前几日见到微博上有朋友转左香港葵芳新都会广场关于购物送券既优惠，甘岩阿妹准备结婚，趁而家金价低要买金，顺便我又想去入D新护肤品同阿仔D奶粉，于是15号齐齐坐车过去扫货。第一次去呢个商场，发觉呢度都几多笋野，所以我地都收获左唔少，仲换左Taste购物券，俾我用晒黎买奶粉，净呢度都悭左好多。另外我地仲有见到微博话7月21号同28号开始有广州永东巴士直达商场的免费巴士，要先上商场个官方网站注册做会员，然后凭住个会员编码打电话登记订位，详细系香港新都会广场既微博上有讲明，睇下到时有无边位靓妈有兴趣一齐报名，组队再去过。

虽然我地今次等唔切坐21号果班免费车，但其实系广州出发过去都好方便，我地一早搭火车去到罗湖，过关后搭东铁转地铁都系大概一个钟左右，系葵芳站E出口过对面就系。不过去到之后先发现原来好几个城市都有永东巴士直达呢度，系深圳湾都有好多班次，30分就到新都会广场，下次可以试下。

永东班车时间表 (深圳湾出发到新都会广场)

一到商场后即刻直奔主题，先去周生生睇阿妹D金。阿妹一去到就及中左最粗果对！！但最后都系拣左对价格相对适中又大体的，两只加埋51点几克。

再拣多只猪牌同三只戒指（有一只无影到），呢锅认真“金”

买完金之后行阵街睇下，见到中庭有展览，都几多人影相

讲翻我头先提到的换超市券，呢个活动只要在2间以上的铺头消费够2200蚊就送100蚊TASTE券，够6500就送300，每张**要满300就可以。头先D金一共够换300。用换来的券去taste买咗阿仔D奶粉仲有D零食。另外呢个商场的另一个好处就系有寄存专柜，扫完货之后可以存起D嘢唔使一袋二袋拿在手上。旁边仲有散纸找换机，细节做得几好，所以我专登影低留念。

呢度都有好几间比较特别既餐厅，我地拣左“马泰”，中午set lunch分量同水准都唔错。我要左海南鸡饭，下次可以试下其他。

品牌店好多都做紧折扣，我地都买左唔少

系Joy & Peace试左一轮最终买左呢对鞋，拼色拼得几好睇，够sharp。阿妹买左个袋。

[

到扮靓用品，呢度都有好多牌子，好似FANCL、兰芝、欧舒丹同skin food都有。我就一路都用开skin food既，基本上都已经有晒清单想买咩，所以都好快埋单

skin food 白珍珠鱼子亮白紧致乳液 HKD 545

而家skin food搞紧既优惠活动买一送一，几抵

就系送呢SET，加个免费化妆，留翻下次有时间再黎化。

[a

行到脚都软，好在有唔少休息既地方，好似好少见香港既商场会系内部会有户外花园，D绿化都搞得唔错[at

再去屈臣氏帮亲戚买埋药

凑够2200，阿妹换咗100蚊taste券，每人各自可以换1次现金券，再买咗D生活用品，搭翻2个站地铁到美孚就可以转西铁搭去红磡，前后唔洗20分钟, 然后坐直通车返广州，就甘结束一日“出血”之旅。翻来计返total都用咗三万几港纸，但有得换券买返其他野，其实已经好笋，下次都会黎翻呢度买嘢。