bibifqw懷孕后，因為曾經有先兆流產關係，亦因為老公住村屋，需要爬自家樓梯上上落落，我爸為咗安全起見，將我接咗返外家住，呢一住就住到35周。一直以來在外家有爸爸媽媽照顧我都生活得好好，從未出現過病痛。
點知返來老公屋企待產唔夠兩個星期，就先係咳嗽，跟住胃口變差，咳嗽剛好，呢家又喉嚨發炎。咳嗽喉嚨痛或者唔能夠歸咎我NN事，但冇胃口就肯定同佢有關！從外家返來開始，我NN就成日問我在外家吃咩多，點樣煮點樣吃，話要按照我媽煮的模式嚟照顧返我。後來某日因為天氣暑熱，我話我想飲冬瓜湯，佢又話冬瓜涼，我話我之前在家已經飲過無數遍，佢都係半信半疑，係都要打電話俾同村做婦科中醫的醫生問個究竟，個中醫話OK，我NN先肯煲，當時我已經好鬱悶！跟住落嚟，我在外家晚上有吃開燕窩習慣，加上臨近預產期，開始飲綠豆湯解胎毒，於是某日夜晚吃飯，我NN又無厘頭一句問：“你飲綠豆湯，等陣又吃燕窩得唔得架？”我反問：“有咩問題？”佢用一種奇怪類似鄙視嘅表情答：“唔知喔！”
我知道佢肯定覺得綠豆係涼性，加燕窩又什麽涼性加什麽性之類有衝突的問題，但我個人認為燕窩係溫和的，綠豆就算再涼我都吃過N次冇事，所以我都唔打算睬佢同佢深究呢個問題。對於懷孕我NN亦有佢一套好“獨特”嘅見解，之前20周左右，有親戚嚟探我，問我呢家幾多個月啦，我話快5個月啦，我NN又叉把口埋嚟話：“邊係啫，佢先得個3個月！佢自己計錯數咋！”我話20周點計都冇可能係3個月啦，人地計算月數係按7天為一周，一個月4周28天咁計算架，而且係從末次月經第一日起計算！佢又笑話：“呢家D書真係奇怪，咁樣計日子都有嘅，我地以前按有咗果日計啊嘛！”
於是乎，我NN每隔一段時間，只要有人問我預產期或者懷孕周數，我NN就總喜愛跳出來話我記錯日子，計錯數，唉~~~另外，佢對於書本、網上、雜誌甚至電視上嘅懷孕知識都存在懷疑嘅態度，總覺得係呃人教壞人一樣，成日就同我講：“你唔好睇咁多書上同網上D人講嘅嘢啦，都唔準確嘅！”佢總覺得自己果套“守舊”嘅思維同所謂“傳統”嘅做法係最正確！
最后令我覺得最“攞命”嘅，係我NN好中意霸功勞，之前係外家住時，就已經成日催促老公接我返去住，話嫁咗俾我老公，就唔好成日麻煩我爸我媽照顧我，應該必須要等佢呢個NN嚟照顧。好啦，終於等到我返嚟待產了，某日佢竟然提議要老公帶佢同細姨、表妹去HK嘅要求，而且仲要過夜！原因係，老公表妹今年升高校，細姨趁暑假打算帶表妹去HK行下，我NN聽見后又話要跟埋去（唔知點解我NN特別愛去HK、澳門），但礙於佢地三個對HK完全唔熟（細姨同NN只係跟我地去過一次，表妹未去過），於是我NN就提出要我老公做導遊。其實要我老公做導遊我唔介意，要在HK過夜我亦都唔介意，我介意嘅係，明知我待產中，隨時有提早生嘅可能，佢咁樣扯走我老公，無疑即係叫我自生自滅，萬一真係在佢地去HK期間我作動咁點算？幸好我老公明白我心思亦都覺得佢媽想法無聊，最終都推搪咗！經過呢件事，我真係覺得我NN好“死人霸生地”嘅感覺，又係佢自己強烈要求要照顧我，但當真係需要佢認真照顧時，佢又可以隨時拍拍屁股就走人。佢成日同我老公講得最多一句就係：“我又要照顧你嫲（白內障睇唔到嘢、高血壓、高血糖、心髒病集于一身，需24小時照顧），又要照顧你老婆，日日困係屋企，想去個街都唔得！”我心諗，我從來都冇要求過你照顧我，我媽一直以來都照顧得我好好，係你自己要霸嚟照顧，呢家照顧咗一陣，就講埋曬D咁嘅說話，都唔知咩意思，如果第時阿B出世，再多一個，按佢意思，咪等同於攞佢命一樣？我話要我媽照顧BB，我NN又話唔得，冇可能要婆婆嚟照顧諸如此類~~~~~
唉！屋企有個咁嘅NN，叫我點安心待產，點安心交個BB俾佢湊？艱難嘅日子仲在後頭，我只能在媽網發洩完畢又要重新面對現實！
家有大猫
bibifqw楼
merlyn-1119
lisa:P
emily_tai
梁坤坤
10年猫咪
童心路
CCkuang
cherrymor
