我地系下午三点才从凤凰城出发的，因为上次去西冲个时系有人开车，而我就系路盲 所以我只系知道基本线路，出发前已经响网上查再吓线路，但唔知系车迷网上写线路的日期太旧呢，去到机荷高速上竟然见唔到白泥坑出口6 一直出到尽问收费站的工作人员至知道原来改左名啦，所以响依度讲过一个正确的线路以供各位参考啦
广深高速——机荷高速——盐坝高速（盐田港方向）——（南澳方向）葵涌出口（依度要讲一吓，因为大中国的路牌真系另人发晒温咖，我地去到大小梅沙都未见到有指示葵涌依个出口，吓得我地以为又行错路 好在打电话问朋友至知道响小梅沙再落两个出口就系葵涌啦 ）总结经验就系向住小梅沙的方向行，过多两个出口就系葵涌啦
出左收费站后就向南澳的方向开，沿路的指示牌都好清楚噶。去到南澳有条海鲜街， 强烈建议唔好响个度食饭呀！第一次去个时都觉得唔好咖啦，因为个度的海海鲜表面上系平，但加工费仲贵过海鲜 ，依次唔知点解鬼迷迷甘又入左去，林住响第间应该唔会甘唔好彩挂 点知仲系到处乌鸦一样黑！我地要左海胆、赖尿虾、海虾、泥猛鱼、鲍鱼螺、仲有一条唔知叫咩名的鱼，埋单系四百七十几蚊，好在无要档主介绍的唔记得左叫咩的蚬，果种蚬好似我地食开的黄沙蚬，要成28蚊J，本来要左噶，后来一称3J几就要成104蚊 我当机立断飞左依D唔要。我当时问有膏的赖尿虾有无，距话有系20蚊J，我就觉得：哇！平过广州啵，仲以为执倒平野添点知。。。。。。。。。。。唉！海胆系15蚊J，我地要黎炒饭，但加工费就要28蚊啦 泥猛鱼20蚊J要黎滚汤，鲍鱼螺系28蚊J要黎白灼，海虾系90蚊J都系白灼，条鱼就清蒸，味道都唔错，赖尿虾就盐水浸，仲要左个油墨菜添，最后埋单175蚊。计落依餐就食左六百几啦 因为赖尿虾的事同档主去理论所以无晒心情影返海鲜的靓相 总的黎讲海鲜仲系几好噶！但唔够沙扒湾平
但胜在比去沙扒湾近罗因为我地去到南澳海鲜街个度才5点半。计吓时间我地如果无行错路的话应该两个钟就到南澳啦，而从南澳去西冲才开左十几分钟的车 沿住公路的指示就可以睇到去东冲同西冲的路啦（D人话东冲都好靓，下次要去吓先！）我地一行六人就向西冲方向进发，要上一段盘山公路，（到山顶有间叫沙坑的农家菜，我地返广州的时候就响依度食噶，食得唔错，比食海鲜要好得多啦，依个留返下回分解！）之后就入到西冲啦！因为我地上次住的系1号收费站的碧涛湾渡假屋，有老细的电话，而且唔系周末，所以大把房咖之前打电话 同老细讲好系250蚊一晚，我地要左二间房。个度的房价好有弹性噶，周末会贵几十蚊，因为第一次去个时要左7间房，所以同老细讲好以后我去都系250蚊依个价 之前响网上见到西冲有个网站4号收费站个边的木屋系百几蚊一晚，但有朋友去过话果D木屋又细又有一阵味，加上第一次住过依度，觉得个老细几实在仲有倾有讲添。因为食饭去到住的地方都成七点几啦 建议如果自己开车去的话可以买定野去海边烧烤咖，个度租个炉系60蚊，加袋炭就要20蚊，都还可以。但响距的店买食品就比较贵。鸡亦要6蚊只，火腿先生的肠仔要20蚊一袋（得20条），羊肉3蚊串，鸡中亦3蚊只。因为食海鲜都食得几饱，所以我地只要左几样野黎过吓引 （要左两只鸡亦、两只鸡中亦、五串羊肉同一袋肠仔）一边烧烤一边听海，吹住海风同朋友畅谈个种感觉真系太好啦 期间仲见到人放孔明灯同烧烟花添。仔仔挂住玩电脑无同我地一齐烧烤 玩到11点几我地就返房息啦，房间的比较简单，就两张床（一张米半，一张米二）有独立洗手间，24小时有热水供应，有冷气。
房间的图系响网上借咖，除左洗手间无左个热水器外其它都系一模一样咖，可能系个热水器装响外边挂。但我睇唔到噶，不过觉得热水器唔响房间仲好仲安全呀

