帮BB入左户啦！
127011婴幼育儿
dearkary因为之前系金盾网上睇见话BB入户可以系市区内任何一个公安局办理，于是我都费事同距理论，就直接坐车到越秀区东华东嘅办证中心。过程非常顺利，工作人员连提都唔提上环两个字就帮我搞掂晒，十分钟都唔使就帮我BB入左户，果个工作人员系盖章时仲提醒我“盖嘅章系呢度越秀区大东街派出所嘅章，不过呢个BB入户登记系全市联网办理噶，系唔会有影响噶”~~市区嘅服务态度就系唔同D，果然系真正办事的。
最后，我好庆幸办理过程十分顺利，因为我实在唔想上环，我妈咪就系上环后嘅一个悲剧例子，妈咪当年生完我细佬就去左上环，结果因为一个环搞到周身都系妇科病，浪费好多钱都医唔好，仲搞垮晒自己身体，就连医生证明唔适宜上环，我屋企居委都唔肯开证明俾我妈咪去取环，最后我妈咪因为宫颈炎大出血被紧急入院处理，连医生都睇唔过眼，就算冇居委证明都坚持先帮我妈咪取环，我妈咪先得到解脱。所以我一直都同自己讲，无论如何，我都一定唔会上环。呢个万恶嘅土政策几时先可以停止，系中国做女人真系命苦。
2010/10/20
dearkary楼
