真正认识星空系在加拿大的时候，那时有个新的QQ，某天突然收到一个好友请求，甘就接左，跟住落黎带出好多开心和失落。

        嗰时因为有时差，大家好少讲也，就算见到都喺寒喧几句，跟住大家都唔出声了。可能因为嗰时工作太忙，晚上番到酒店都攰到死，都无乜心情讲也，得闲都系睇电影RELAX下。如果系知道跟住落黎会发生咁多事，我应该系个边买番份礼物比佢。起码系一份真正系加拿大带番黎嘅也，不过好在都比左加拿大同事带嘅礼物比佢啦。

        真正了解系马来西亚开始，那时刚开始上番夜班，而且酒店出去外面又唔方便，每日番到去就基本上系上网发呆，无乜其它也做，又唔想做公司的也。星空每日大概系九点几十点在线，那时开始就有句无句甘倾左起身。讲开先知道原嚟佢就住系公司附近，大家乡下原嚟都喺相邻的城市，距离似乎一下子拉近了好多好多。从工作讲到生活，讲到西华路，无所不谈，系你令到我系嗰边嘅生活变得多彩！知道你原嚟用开欧莱雅，咁啱呢度的真喺好平，就买左瓶番嚟，不过番嚟之后先后悔买得太少，因为实在太平了。

        第一次见佢个样系一张系空间嘅手机相，好朦，净系觉得佢应该属于几fashion嗰种女仔，可能因为佢喺站西做左咁多年也。佢第一次见我应该系我系加拿大的相，佢话我都几靓仔，后嚟佢第一次视频见我就话我真系好靓仔。我自认我从嚟就唔系一个靓仔，周围熟悉的人都唔会咁认为，作为一个认识无耐嘅网友口中讲出嘅，当时只有当系一个玩笑，或系一种礼貌。第一次见佢真人都系在视频上，感觉几靓妹，几Q下。以为佢得25，6咁上下（其实唔止），披住头发，第一眼就发现佢嘅牙唔靓，系咪好衰，佢个晚系吃面。

        系马来西亚约好番黎请佢饮茶，佢话唔要我帮佢买欧莱雅，但都买左当然就比佢啦。番黎第二个星期某日早上就同佢去太湖饮茶，第一次见面，大家嘅印象都唔错，佢成日望住我笑，我就话佢好咸湿咁对住我笑。本黎谂住我请佢饮茶嘅，点知佢趁我去厕所嘅时候埋左单，真系样衰，请人饮茶仲比人地埋单。后黎有几晚番工之前出黎行左下，大家天南地北讲一通。到左嗰个星期

晚约左同事去唱K，其实系八点去到NEW WAY嘅，但我挂住佢，所以去之前又去左温佢倾计。本黎谂住倾个零钟就走嘅，点知一倾就三个几钟。嗰晚我地开始左，我拉左佢嘅手，锡左下佢块面。佢仲话，你拉我手就要负责任加。点知跟住落黎嗰星期发生左好多事！

        跟住那个星期一，老板突然同我讲因为马来西亚个边有个AMO走左，一时温唔到熟手嘅人补上，想我过去，可能系一到两年嘅时间，当时听到呢个消息，首先谂到嘅就系同佢啱开始点算，虽然呢个系一个非常好嘅机会去外面发展，虽然公司唔会保证你番黎或者去到个边会有乜嘢职位比你，但至少公司好少有呢的咁嘅机会比人去外面做也。但我无立刻应承佢，太多也要谂！

        个晚因为好多也做，后黎手机又无电，十二点几准备发出去嘅信息一直到五点几罗到条线充左电先发左出去，估唔到，佢反应咁大，竟然喊左，跟住佢讲左个故事我听我先明白点解。原黎世事真系有好多巧合，同一样也会发生系佢身上两次。咁我同佢讲我都未决定，但我知道佢唔想我走，我都知道我很想得到呢个机会，佢知道我多数会走。因为我同老板讲比一个星期我考虑，甘就放住唔去谂佢啦，一直以来碰到呢方面嘅问题，我从嚟都系选择一种逃避的方式去处理，怕面对带黎嘅后果，其实咁样对佢系好唔公平。友，对唔住（尽管我知道对唔住唔可以弥补什么）。

        寻晚系过得最开心嘅一晚，先去PIZZA HUT吃左PIZZA，系个度比埋份生日礼物佢，佢话冬天一般唔带饭因为的饭到左中午都冻晒，站西个的也又唔健康，所以特地买左个象印嘅保温饭盒比佢带饭，保温效果似乎唔错。佢好开心，其实做咁多也都系想系我走之前做多的我做男友应该做嘅也，唔知咁样做到底系错定系对呢？（衣家睇黎系错左）。吃完饭行左下街觉得无聊，落左光明广场嘅KFC度傻坐倾左成两个钟计，直到22：40嘅 《UP》开场。佢睇得好开心，成个大细佬咁，睇到佢甘开心我都好开心，因为可以比到快乐佢。真系应左嗰句话，快乐嘅时间过得真系快（下句唔想讲）。个半钟嘅电影好快过，佢听日仲要番工，送佢番屋企，系佢度楼下又倾左一阵，终于不舍地走左。

        今日一早就番到屋企，寻晚送完佢之后本黎番公司想做下的也，点知完全做唔落去，训左三个钟就起床打道回府。一直等到佢上网，倾左好多好多，我讲左我嘅决定，我承认我无胆量系佢面前讲出黎，但始终都系要讲。我地讲左好多，唔想一一重复，希望系度可以记录低。（太长了，呢度记唔晒，只能另外起篇日志记了，呢个系属于我地两个嘅日志，无人可以睇到，你唔使惊）

       可能你会后悔开始呢一段情，我从黎无后悔过，真的。呢个唔系一个梦，可以将佢当做一个梦开始嘅地方嘛？好钟意睇住你个样嘅时候，好舒服！

[ 本帖最后由 心殇 于 2009-9-10 12:17 编辑 ]