[ 本帖最后由 jingcai200 于 2010-8-28 21:19 编辑 ]

房间虽小但胜在够干净呀！我地无要最出边的海边木屋系因为怕海浪噪住训觉

[ 本帖最后由 jingcai200 于 2010-8-28 11:06 编辑 ]

教好闹钟早上5点几就起身啦！以为可以睇到日出，但只睇到未落山的月亮！

[ 本帖最后由 jingcai200 于 2010-8-28 21:20 编辑 ]

没人顶没咩心机写啦

[ 本帖最后由 jingcai200 于 2010-8-28 11:25 编辑 ]

系我朋友响凤凰城住呀

[ 本帖最后由 jingcai200 于 2010-8-28 11:32 编辑 ]

系呀，一定唔好周未去添呀

[ 本帖最后由 jingcai200 于 2010-8-28 11:34 编辑 ]

多谢帮顶。继续写啦：睇唔到日出唯有游水罗，朋友个女女才三岁月，而我个仔就十二岁啦6 但好在仔仔都有同朋友的女玩 （我用Q币引诱个仔）开始个F两公婆仲响度训懒觉，只有距地的妗母出来睇日出（距妗母系帮手F带女女的，由出世就带到依家啦，因为系亲戚所以去边都会带埋妗母去！）后来我敲门叫醒晒距地，点知距两公婆就继续找周公倾计3 女女就比我骗出黎玩啦！依家D相系我用手机影的，所以有D蒙，等我整理好相机里的相后再上D清楚咖啦

[ 本帖最后由 jingcai200 于 2010-8-28 13:07 编辑 ]

小家伙一见到海浪就玩疯啦，一边跑一边哈哈笑，超可爱哟，我就响后边上气不接下气地追6 后来距爸爸终于比我叫醒左，我就可以歇一歇 点知我个仔见到朋友起左床就立即话唔玩水啦，仲话比我个F知我已批准距上去玩电脑 本来出去玩就系唔想仔仔成日响屋企打机，点知个F话就黎返学啦，比距玩多阵啦搞到我变左成个不讲道理的恶妈

[ 本帖最后由 jingcai200 于 2010-8-28 13:17 编辑 ]

多谢!有人顶就有动力啦
玩到8点钟左右我地就去旁边海宁渡假村的餐厅食早餐,强烈 大家唔好去帮衬依间野呀.有个老女人恶到S,我见到墙上贴住张纸:窑锔鸡68元。就多口话左句：点解甘贵咖，出边好似卖50蚊啵！果个阿毛 即刻顶返五句：有无人叫你食，贵咪食罗，出黎玩差个D不如唔好玩啦，旅游区系甘咖啦，无人叫你黎依度食啵！ 我甘好修养肯定唔会同距计教啦 因为上次我亦都系响依间野食过早餐，觉得味道仲可以，可能系上次玩到成十点几至黎食，所以招呼好D挂。我地点左两个白粥4个肉丝炒米粉（上次食左炒河粉，D粉太淋唔岩我食），白粥系10蚊一个例，可以够两个人食噶，米粉就15蚊一碟，我个仔一个人都食左一碟啦！响到等个时个阿毛又黎问我地9点前可唔可以食完走人呀，我问点解？阿毛话有个旅行团订左团餐，要我地9点前要食完，仲话唔想做我地D散客的生意添。我个F气到声都出唔到。我就话食完就走罗6 ，之后精彩的戏肉黎啦 有个阿姨系跟南湖国旅的团去的，话系二百几一个人包车来回同住海宁渡假村，唔包食。距叫左个汤河粉好似系15蚊一个例，食到甘上下距就问个阿毛可唔可以打包D汤粉返房间食。个阿毛话：唔得！你打烂我只钵点办！个阿姨话：D人个个寻晚玩得好HI都唔肯起身去餐厅食，最多我比返押金你啦！个阿毛话：无得倾！要打包就打包炒粉啦！ 个只钵就系我地平时响酒楼装汤个D白色的瓦碗顶多十蚊八蚊。平时一碗粉至卖几蚊，响个间野卖15蚊就算啦，仲甘串！依个时候旅行团有几个人早起身黎食野啦，个阿毛就好恶甘话：你地系订左九点啵，甘早无野食呀！有个人睇唔惯就讲左句：我地可以坐响度等咖！个间野有成十几张台，比人坐吓都唔会S啦接住又黎再几个跟南湖国旅的，个阿毛仲串，点咩无咩。我地几个私下就讲好彩我地系第一个黎姐，唔系连食都无得食啦！比钱仲要受气，我个F话当堂无晒心情啦，后来我地埋单80蚊。个老细收钱个时见到距无晒符甘的表情就知平时个阿毛几黑人睁啦！
响依度要提醒各位，西冲的收费站系按人收费的，米半以下细路就唔计数，每人十蚊，停车系每晚十蚊，过左晚上十二点后就算多日停车费，有车的朋友可以开车出去食，外边大把农家菜馆。仲可以送餐添！

