袁夫人
袁鸡蛋
不错不错~~~~~(0-12周)
阿B已经係我个肚入面3个月喇，老人家话3个月前都唔好讲，怕BB会小气，不过我知道我阿B同爸爸妈妈一样，都唔係小气鬼嚟嘅!而且依家都已经过咗嗰个小气的阶段了，因此好想写低呢段时间嘅点点滴滴，以后可以俾翻个BB睇，都可以为各位未怀孕的姊妹做下参考。
话说係8月份，因为之前公司待遇唔係几好，因此我就离咗职，打算另谋发展。呢个时候奶奶同爸爸妈妈都话我都唔细喇，再唔怀孕就做高龄产妇喇，加上亲戚朋友的压力，咁就打算揾到另外既工，就计划下生BB咯。其实之前都有谂噶，所以一直我都有食叶酸片(北京北大药业出品，名叫斯利安，好细细一樽，好似系国家唯一指定的小剂量叶酸片)，呢种叶酸片好平，先几蚊一樽，一日食一片。计划怀孕前三个月开始食。其实唔使食咩安利果d叶酸片噶，一来果d成百几蚊樽，好暴利，而且听人讲唔系几好。
既然係计划怀孕，咁就肯定要检查身体，睇下有无咩病要医下再生啦。因为我地结婚嘅时候无去做婚检，因此孕前就要做翻检查。因为妈妈同中山二院的一个妇科教授相识左30几年，而且係好好的朋友，所以我地就揾距安排产检。我地检查左d主要项目(致畸五项，地贫、蚕豆病、精子活跃度)，好多其它项目教授话无咩必要，所以我地都无检到，好似我同老公一共验左500几蚊。我老公个同事一样係去中山二院度验，点知两公婆就验左2000几蚊。。。
我地係9月初去验的，点知9月中嘅时候因为唯一一次无避孕，咁我就有左BB了。
我係无避孕后的第三日，就去药房买左支验孕棒来check下，d药房既人话要买20几蚊一支的先验得准。甘我就傻傻下甘买左。验的时候显示一条好深的红色线，同一条淡到几乎睇唔到的粉红色线。当时我就怀疑究竟果条甘浅嘅算唔算係线呢？如果算，即係表明我刚怀孕，但如果唔算，又代表无怀孕喔。于是我就上网查下啦，基本上d人都话系有。
后来有个同学好醒，竟然发觉到我有左，甘我就直接问距点样验，距就叫我买8毫纸一支的验孕棒就得喇，医院都係用果d，一样好准的。后来证实，医院都係用同一个牌子的，叫“大卫”，8毫纸一支，如果你去医院验，就收你7蚊，不过会有个报告俾你，话俾你知个结果，唔使你自己估估下。但最准确都系要抽血。
原本个同学叫我到三四个月左右先去医院直接抽血验的，但我心急想知结果，所以过左几日，就去左验。所以我知医院一样係用同一个牌子的验孕棒，哈哈。抽血就用左100几蚊，果个孕酮值如果大于40就係确诊为怀孕的。而我当时既值係
40.80，即係刚怀孕。医生话呢个数字会随着BB变大而增大的。
其实怀孕既计法并唔係由授精该日计起，而系由最后一次月经的第一天计起。所以基本上就会同我自己嘅计法相差左好远。按医生的计法，我上个星期去照B超嘅时候已经係11周，即系2个几月了，实质9月初的时候我都未怀孕，所以我对呢种计算方法觉得好奇怪。但所有医生都係咁样计算的。所以11周的时候我去照B超，显示胎儿只有6周的大小。如果甘样讲，我个BB就比正常的BB细左一半，因为我已经11周，但实际只有6周。医生话9-10周左右就要照B超，睇下是否宫内孕，如果是宫外孕，甘个BB就唔要得噶喇。而且医生话，有好多人以为B超好大辐射，照左对BB唔好，但事实做B超的辐射比我地平时上网仲要低。好多人话要等到个胎儿4个月大，即係16周先去照，其实甘样係唔好的，因为如果甘大先照，照左係宫外孕既话，要流左个B，都好麻烦。
