔好过9月生，点知到39周几都一直未入盆，几惊吖B会过预产期生，8.27去医院产检，都系未入盆，做完胎监BB都几好，无缺氧既现象，医生话翻去再等下，多D行下，哎，日日都热到S，点行哦~我又懒，唯有系屋企行下楼梯啦！29号晚老公系广州翻来，个阵个心系度捻啊B如果系老公系屋企既时候作动咁就好啦，唔使甘腾鸡，因为屋企只有老爷同奶奶，到时痛起身都唔知点去医院，就系甘，可能吖B知道妈咪既心意，29号晚12点训，一直系铺床上点都训唔到，到3点钟开始觉得有D肚痛，好似来M个种痛，但系仲系可以接受，老公训到好冧，一直到5点左右，开始觉得真系有D顶唔顺，去厕所见到人地传说中既见红啦，先翻床叫醒老公，起身冲凉洗头吃早餐，好老定甘，仲话都唔系好痛姐，可以接受，哎，原来唔系唔痛，只系时候未到姐，奶奶一直系隔离鬼杀甘吵，快D去医院啦，快D去医院啦，我话都未到有规律既宫缩，唔去住都得啦，医院咁近，唔使10分钟就到拉，后来都系顶唔顺奶奶，唯有同老公一起去医院啦！
来到医院，同医生讲话我见红，痛左成晚，可能生得，医生话睇你个样甘轻松，仲有排先生得啦，后来检查宫口只系开左1指多D，不过医生都叫我拿定野来办入院啦，点知去到住院部，竟然无床位，
~唔系挂~~我先唔训走廊啊~甘肉酸，后来D护士话哩几日好多人生BB，不过下午有人会出院，话我个样都唔系好辛苦，翻去下午再来过，所以唯有翻左屋企。下午开始比之前早上宫缩痛得密左好多，2.点半既时候个天开始行雷闪电，突然间个天黑晒，想落大雨甘，老公叫我起身去医院，费事一阵落大雨去淋亲就唔好，去医院既路上，见到D闪电好犀利，哈哈，个阵我同老公讲，我地既混世牛魔王就来出世啦~哈哈下午3点几办完入院手续，翻去病房，开始一阵阵痛咁来啦，不过时间唔系好密，医生仲话我如果唔系好痛既可能听日先生得，我晕，咁仲要痛几耐啊，哇~~到到下午，开始去厕所呕，因为痛得太犀利啦，不过好彩既系每次痛都系10几20秒左右，到左夜晚6点几，有人拿饭来比我吃，不过我一D都吃唔落，闻到D饭就想呕，一直系床度典来典去。中间哩个时候就发生左D令人超发癫既事，老公话既然吃唔落饭，惊我到时生个阵无力生，出去买D朱古力比我吃，留左奶奶系病房陪我，哎，系我痛到要死既时候，我同奶奶讲叫距稳护士来睇下，我觉得痛既时间开始好密啦，《因为打无痛分娩针要系宫口开3指之前打，如果过左就唔打得啦》但系奶奶竟然话，边有甘快生得啊，生仔梗系痛噶啦，忍下啦，就继续睇距既电视，唔理我，再等多一阵，竟然破水啦，我好似记得如果破左水系24小时之内就一定会生，好辛苦甘叫奶奶去医生来，话比距知我破左水啦，点知距又系话无咁快会破水，唔系，好似距系我甘，个阵好真系好想用粗口骂人啊，奈何我痛到挛晒，根本连讲野都无力，条腰又好似就来断咁，救命啊，真系S既心都有啦，好彩哩个时候老公翻左来，立刻去叫左医生来，来到一拿纸一测，果然系破左水，护士话立刻入产房啦，哩个时候D衰人先系隔离话系啊，破水啦，破水啦，我叼~~~我真系好后悔当时无爆距粗！哎~搞到我入到产房医生已经话开左4指几啦，唔打得无痛针啦，因为打左之后反而会应该宫口开既时间，因为已经破水，惊BB会缺氧，要快D生距出来，当时听完真系晕甘制~点解生仔都要咁坎坷啊~
差唔多9点入既产房，原先老公话陪我入去生噶，距话我甘唔忍得痛，要系隔离陪住我，呜呜。点知，哎，入到产房护士先话对面都有个产妇系度生紧，所以我老公唔比入来，救命！！护士话对面既产妇入来产房已经训左6个几钟啦，都仲未生得，叫我争气D，12点前生左距，等距可以去训觉哦，呜呜~~接下落来都开始好顺利，打左催产术，宫缩明显增加，医生话一痛既时候就开始向下用力，哇~~个种感觉就好似便秘左千年既屎甘，好想屙距出来，开始痛就可以用力，反而哩个时候已经无咁痛啦，但系我都系无乜力，因为无吃饭。成身开始打震，好冻啊~~同医生讲我好冻啊，医生人地生仔热，你就冻都震既？我都唔知，可能个阵已经无咩感觉啦。医生话快既可能10点就生到出来，叫我加油，但系个阵真系无力，因为我盆骨比较细，而且宫口比较窄，所以搞到啊B个头一直都好难落去甘，一用力明明都已经见到个头仔啦，但系一用完力，就好似又缩左入去咁，救命啊~医生话再大D力啦，唔系生唔出你就要剖腹噶啦，你都唔想噶？哇~~吓鬼咩，当时比距吓一吓，真系唔知边度来既力，用左几下，医生话系啦，系啦，之后打麻痹针，侧切个下唔痛，但系有感觉。10点半，终于生左我啊Rain猪，医生第一句就话，BB好似爸爸啊，成个饼印甘，晕，唔系挂，医生又话BB耳仔似妈咪哦，不过后来睇翻都系唔似我，连耳仔都系同老公一样，可能医生安慰我挂！到缝针，都系无咩感觉，唔痛，缝完针，等左两个钟，就翻左去病房！
PS：我以为一见到自己个B，一定喊添，但系我竟然无，望住一个系我个肚度住左成10个月既B，依家就系我面前，好熟悉又好陌生咁，我见到BB第一感觉都系甘似老公既，点解无样似我噶，呜呜~可能哩个刺激太大，又可能生完BB太兴奋，生完个晚我都系成晚无训，只系望住个仔！好满足！啊B又好乖，竟然成晚都无喊，乖乖地咁训左成晚！
哎~来个总结吧：生仔其实唔痛，生个阵唔痛，之前既阵痛比较难受D，因为我之前都有痛经，其实感觉差唔多，起码我生仔无痛到哭。可以顺产既就最好顺产，生完恢复比较快，3日就可以出院啦，但系剖腹其实就系生之前舒服，生之后先痛，一个星期左右先可以出院，个伤口仲会好痛！！
哎，以为之前甘郁闷既日子可以系我生完仔之后就会结束，点知唔系，系令一个郁闷生活既开始。不过就快可以结束啦........................哇哈哈~~10月5号就可以重生啦，唔使在再过D咁唔开心既日子~哈哈~~到时要贺下距先！嘻嘻
[ 本帖最后由 玟猪 于 2009-11-10 09:46 编辑 ]
~~`无晒人既···呵呵
