hikaru_1127
环境方面：间野就系人民中路，近人民中路果个车站！门面比较细，行过路过好容易错过，铺头面积亦都唔算大，一共有4层，我地试食安排佐系4楼~！装修唔算新，睇上去应该开佐几耐下~！
食物方面，大部分既菜式都好好味，我去过汕头出差2次，加埋都住佐有一个月啦，感觉上味道都几正宗下~！
卤水什锦大拼盘：我净系食佐一只鹅翼，味道唔错，汕头最出名就系狮头鹅，依度感觉上同汕头差唔多，推荐既一个菜~！
潮汕双丸汤：牛肉丸好正，好弹牙，依个觉得值得一试~！不过猪肉丸就稍微失色，不过不失啦~！
炸豆腐：外观上睇唔出系咩，食上去先知系豆腐，哈哈~！都几滑，不过就咩味都无，但系点上配埋既葱花鱼露感觉就几好啦，咸咸地~！
酥炸九肚鱼：感觉还不错吧，就系中意点佢配既酱汁，酸酸甜甜，感觉唔会太油腻~！
潮汕蚝仔烙：本人最中意既一道潮汕菜，依度整得都唔错，系用鸡蛋煎蚝仔，感觉都唔错，依道菜最快比我地消灭晒，哈哈~！
蚝仔沙虾砂锅粥：我都几中意食砂锅粥，入面好多料，蚝仔沙虾都好鲜甜~！
炉乌头鱼：全场最唔掂当既一道菜~！条鱼熟过头，好鞋，一D都唔滑，而且唔鲜甜仲有D腥~！我觉得最为败笔既系碟鱼铺佐好多柠檬片系上面做装饰，我觉得柠檬片应该系挤D汁出黎去腥而唔系罗黎装饰罗，哎~！
炒薄壳：味道都可以，微辣，不过不失啦~！
潮州炒鱼面：几唔错，口感几好几特别，不过词穷唔知点形容，哈哈~！
浓汤浸鲜黄花菜：本人觉得最为满意既一道宋，我第一次试黄花菜，好新鲜好甜超口味~！我全场食得最多就系依个宋，哈哈~！得闲叫妈咪买D翻屋企整~！
方鱼炒芥兰：芥兰几嫩有菜味，都OK啦~！
特色包菜炒饭：实在太多宋啦，11个人根本食唔到咁多，所以个饭我都系食几几啖，比较淡，一般般~！
马蹄烙拼南瓜烙：几唔错既一个点心，我食佐个马蹄烙，马蹄好清甜同爽口，上面铺佐一层砂糖，都唔算太甜，可能我中意食甜野吧，哈哈·！
今次试食好丰富，一共13个菜式，11个人食完全食唔晒，有D浪费啦~！
总体黎讲，依度既味道唔错，依度绝对系食味道而唔系食环境既地方，有机会 会再去试下，由于免费试食，所以唔知道价钱如何呢，哈哈！~
郭小敏0929
hikaru_1127楼
