绵羊牛牛
绵羊牛牛楼
其一，这个星期一，婆婆在打电话，一袋新买的苹果就放在婆婆的椅边。其实牛牛就想去搞电话八卦，点知婆婆拦住，搞唔到电话，就唯有去搞旁边的苹果。抓住一只苹果，玩下玩下就失左手，跌左落地，于是执返再玩，跟住又失手又跌，又再执，如是三四次，只苹果已经跌到淤左几哒，于是我就决定解决左只烂苹果。等我洗净只苹果开始咬之际，臭牛牛开始响我身边转悠左几圈，见我完全无给她食的意思，就露出无奈的笑容向婆婆公公的方向走去。跟住开始在公公婆婆身边不断行来行去，一阵又搞下公公的报纸，一阵又摸下婆婆件衫，一阵又趴下落公公婆婆的大比上，总之使出浑身之骚扰能力，搞到公公婆婆连睇个报纸都唔安落。婆婆不堪骚扰，几次叫牛牛“你去妈妈度啦，妈妈会给你食噶了，快点过去啦！”臭牛牛总是望望我，之后就对我报以腼腆一笑，摇摇头，随即又将头伏于婆婆大比上。终于，牛牛忍唔住了，使出左绝招，张开个“大口”，一啖咬落婆婆个膝头哥度，一圈八只牙齿印即时现形，痛到婆婆“咦呀哟”，都仲未捉住牛牛算账，牛牛就已经转场去左公公的身边了，又系一嘴落去，好在公公已有防范，只系给牛牛对膝头哥来左个湿吻。婆婆忍唔住对我讲，“你给她咬两啖啦！”于是，我就开声话“妹妹，来给你食两啖啦！”见妈妈终于开声叫，牛牛即时见牙唔见眼咁，以几乎双脚离地的行路姿势冲了过来飞快地咬左一啖，然后又咬左一啖又行开左了。两啖，果然就敢食两啖，都几均真！过左好几分钟，我又问“妹妹，你仲食唔食啊？唔食妈妈就食晒啦！”唔够三秒，就响书房门口见到牛牛的身影（食左两啖之后就入左书房去骚扰爸爸了），又系飞快地冲过来就咬！终于食到满嘴皆是，几乎转唔过腮先肯罢休！
其二，今日，整个白天婆婆都唔记得左给牛牛食苹果，但原来牛牛好记得自己今日未食苹果喔，成日啰啰乱咁缠住婆婆。到左下午六点，婆婆终于醒悟过来，于是就对牛牛讲“已经六点钟啦，一阵就食粥粥啦，今日唔食苹果啦。”点知牛牛听后居然自己排除万难（我没有亲眼见，只是凭想象，对于一个唔够80厘米高的小朋友来讲我觉得系“万难”，也请大家发挥超级想象力啦！苹果位置如图）
去啰左只苹果给婆婆，婆婆见牛牛咁神心，想唔给她食都唔得啦，于是今晚她的晚餐就只好推迟到七点半了!
june.liang
