先声明，被打主角唔系我本人，而系我家快满2岁大既女女。(287楼有我既最近情况更新）  一日发住几次脾气都算啦，次次一有少少唔顺佢意思就打人，话甘就甘，（可能有少少原因系因为JGJP宠坏原因吧），老公次次见到个女甘就会马上好猛憎，就会马上拿起条藤条准备打，一开始都有阻吓作用，但慢慢变得无咩用。   呢个星期打得比往时严重，老公三次都系关左门打，打到个PP一条条痕 ，个心真系好痛，老公成日都话佢个同事以前都系甘教仔，佢话一系就唔打，连续打一个星期，打到佢惊晒，以后就唔甘再发脾气。老公份人都唔知点讲好啦，细心倾过都系无用，次次见佢个女隔住到房门系甘叫“妈咪”个阵，真系好想喊 ，JGJP一路系到闹自己个仔，我真系觉得好辛苦，夹住系中间，觉得自己好无用，无办法教好个女，无办法劝好个老公，无办法令到JGJP安心，人做人我做人，真系觉得自己做得好失败， ~~~~~~~~~   系到，真系好想好想有好心人帮忙指点下我，应该点教女啊，但系我平时要返工，教女既重任都系教比我JP,无办法时时刻刻系个女身边，真系觉得好心痛！！！好无助！！！！ 真系无晒任何办法啦~~~求求你地帮下我啦！！！谢谢~~~[ 本帖最后由 韵韵妈咪 于 2009-9-22 21:32 编辑 ]