JP依家竟然成了我的噩梦

未结婚前，我曾认为我将有个好JP，因为相处一段日子觉得佢都几好。但是结婚后，特别系从今年圣诞节果晚开始，我JP竟然成为了我既噩梦.....导致我隔日就失眠，有时连续几日失眠，精神紧张，唔想成日对住佢。
我JP把口好犀利，样样都讲到头头是道，但是其实有好多嘢佢都唔识，而且绝对系个口是心非既人，做错嘢又唔认，死撑既技巧一流，口话自己好开通，其实内心不知几封建，思想超传统，对住我就话样样都无所谓，但是就同我LG讲呢样唔得，果样唔得，要我LG黎阻止我。

1、非常啰嗦既一个人，同一件事可以讲几十次，同一句话可以不停重复好几次，佢自己讲就算了，我当佢自言自语，偶尔应和下，但是佢最令人讨论既系，每讲一句都会系后面加个问句，你话是唔是？可？好唔好？总之好多疑问句，你唔答佢，佢就开始不停咁重复问，其实就要我答句嗯，哦，好！起先我都不停咁回答佢，但是耐咗，无法接受，太烦了，根本都系D无谓既回答同问题。连我LG同HK既叔叔翻来，都唔答佢，因为觉得太烦了，而且最中意问你买咗D咩，价钱几多，咩都要同佢交代，否则又问到你烦

，佢语气同态度都唔差，但是对得耐就会觉得有只苍蝇系你耳边不停“嗡嗡嗡”咁响，我同LG都觉得佢好似周星驰拍果出《西游记》入面既唐三藏（罗家英饰演噶），烦到连观音都想打祸佢果种feel。

2、长期食、用过期嘢，屋企有大堆过期药品、食品同用品。以前未结婚我都无注意呢D细节，佢整咩就食咩，有时感冒唔舒服佢就拿药比我食，比咩我就食咩，用既嘢一样。but，系今年4月屋企装修准备结婚既时候，天啊，我竟然发现佢有两大柜桶全部系药，而且我清理既时候发现大部分都过晒期，好多系05年以前甚至9几年既生产日期，仲有好多系医院开用个药袋装住，又无药名又无功效又无生产日期既药。我真系无法接受，将D过期既药都装起晒准备拿去扔，但是JP又叫住，话放系度，等听日再连同其他既一起扔，点知依家个药柜依然摆满2柜桶药，佢将好多过期药又收翻起身，我简直无语。跟住D食物又系，买翻来就放起，收收埋，佢又无点食，成日放到过期，个冰箱就超多杂物，放到发霉发臭，我同LG话佢，佢就死撑，佢就话前两日先买噶，系佢心目中所有嘢都系前两日先买噶，所以永远唔会有过期既一日，我地经常食到变味变质既送菜，未婚前我已经系佢度中过3次招，2次急性肠胃炎同1次膀胱炎要入院打吊针，搞到我又呕又疴

。而我LG都唔好得好多，咁后生已经胆结石，胆囊炎，三脂高等。
日用品就更加唔使讲了，数之不尽既过期用品，最令我无法接受既系，之前竟然用过咗期一年半既普通柔顺剂洗晒BB既尿布，因为我3月先系预产期，所以根本唔使太早洗晒D嘢，而且我唔想佢辛苦，话等我迟D再洗晒BB既嘢啦，而且要用BB专用既洗衣液洗噶，佢就话：我知架啦，系要BB洗衣液噶！果日佢可能睇见好天，趁我同LG翻咗外家就洗晒D尿布，其实都出于好心，当时我都无讲咩，后来我发现我买既BB洗衣液同柔顺剂都无用过，我就问佢用咩黎洗噶，佢就话用之前朋友拿过来既BB柔顺剂洗，咁我信以为真啦，但是都担心会唔会过期，就问佢，怕唔怕过期吖？佢就即刻话，唔会，就过年先拿过来，虽然都成年啦，但我念应该未过期噶。点知我去厕所既时候，就发现佢所讲既BB柔顺剂，根本就唔系BB用噶，只是个标签有个细路女图像，跟住我拿起来一睇，生产日期系05年噶，已过期整整一年半。我当时真系好嬲，但是又唔敢话佢，出厕所后问佢系咪用厕所果支柔顺剂，已经过期年半了喔，跟住佢即刻转口话唔系啊，无用果支。
我太了解佢啦，肯定死撑唔认，而且死作故仔话朋友年前先拿比佢，所以我无再追问落去，如果我再问咁你用咩黎洗架，我念佢会瞎编更多既嘢，JP转眼趁我LG未翻就拿拿声拿咗支柔顺剂去扔啦。
我本人脾气非常好，对佢老人家都好好，从来未顶撞过佢，成日为佢设想，又唔敢同老公投诉，费事佢难做，所以一直都系自己系度忍，哎，但是，一个人既忍耐系有极限噶。
3、噩梦既开始.....
以上2样我都无咩所谓，对于过期嘢自己唯有注意下，毕竟佢都习惯系咁，只是平时对佢多咗顾虑。但是自从圣诞节果晚，佢便成为咗我既噩梦.......
具体事件就唔多讲啦，一言难尽，总之就系佢因为D本来好小既事，当时我系唔发生咩事噶，，LG亦唔想我担心所以无话知，但是我JP竟然系我唔知情既情况下，圣诞果晚趁我一个人系厨房洗碗既时候，好鬼鼠咁走入来，细细声咁讲咗D嘢，可以讲真系带有D恐吓成分，死叫我同LG讲唔好理，唔好惹上身，又话咩佢叔仔个仔比人拉咗，讲D唔讲D，又惊比我LG听到，话我LG听到会闹架，搞到我一头雾水，跟住佢又急急脚咁走咗翻入房。于是我翻房间想问LG发生咩事，但是LG好累又处于唔想我担心（LG唔知JP走来吓我），讲咗两句就训咗。
于是我成晚都好担心，好惊，好紧张，胡思乱想，因为JP讲到同我LG有切身关系，好似会危害到我地人身安全咁，试问一个大肚婆，点能接受呢D刺激啊，所以成晚都训唔到，通宵咗一晚，BB就不停咁踢我个肚。
第日一早，JP又趁我LG出咗门，走入来我房，又开始滔滔不绝咁讲果件事，今次佢总算讲出系咩事，我一听，原来就系D咁无谓既事，哎，我真系好想闹佢，好想话：你知唔知就因为你既白痴，搞到我成晚失眠，担心咗成晚，惊咗成晚。但是我无讲出口。自此后，每隔一晚就失眠，经常会无意念起JP既所作所为，无法入睡，有时半夜起身尿尿，训翻上床后又会突然念起JP，失眠，眼光光望天光。当我妈咪知道我受吓后都好担心，话大肚婆唔吓得噶。哎，我都唔知点同阿妈讲.......
我依家已经对JP形成心理阴影，已经失眠咗大半个月。前两日，仲因为佢既迷信同封建搞到我同LG吵架，我喊咗，半夜醒来又念起JP又失眠，我LG就训到只猪咁，念念下，眼泪不停咁流...BB又不停咁踢我，肚又饿，全部人都熟睡唯独我一个人系度独自流泪，幸好仲有BB识得安慰我。我第日仲要翻工，每日就训得3、4个钟。

我真系惊再咁失眠落去我会有产前抑郁症，我竟然系喊既时候，念用把刀捅自己个肚，睇下会唔会伤害到个大人，又念过一走了之唔再翻屋企，第日早上翻工过马路我都想冲出马路