瑶均妈妈
瑶均妈妈楼
话你知：一蚊公交边度揾
114712谈天说地
“每月一号，电车总站见”———呢个新口号已经话畀大家知，要“空刷”就要搵电车。不过全广州得嗰几条电车线路，而且集中喺市中心，要刷其实好唔方便！噉有冇其他一蚊嘅线路呢？有嘅，虽然本嚟就唔多，但喺呢啲一蚊公交嘅车都烂到七七八八，尾气又多，估计都系“黄标车”。按照新规定，呢啲车唔可以喺市区开，噉你重有机会刷咩？
所以，我哋唯有将目标锁定喺小公交嘅身上。小公交平时就冇乜人坐，开得多蚀得更多；反正做又三十六、唔做又三十六，所以啲司机大佬宁愿训觉、睇报纸都唔愿意出车。而家唔同啦，只要每个月头开出嚟打个转，实有大把人排队都要刷你个卡！———呢个都算系新方案唯一有双赢嘅地方啦！
不过，“拼卡”行为可以用技术手段嚟限制；唔知道呢种“空刷”行为交委又有冇预先对策嚟防备呢？就算系冇，行政强权在手，佢想点都得啦！官字两把口，你讲得赢佢咩？
□兰心（荔湾区海龙街）
2009/11/11