[ 本帖最后由 jingcai200 于 2010-8-28 18:15 编辑 ]

食完饭继续写：
食完早餐返到住个至记得可以叫老细帮手煲定煲白粥咖 （人老左真系无记性 ，上次黎个时个老细就同我讲过可以煲粥比我地当早餐噶，如果我地去三门岛下网的话第朝仲可以将网到的鱼煲粥添，我朋友就试过旁晚出海放网，早上出海收鱼，返黎叫老细整黎食，仲话好鲜甜添）我地就去对面的情人岛。上次去过个边的水比西冲依边仲清，可以见到鱼仔响到游来游去添！同老细讲价将150蚊的船费讲到120蚊。朋友本来唔打算比距女女坐快艇咖，因为从未坐过，响我的诱导之下我地6个人坐住只快艇向情人岛进发啦，中途朋友的帽被吹左落海，个开船的靓仔帮距执返，之后又到距女女的帽吹落海 个开船的靓仔又执多次 个开船的靓仔仲响度等住我地到尽兴至走添 我个仔好熟络甘问个靓仔拿潜泳镜 （因为上次上岛个时距比过仔仔用）个F本来没穿泳裤过去，又不打算下水，因经不起女儿的叫唤和海水的诱惑都把衣服脱掉下水啦，连朋友的妗母都下埋海 女女的妈咪就帮我地影相，等相整理好我再继续上靓图哈

[ 本帖最后由 jingcai200 于 2010-8-28 21:14 编辑 ]

领导都黎送花呀，甘就要落力D写啦

[ 本帖最后由 jingcai200 于 2010-8-31 15:21 编辑 ]

得闲继续写：
今次上情人岛比上次好玩，因为上次人太多意见不一，所以玩的时间不多，而且我都无落水玩，但依次就唔同啦，我借左老细顶草帽，茶晒防晒，一于玩尽距D水清到睇到一群群的鱼游来游去呀，爽S啦

[ 本帖最后由 jingcai200 于 2010-8-31 15:24 编辑 ]

为左唔被晒黑，似乡下婆都无所谓啦

好在仔仔仲识同朋友个女玩8

早晨的沙滩好靓，仲有发烧友响度影相添

[ 本帖最后由 jingcai200 于 2010-8-31 15:20 编辑 ]

我地玩到尽晒兴，不过朋友个女就唔肯走 后来用坐快艇黎引诱距至肯上水 因为距从未坐过快艇咖，过来岛上的时候坐得好开心，所以一讲坐快艇就即时弹起跟住我地上水啦 同个开快艇的靓仔讲好加多三十蚊油钱围住个岛转左一圈，返到对面已经成点钟啦！个肚饿到打晒鼓6 早上食的早餐早就唔知去左边啦！返房冲洗干净后就退房去食饭。老细介绍话在来西冲路上的山顶有间叫沙坑的农家菜唔错，我地，唔想再贴钱买难受商量过后一于就去食农家菜啦！个间店好易就找到啦，去到都成2点钟了，个老细已经响到同D人开紧四方城啦 有个阿姨见到我地就立即招呼我地停车，我问距窑鸡几钱只，距话53蚊只，系走地鸡，仲有D菜都系自己种的，我地当时就林：第一次去食，唔知真假，况且信住距先啦！我地点左一只窑鸡、一个虎皮尖椒、一个让豆腐、一个蒜茸炒白菜仔、一个红烧茄子煲、一个生地熟地煲龙骨汤，白饭任装。埋单155蚊

[ 本帖最后由 jingcai200 于 2010-8-31 16:29 编辑 ]

写得唔好,希望有人送花花

个仔越黎越唔似我啦，细个果时就真系好似我咖

[ 本帖最后由 jingcai200 于 2010-9-3 07:41 编辑 ]

封海？打台风呀

[ 本帖最后由 jingcai200 于 2010-9-3 19:51 编辑 ]