JP你是否想要逼我走投无路

今日是4月5日清明时节，昨天他们去拜了他们的祖先（我自己一个系家带BB），今天我同老公、妈妈等去银河公墓对面拜我的爸爸（BB太细无带去，在家我JP带）。因为寻晚在番禺过夜，今早出来广州同我妈会合都已经11点了，JP是知道的。因为在那里拜无得烧衣，拜完又要食中午饭，食完又要去大佛寺烧埋预先准备的衣纸。系3点多的时候，奶奶打电话来：返来未啊，BB扭计啊。我话：我地而家要去大佛寺烧埋至返得啊，距扭计你就谂下办法啦。JP话：要烧一日咩，拜山要拜一日咩。我话：你估而家我去玩啊？JP就CUT我线了。当时真系比JP激到我弹起，我未一五一十话比我妈咪听咯（之后有D后悔，我唔应该要妈咪担心）。过左两分钟JP又打来话：我话你听啊，我就系帮你带埋呢一日，以后你自己凑返啊。跟住又CUT我线。你地话距系咪变态嘎，一年一次去拜我爸爸距都要甘，你平时唔尊重我都算，你而家甘样系咪好唔尊重我死去的爸爸呢，比距知道我有个甘样的JP，距都心痛。

从拍拖到而家，我同我老公已经8年几了。未结婚已经系距家住，一直以来我都唔可以系距家洗头，距妈妈仲要比D好难听的说话我，话女人系家洗头唔好喔。因为经济未允许，所以结婚都要同JGJP住。JP份人平时对外面的人就好似四万甘口，对自己屋企人就黑口黑面，甚至我地结婚果日对我都系黑口黑面的。之前生完BB三个月我就要返工了，成日话搞唔店BB，结果我连份工都辞埋在家带BB，仲日对夜对对我JP，真系想死。成日话帮我凑女几辛苦，我个女好难搞，点点点。距唔谂下，其实系我帮距地生个孙出来，帮距地开枝散叶啊。讲真，未结婚前我老公无咩钱的，我爱我的老公，觉得其他根本唔系问题。JP又唔谂下，你自己屋企又唔系好好环境，有人肯跟你个仔，同你个仔生埋BB，都算系甘啦，加上结婚系JP日讲夜讲我地先结。我系呢个家真系一D地位都无，次次我有事要出去唔可以带BB时，距总有D借口话带唔到BB的，距究竟想唔想做嫲嫲嘎。之前有一次我要返广工考试，距话距同朋友去买家俬带唔到BB，第日去都话唔得，我考试边有得改期嘎，因为甘我无去考试变左零分要参加补考。上两个星期日我又要返学校考试，距就话要同朋友食饭，最后我坚决要距带距先带。乜同朋友食饭、买家俬仲紧要过凑孙咩。讲真，个个做妈妈的，有边个唔担心自己的BB嘎，你呢样又话唔得，果样又话唔得，我根本唔放心啦。虽然好多事我老公会企系我果边，但距唔敢同距妈顶，我真系唔知点好。一直以来，我奶奶闹我乜，我都由距，我系怕以后面阻阻。我真系好辛苦啊，好想离开呢个家啊。

TO:未结婚的人，嫁个好奶奶，仲好过嫁个好老公。

[ 本帖最后由 carol.pang 于 2009-4-16 01:01 编辑 ]