下午落班搭11路车遭遇极品男
295340谈天说地
tingwin其中有一个极品男,死都唔俾现金搭车,理由系:"我买左羊城通月票,我一定要坐呢部车走,你部机坏左系你既事,唔关我事!"司机就话:"部机我都唔想拒坏架,而加坏左,就只能俾现金搭车,一唔系就等下一部车再搭."极品男一副"我就系唔落车,一定要你免费搭我走"甘既样,仲大嗌:"市长黎都无得倾!".成车乘客个个都愤怒甘望住呢个极品男,我忍唔住就出声:"司机,拒果两蚊我俾,你开车喇!"个极品男就出声喇:"我唔要你果两蚊"我话:"我唔系俾你,我系俾司机!"极品男:"关你咩事啊?"我真系控制唔到我既怒火:"点唔关我事啊?!而加就系关我事!我赶时间,你系甘拖住我无得走,点唔关我事?!"
真系无见过D甘既极品男人,睇落都斯斯文文甘,读过下书架~~~点解就甘"盟塞"既呢?本来拒都有道理既(羊城通机坏左,搞到拒用唔到月票),但因为拒一个人既道理就搞到大家都无得走,成车人响处俾拒拖住晒D时间,有道理都变左无道理喇~~~~真系读屎片大既啊~烧坏左个脑定喇~!!!!
而且拒闹个公交车司机都无理由喇~根本唔关公交车司机既事,系都系关羊城通公司既事喇~因为拒地生产既羊城通机坏左,搞到大家用唔到.本来一件小事,大家协商下将就下就搞掂喇~~~偏偏就有个甘既极品男响处同人死拗,真系顶拒唔顺啊,影丑晒我地呢D广州人,真系失礼死人喇~~~~甘既素质点迎亚运?点做好东道主啊????!!!
无几耐,司机带我地过左下一部11路车坐,我地成班人都话,等果个贱男留响原来果部车处,同部羊城通机拗餐死既,唔好俾拒上第部车,一定要羊城通公司修理好部机之后,搭果个贱男走.如果我做果个司机既话,我一定务必"挽留"拒响部车处,等部机修好再服务于拒!
[ 本帖最后由 tingwin 于 2009-11-12 00:35 编辑 ]
2009/11/11
tingwin楼
