我当时吃左半个月培坤丸，经期就准番，后来一共吃左1个半月，但对我嘅内膜、卵泡一D帮助都无，同埋搞到我十分上火。所以我咪转中医

真系估唔到中秋节都要一早去医院，之前梁医生估计中秋节会排卵，一早就指导20或21号同房。中秋节当日8点3就到左医院，等左5分钟就轮到我照B超，训低都无30秒就比医生赶落床，果医生好搞，用D唔咸唔淡嘅广东话：卵泡消失左，白带多唔多？依家咁早快D番去同房啦

我罗住份报告直奔去稳梁医生，梁医生睇完份报告，都好搞咁讲：有无听我话同房啊？我话有，佢就话：咁就搞掂晒啦，快番屋企过节。依家开7剂药，下星期三或四番黎复诊。

今日药方：
白术15g         巴戟天15g    菟丝子15g     仙茅15g       熟地黄15g   
淫羊藿15g      续断15g       桑寄生15g     甘草6g

点解好似仲系补肾、壮阳嘅药？8

[ 本帖最后由 wei_winnie 于 2010-9-23 15:26 编辑 ]

次次药方好似都大同小异，等你好消息，记得第一时间要通知我啊

有好消息当然第一个通知你，放心！！

寻日终于煲完中秋节开嘅7剂中药，今日又到复诊嘅日子！！梁医生都系循例把脉，问状况。我今日终于记得带体温表，因为我排卵后出现感冒症状（鼻塞，流清鼻涕）、喉咙干引起咳嗽、RF胀痛、RT刺痛，我一一将依D症状话梁医生听。

梁：咁你自己小心D，有可能怀孕，唔好同房啊！
我：我感冒紧，所以无，费事传染比老公。
梁：（用电筒照喉咙）你喉咙好红，系咪吃好多热气野？
我：无乜点吃，可能寻晚吃左鱼蛋粉挂。我奶奶已经煲左好多清润嘅汤水比我饮，例如  苹果煲雪耳。
梁：唔好吃辣椒、胡椒、姜。唔好以为喉咙痕就含旧姜，系唔得！
我：知道啦！
梁：我1-6号休息，7号上班，你系4号月经，到时未黎月经，7号就过黎验小便啦。
我：知道啦！

今日药方，治感冒的：
岗梅根15g  连翘15g   鱼腥草15g  桔梗15g  苦杏仁15g  
芦根15g   浙贝母15g  射干15g  批杷叶15g  甘草6g

当时收到张药方我都犹豫紧开唔开药好，我询问过我亲爱的母亲大人，佢话唔好开药，自己饮多D水，注意休息窝，饮左咁耐中药，系时候停一停。

附上9月份的基础休温表，各位姐妹比D意见！

请问你在哪里看医生的?

祝你好孕，我都想去睇下医生，你市妇幼太远啦！

广州市妇婴医院

你就好啦，可以休息一排唔使饮药，我之前都停左几日，家阵又要抱住个药煲过国庆节啦

求先去了洗手间，发现厕纸上有一抹粉红色，相信YJ应该黎啦！！

唉！！

你都好耐没更新啦，休息完未啊？

中了没啊，楼主
我看了2次梁医生

你都好有恒心啊,我都是去市妇幼看卢慧玲啊,我是看经间期出血,看极都5好既,看左个几月拉,好失望啊~~~

各位姐妹，我真系好懒！！！已经一个月有多未有更新过，自从10月5日YJ之后，因为工作嘅原因已经无去睇梁医生啦。整个10月份无做排卵监测，只系在自我认为排卵后开始量体温，经过14天高温，11月4日又准时YJ。

虽然没有怀孕，但我觉得自己不需要药物帮忙都可以准时M到，算系已经有进步啦！

依家又开始新一个月嘅准备工作，每天都泡杞子元肉水饮，调节内分泌。11月8日YJ第5日，炖了一只水鱼吃，雌性激素低卵泡质量系唔会好好，希望卵泡可以生得大D。
不过我依然好懒，每日都唔想量体温，唔想自己有咁大压力。

我仲未怀孕啊，已经一年啦，仍然努力中！

每次去到市妇幼，睇到稳卢慧玲睇病果支“大部队”真系辛苦！！！加号、只要卢医生间房有乜风吹草动就一窝蜂拥入去........

唔好失望啦，你会好快无事！！

我都好想好啊，每次想同房既时候都要林之后会５会出血啊～～～真系好烦

你同房时候林咁多野，思想都无放松，咁样唔系几好啰！！！