11月15日14小时的惊险顺产记，医生唔比我个女个头出离

怀孕特征：
孕早期，不呕吐，胃口不好！

孕中期，肚尖，妊娠纹中轴线明显正中，大食，口味偏甜，咸，辣。行动轻松，98%亲戚朋友同事客户都估系个仔仔！（如果开个盘既话我就赢好多）

孕晚期，脚肿，十足十猪蹄完全见唔到骨，三肿三消，无胃口，特别喜爱奶茶，柠檬茶

11月14日最后一日要翻工，按生理时钟我照常07：30分起身，去次所后发现见红。后来话比老公知我见红啦，无咩常识既老公问我点算好？我话请假啦，等有阵痛先去医院！老公后来翻公司请假，仲买左“味然香”牛丸粉同买“大卡司”奶茶比我。整整大半日都系好似个正常人甘系屋企上网训觉。

到左下午16：40分无常识既老公就急起身话“唔得啦，要去医院，系屋企有咩事发生都唔知，去医院稳阵D！”好啦，唯有顺从据去医院。

去到医院已经系下午17：00正，挂急诊，检胎监，检宫口。

18：00正，第一次比人插一野！医生宣布未开宫口，叫我翻屋企，仲话一般见红情况下要2-3天才可以生，当然都有特殊情况（其实我就系果个特殊情况），仲叫我坐多D矮凳！甘我唯有听听话话翻屋企！

21：00正，唔知死既我仲同另外一个8个几月既大肚婆，我老公，大肚婆个老公四个人一齐行出屋企街口食沙锅粥。平时行出去街口所需时只要15分钟，但我竟然行左25分钟，呢个时候已经开始有月经果种痛，有时强烈就行唔到需要听低透两分钟！

11：20分，食完宵夜已经有规律既阵痛，行翻屋企竟然用左40分钟！

11月15日00：00正，冲完凉已经企唔住，要大呼吸口气，仲要老公扶出去厅。而家已经系10分钟痛一次！每次1-1.5分钟。

02：30分终于顶唔顺去医院，02：45分到达医院！又系挂急诊，检胎监，检宫口，护士讲左句：“乜痛得甘密？”比人插第二野！点知都系开左一指，救命啊，痛左三个几钟先一指？？又系果个急诊女医生，据话“乜你甘熟面口？”我话“我咪就系六点钟离稳你，你叫我翻屋企左凳仔等生果个咯”女医生笑左一笑！我心谂有咩甘好笑？搞到我行离行去！

03：00去到住院区办入院手续，呢个时候我已经系2分钟痛一次，住院区护士又叫我去宫检，我话我15分钟前先检查过，又检？护士无甘好脾气甘同我讲“你头先系急诊检查，我呢度唔清楚你既情况，你系咪要比我检多次啊？”我唯有死死地气话“系既，系既！”今次系我比人插第三野。住院区护士同我屋企人讲“据宫缩得太密啦，已经两分钟一次，送据去待产区”。

03：15分上到待产区，着绿衫既医生又叫我除裤，我话“头先10分钟前先检完，又检啊？”医生又无甘好脾气同我讲“你头先系住院区检查我唔知你咩情况，你系咪好应该比我了解下你咩情况？”（乜呢翻说话甘是曾相识？）无奈我又比人插第四野，医生宣布只系开左2指。

04：00正老公一直陪住我，我已经痛到讲唔出声，据竟然系我隔离仲训得着觉，望住甘样既据，我心真系知觉得好嬲定好笑？终于又忍唔住按钟叫护士，护士宣布开左2指半，呢次系我比人插第五野！救命啊，离3指点解仲系甘漫长？

06：30分，得翻半条人命既我又按钟叫护士，护士话得啦，够3指啦，其实我觉得根本就唔止开左三指，比人插第六野！我同医生讲“你唔使讲，我用无痛分娩，独立产房，需要老公陪产，唔使解释，拿野离比我签名啦，快D啦，我就离顶唔顺啦！”

07：00分终于入左产房，感觉上舒服好多，觉得自己终于可以生啦！无几耐麻醉师就离左，我龚成虾米甘比麻醉师唔知吉左几针？10分钟后成个人舒服晒！真系天堂与地狱之分。

08：15分朦朦胧胧见到D护士同医生出出入入，仲有个姓黄既姑娘向住我自我介绍，话系我助产护士。进行人工破水。

09：15分，呢个钟头里面我好似发左五六个梦，系真架，咩都有！转头望一望老公，唉，对据太失望，又训着左。医生入嚟叫左我老公去叫碗粥比我食，我谂都谂唔到既系产床上面仲可以食粥同训觉！食完后又比医生插第七野，医生：“唔错，六指半啦”

10：40分，因为减少左麻醉药既关系，宫缩又开始密翻！医生再次入黎检查我既宫口，呢次系最后一次比人插---第八次！一个拳头，终于宫口全开，可以用力生，我问医生大概几时生得出，医生话大概半个钟到一个钟啦！问我有无想疴屎既感觉，其实我真系无咯，但人地唔系话要有疴屎既感觉先可以生得出咩？我几歹都话有啦！医生话我可以尝试用力，用左几次力，助产护士话唔错，可以见到少少头发啦，但讲完呢句后竟然产房就无晒人！等翻我同老公！

10：47分，助产护士话“你要吸一口气用三次力，唔系既话BB系里面会缺氧架，再生唔出就要钳产啦”我同老公讲“你要出去啦，BB要出离啦，你出去啦”跟住医生话“无甘快既，你BB快出离果时我会叫你老公出去啦”（因为我地两公婆同医生协商好BB出世个下就要老公出去，唔比据见到甘血腥），话口未完，阿B个头已经出左三份一，医生竟然大叫“咪出黎住啊，你忍住，唔好用力，唔好用力，死甘按住BB个头唔比据出黎，个头就卡住左系我下面（拍一拍我大脾示意叫我放松），你再用力我帮你唔到架啦。”思想清晰既我谂“咩回事？点解生生下唔比我生？唔比我用力？”原来医生根本上未准备好，医生又叫其他姑娘帮距开台，戴手套，消毒等等。。。。唉，我真系无语！医生又话“得啦，你再用多次力！”