原本我见个肚甘涨，仲以为个B好大，点知照出来甘细。医生开左一种药俾我食，一日三粒，分早午晚唔同功效，最主要都係补脑的。因为前三个月係BB脑部发育的关键。但只药都几贵，168蚊只能食10日。但因为妈妈同个教授好熟，所以我地都好相信距。今日我已经食到最后一排了。睇下教授係咪要开过另外一种药俾我，还是要继续食呢一种。呢种药只有中山二院的北院先有得开，南院都无的。所以我地要係南院呢边开单，再过北院摞药。普通药房都无得卖。
教授话大概15周左右，就要去做唐氏筛查第一阶段。唐氏系检查个BB的发育情况，有无咩先天不足。但街道好似办准生证时有免费申请表摞，我都办左一张，睇下去医院係咪有得免费检查，如果无免费，就要自费。不过我知道35岁以上就一定免费。
另外要办准生证(其实依家叫计划生育服务证)，都几多野搞。首先如果男女双方都係广州人的话，就一定要去女方嘅居委办理。去到居委，距会俾一份表你，一式两份，上面就填资料，咩姓名单位之类的。然后你就要按住上面的空格摞翻单位去盖章，并写上“初婚未育”几个字。呢个程序係男女双方的单位，居委，同计生办都要盖章加意见。另外要去社区医院啪手指，验尿，建册。再带一张小一寸相片，最后计生办就会係你个计划生育服务证上面加意见，甘你先可以凭呢个证去医院建档(不过我未到16周，所以未办呢一步)，有单位嘅就交俾单位人事部去搞，因为我挂靠左个单位，个人事部的朋友去到社保局，都话未可以帮我办围产卡(即系产检可以报销的卡)。所以係4个月之前，其实一切检查都基本上係自费的。下个星期我仲要去区妇幼听课，呢个係程序的其中一步，听课都要交5蚊听课费，真无聊。
好喇，讲咗一大堆，俾大家睇下我个小BB嘅外观啦。其实除左个肚，我无乜点肥，起码d手手脚脚都同之前一样。就係个肚突左。BB仲甘细粒，入面应该係羊水挂。其实我自己好似仲瘦过之前d，d朋友话我锁骨都突晒出来。老公话阿B吸收晒我d营养。事实上医生都话，BB係唔会唔够营养的，因为大人食左野落去，首先係会俾BB吸收，然后先到自己。
侧面
我係一个贪靓嘅妈咪，因此我係唔会着孕妇装噶，我要做潮妈，哈哈!!
加了外套都唔係好觉眼
顺便卖个小广告先，件衫同条打底裤都係我自己间淘宝小店有得卖噶，哈哈，d料好舒服的。有兴趣来睇下啦
另外一间卖BB用品店都係我同阿嫂开噶，要买奶樽衫仔玩具都可以揾我
http://shop36344912.taobao.com/
大家多多支持，帮忙宣传下，等我赚翻d奶粉钱啦~哈哈
正面影相其实都唔会点睇得出。
加外套
其实有左BB，我觉得我外在变化就係个肚突左。但生理变化就好大喇。我要食好酸的野，好怕食甜同辣。我一日要食四五个橙噶，仲要係青BB果种好酸的。另外会成日想呕，特别唔入得厨房，一闻到油味就想呕，然后完全无晒食欲。之前仲惨，咩都唔想食，只係想食鱼同蕃茄。但依家见到鱼同蕃茄就无胃口。反正都唔知自己想点，一日要食好多餐，餐餐就食小小，食到最后就食唔落想呕，好麻烦。
依家中午我就翻阿妈度，老豆煲汤俾我饮，晚上就翻奶奶度，奶奶煲汤俾我饮。好在我仲饮得落汤，如果唔係就真係一d营养都无喇!阿嫂送咗两罐孕妇奶粉俾我，其实好香噶，但我竟然饮唔落，一饮就想呕，真係晕啊!!! 一个甘中意食野嘅人竟然食唔落野，真係惨!!!人地话呢D就係怀孕既明显特征，希望甘样食唔落野既日子快d结束啦。
写写下，又到午睡时间喇，依家特别容易想训觉，每日中午都要训两个小时。哈哈，迟早变猪喇。
[ 本帖最后由 袁夫人 于 2011-4-14 18:59 编辑 ]
yuan831010
袁夫人楼
doctorleung
TANG_TING
tingting_0917
饲养员2009
zhlin1123
twins1115
