自从生了女之后

我同老公结婚已经三年了,结婚之前我JP都对我好好，我一直以为我自己睇人睇得好准。结婚之后我地一直无打算甘快要BB，时间长左之后老人家开始催了（其实就果半年时间），我JP话我生既话就一定帮我凑。后来巨见我地一直都无咩声气就开始有意见了，当住我面话我系“5识生蛋既鸡”，当时我真系好佩服自己既修养，无吵无闹，只系自己回房喊。
   直到女女意外既降临，家里面既气氛好似有D缓解。怀孕其间老公好锡我，我都觉得自己好幸福。驮住女女既时候，我JP口话5狠仔，但就日日系我面前话边个边个生仔，仔又几可爱之类的话，我就知道如果我生女我既日子就难挨了。直到某日吃饭，我JP居然同我讲，话我平时吃甘多药生出来既一定要问题！我忍受5到了，甘多年第一次顶撞巨，我5允许任何人话我个B！而且我吃既只系维生素，凭咩诅咒我个B？！我无林到巨身为啊嬷，居然可以毒到咒自己个孙！怀孕十个月，我喊左好多次，次次都系因为我JP！
      好辛苦挨了十个月，女女终于有惊无险顺利降临了。我个JP第一时间不是关心我，而系讲：“做咩人地个个都生仔，你生女噶？！”系医院我就已经喊左好多次，我同老公讲：“女女我驮得我辛苦，生得好辛苦，女女系我条命，5好因为巨系女仔就5锡巨！”老公话我乱林，事后证明老公真系好锡个女，我都放心好多。
   坐月其间，我妈怕我乱林又怕我辛苦就每日都过来我JP度帮我凑女顺便照顾我。B女既衫同我既衫都系啊妈洗，我JP懒到咩都5做。B女前日呕奶既衫巨居然可以留到第日我啊妈过来洗。B女好扭计，成日喊，我JP居然一见到巨喊就用粗口闹BB，仲话BB肯定有病要我带巨去睇医生。BB先得一个月人仔，巨居然塞个提子比BB吃！所以我好5放心我JP照顾我个女，坐月我根本就休息5到！见我开空调，巨就话我日开夜开，电费贵。我坐月又5吹得风，又穿长袖，30几度高温，我又训床垫，5开空调我就热死拉！所以坐月其间我都成日喊，因为我5想同巨吵，但又觉得好委屈，所以就成日喊。每日去街去到晚上12点几先翻，你话有边个可以帮我凑BB啊？！
   B女好扭计成日要人抱，前日晚上6点几我抱住个女好饿，我JP又5肯去煮饭，我米叫老公帮我蒸两个包顶住先。我JP一见到我老公蒸包又闹了。“吃左包仲使吃饭既？！成日都5吃，狗西甘懒，煮个饭使几耐啊？！”之后就将我蒸紧既包罗翻出来。我觉得我无辜，莫非要我一手抱住个女一手去洗米？！等巨煮好饭了，我已经饿过机了，咩都5想吃了。老公话蒸翻D包，结果我JP又话“煤气5使钱啊？！半个月就用一罐煤气，浪费晒我D钱！”，我坐月日日要用姜水就当然煤气用得快了，我知道巨系话我！
   老公话系米家用比得少，话下个月开始再比多5百，巨又话我老公下下讲钱，5系钱既问题。我真系5知道咩问题了！总之我现在就5理我JP噶了。我已经同老公讲左，今个星期我就同女女搬回家,5比我搬我就同你啊妈吵大祸!老公之前一直都好反对,巨话5舍得我地,但今次巨都松口了,话如果我开心就搬拉,费事摩擦大了。我真系5知道以后点面对呢个JP了！