我都係上个月先喺果度生完。但完全冇你讲噶情况出现喔，我觉得D医生护士好负责吖。我係顺产，佢哋係鼓励顺产噶，都係住咗6日。但4日佢哋就话我可以出院，係我自己要求住多两日噶，因为我想照下个伤口同用中药浸脚，等恢复快D，事实上我真係恢复超快，我一出院就咩都冇事啦。我月嫂都话我唔似一个坐月噶人，从精神，动作，反应各方面都唔似。我生果时係年初七，我哋俾利是D医生护士，冇一个人肯要咖。而且喺产房果时，助产士噶说话好贴心，不停甘鼓励同俾指引我，所以我生得好顺利喔。早上7点喺屋企出发，9点半左右入产房，中午12点就生啦。我曾经一度觉得我顺唔到，因为我好怕痛，连抽血都会流眼泪流到哗哗声噶，但全部护士同医生以及助产士真係好体贴产妇咖～唔觉得似楼主讲噶甘啰。生完时医生讲尽快排尿係一定要咖，如果唔係就会有猪溜尿咖，但医生冇叫下床解尿，佢叫我直接喺床度排出嚟，因为有个产妇卫生巾可以兜得住。医生好负责任，每几个钟会嚟问情况同检查伤口，会俾建议我。同埋我一个人住一间房，我觉得甘样好好吖，护工会定时嚟帮你做一D琐碎嘢，清洁吖姨一日搞三次卫生。护士除咗帮我哋打针，做治疗，仲会睇下BB情况，每日儿科医生都会嚟检查BB情况～最后出院4000蚊唔到～我唔知道楼主点解会有甘噶问题啰，我係好满意的～我都推荐朋友去呢间～[ 本帖最后由 shadowfeng 于 2011-3-15 15:29 编辑 ]

JMS讨论的应该是广州市中医药大学附属第一医院，我都想在那定点，因为离家近，而且环境挺好，人不多。但是医院说现在还不能办生育保险定点，那个产科刚成立一年多。所以只能定点其它医院拉。

我都定点左响呢度生啊，预产期10月，想问问有经验的JM，在这里生需不需要自备待产包架？你地入院时都准备左D乜野啊？例如：1、医院会唔会提供BB的替换衣服？2、医院有无规定用哪只产妇卫生巾？3、自己需不需要准备产褥垫？4、医院提供哪个牌子的奶粉给初生BB？可唔可以自备奶粉呢？还有什么注意事项，麻烦提点一下。

我都定点左响呢度生啊，预产期10月，想问问有经验的JM，在这里生需不需要自备待产包架？你地入院时都准备左D乜野啊？---需要自备待产包架，不过佢係建议用医院超市卖果只开丽，因为入边乜都有齐，而且D实用。当时我自己有准备产妇专用m巾之类，不过助产士话待产包入边包含嘅嘢好多，好似产褥垫，婴儿脐带保护贴，几种唔同规格嘅M巾等等，一大包，有齐佢哋习惯要嘅嘢，唔使烦。所以我老公就马上去超市买咗一个。好实用，所以比自己准备要方便得多。我建议呢位妈妈都係入院时叫老公买好过。当然如果你觉得自己有中意嘅待产包牌子都可以选择自己喜好嘅喇。如果自己准备待产包嘅话就要记得买产褥垫同婴儿护脐带。---话说当时我入院以为乜都要自己准备，我带咗三大箱行李入院，俾D护士笑我，佢哋话我太夸张。佢话只需要准备一D自己日常用嘅生活用品，BB尿片，BB同大人出院用嘅衫就已经可以喇！当时我仲以为BB嘅衫都要自己准备，净係BB衫都一个行李箱。例如：1、医院会唔会提供BB的替换衣服？喺住院期间都係着医院提供嘅衫，如果喂奶时唔小心搞邋遢咗，可以随时叫护工过嚟帮手更换的。2、医院有无规定用哪只产妇卫生巾？待产包係开丽，就係用呢个牌子。唔係硬性规定嘅。係建议使用～3、自己需不需要准备产褥垫？待产包里面已经包含有架喇！如果你唔使用医院推荐嘅话就要自己准备。开丽里面嘅产褥垫好大张，我觉得几好用。比我当时自己准备嘅要好。4、医院提供哪个牌子的奶粉给初生BB？可唔可以自备奶粉呢？医院应该係唔提供奶粉，奶粉要自备的。我当时顺产，一生完就有奶喇，所以唔需要奶粉，不过当时护士话如果没有奶的话要就冲点奶粉了，仲问我有冇准备奶粉俾BB？识唔识冲？所以我估应该係要自己准备奶粉的。还有什么注意事项，麻烦提点一下。其它就冇乜嘢，三甲嘅医院都差唔多喇，但对比过我身边生嘅朋友定点嘅医院，我觉得我喺中医学院生比佢哋好多多声咁。但係有一样嘢就真係差DD嘅係，虽然护士都好靓，好有责任心，好温柔，不过经常有好多新来嘅实习护士，佢哋就唔係咁专业，我试过俾一个护士仔佢打吊针扎入血管，我打咁多次都未试过话扎入去之后针水倒返出嚟，唔係我排斥喔，係确实佢手法唔得，结果淤咗紫色一块，痛咗两三日。所以你都係要小心留意下，叫佢揾D有经验嘅护士搞搞～实习果一两位真係可以吓死你。