帮BB入左户啦！

未生BB之前一直留意有关入户嘅情况，了解到好多地方都需要妈咪先上环，如果唔系就唔俾BB入户。我系省内户口噶，我老公系广州市白云区户口噶，前几日岩罗到BB嘅出世证明，打算尽快帮BB入户。由于之前就听讲白云区好多派出所同居委都有****（我唔方便直接写出来），一般白云区嘅派出所都会先要求妈咪返接到居委写证明，而居委又会以上环黎卡住BB嘅入户。于是我就直接去白云区嘅办证中心，点知去到被告知都系要返去派出所办。我抱住试一试嘅心理返到派出所了解情况，果然不出我所料，要入户就要去居委罗证明，而居委一贯态度就系要罗证明先上环。我话我系剖腹产，先岩生完一个月，起码都要半年后先上到环啦，居委嘅人就话“甘你半年后上左环先黎办入户啦，反正就一定要先上环”，我问距而家唔系都唔可以强制上环咩，距就答我“我冇强制你啊，你唔想上可以到我地指定嘅医院检查系咪真系唔适宜上环，如果真系唔适宜就要叫医院开证明，仲要有至少三个医生嘅签名”（简直系万恶嘅社会，将我地女人嘅身体当什么）

因为之前系金盾网上睇见话BB入户可以系市区内任何一个公安局办理，于是我都费事同距理论，就直接坐车到越秀区东华东嘅办证中心。过程非常顺利，工作人员连提都唔提上环两个字就帮我搞掂晒，十分钟都唔使就帮我BB入左户，果个工作人员系盖章时仲提醒我“盖嘅章系呢度越秀区大东街派出所嘅章，不过呢个BB入户登记系全市联网办理噶，系唔会有影响噶”~~市区嘅服务态度就系唔同D，果然系真正办事的。

最后，我好庆幸办理过程十分顺利，因为我实在唔想上环，我妈咪就系上环后嘅一个悲剧例子，妈咪当年生完我细佬就去左上环，结果因为一个环搞到周身都系妇科病，浪费好多钱都医唔好，仲搞垮晒自己身体，就连医生证明唔适宜上环，我屋企居委都唔肯开证明俾我妈咪去取环，最后我妈咪因为宫颈炎大出血被紧急入院处理，连医生都睇唔过眼，就算冇居委证明都坚持先帮我妈咪取环，我妈咪先得到解脱。所以我一直都同自己讲，无论如何，我都一定唔会上环。呢个万恶嘅土政策几时先可以停止，系中国做女人真系命苦。