我又唔觉喔，睇你识唔识拣既姐。而且宜家D衫都系讲款式既，质量几好着一两年就换架喇，唔会着十年八年都系果件既。

今日难得老公黎接放工，梗系要佢陪我行中旅喇，有人帮我睇住个袋，我就可以放心去淘宝喇~~

今次一共入手咗3件，系六点铺入手咗一条好特别既纱裤，无错啊，唔系纱裙，系纱裤，￥60，不过翻黎试过效果一般，已经罗翻去换咗喇。



之后两件系17蚊鞋店斜对面新开既依间铺度买既，果度多数系卖外贸货，系华乐路都有铺架，中旅依间就系用黎清货既，所以价钱比华乐路平好多，都系几十蚊就有交易喇，睇黎以后会成日帮衬喇。
雪纺料衬衫，￥50，手工好好，系双层既，单着唔会透，一睇就中意啦，点知翻到屋企一试，细咗，可原价转让，如果无人想要就听晚罗去换喇。



湖水蓝连衣裙，￥60，100%人造丝，面料好舒服，颜色都好显白



真人秀（肥死喇，请忽略）





[ 本帖最后由 winkykan 于 2011-4-16 23:03 编辑 ]

条裙好睇

又便又靓,支持LZ,希望经常更新

绿色裙好看啊，我喜欢~~~嘿嘿

裙靓，再睇下。

条裙好抢眼,配上原点小外套更好看.

湖水蓝条裙着起身好好睇

又开新帖，一定来支持

绿色裙好睇

条裙确实唔错~~

早两日妈咪话想行大笪地，问我点去（佢系路盲，只要有人陪住佢就一D方向感都无架喇，超级依赖人啊，佢话系北京路都有可能唔识返屋企架，汗~~），我即刻自告奋勇话“我休息带你去啦”，其实系有私心架，哇咔咔
今日又系丰收既一日啊，共收获4件，仲帮老公买咗一件衫+一条夏季休闲裤。行咗大半日，翻到屋企拿拿声影相，点知原来行街唔系最攰，影相先系体力活，真系佩服D淘宝卖家，D衫件件都可以影到靓过实物，我就影极都劲肉酸，又偏色，OMG！！所以D衫绝对系实物靓过图片既，大家多多包涵，我已经尽力喇，前前后后搞咗我4个钟架喇 ，真系超级对唔住部单反！我都好想好似刘肉肉MM甘有个御用摄影师，唔使下下自己黎，可惜老公唔肯同我一齐癫......

第一件，土黄色连衣裙，大笪地飞飞莉莉店，A08定唔知A10，唔记得喇，￥25
宜家去大笪地已经习惯第一时间就去飞飞莉莉店同行兴店睇睇先，今日仲有惊喜，系我疯狂地淘宝时，旁边突然有人叫我“你系咪Winky啊？”当堂吓一跳，原来系妈网既JM，睇过我既帖认到我喇，已经系第N次比个素未谋面既人叫出自己个名喇，感觉真系好奇妙！唔知我淘宝果时既狼狈样有无吓亲依几位JM呢？？
不过我都有做小粉丝既时候哦，话口未完，我走咗去行兴拣衫，拣拣下感到一股气场，只见一个着碎花长裙既MM飘到我身边，一睇就感觉到同成个环境截然不同既，一望，原来系淘货女王Hebe啊，果然系脱俗，这就是气质！！之前系中旅都见过佢喇，不过都唔敢上前搭讪，只系静静甘望住佢，唔知佢有无睇我既帖呢？？
讲翻条裙，睇岩佢系因为之前妈咪买过，话只料好凉爽，而且下半部系今年流行既层层纱，宜家有细D既码数，决定入手。吊牌价￥298，真系吓死人啊！





第二件，橙红色衬衫，大笪地飞飞莉莉店，￥25
依件贪佢颜色够sharp，手工同细节位都做得好好，洗标吊牌都齐全，一睇就知系上品喇。



报告，有人系度扮可爱啊，快D拖佢出去！！
P.S 我只系将D衫直接着上身，无特别衬过，所以效果唔系太好，大家表拍我哦~~



第三件，黑色雪纺衬衫连背心，大笪地某店，无睇到店名，不过系系路面既，￥20。码数好齐，有黑色、枚红色、紫色。





最后一件，黑色棉T，￥30，系老鼠街买既，面料好舒服。我今次专登去睇咗下地址，老鼠街就系长寿路福泰里，大家应该容易稳D了吧



[ 本帖最后由 winkykan 于 2011-4-18 23:23 编辑 ]

等图

看来你真系像明星咯.甘多FANS.
你对大笪地都好熟行咯窝
看完觉得第一件好似老积左D.

猪脚仔咪鬼笑我啦～～
睇左甘多JM既大笪地攻略，唔多唔少都学到下既～～
系啊，我着上身都有少少觉，不过衬下应该都OK既

[ 本帖最后由 winkykan 于 2011-4-17 22:51 编辑 ]

真人秀，靓

记号，昨天慕名去了大笪地，可是没淘到什么呢，呃！