20110616  脐带绕颈一周添，宝宝你要乖乖自己转出黎啊！！

今日去罗B超单，医生话妈咪胎盘有D低啊，唔可以甘操劳，要休息下啦！

宝宝你脐带绕颈，系咪百厌呢，上星期狂踢妈咪既时候已经担心你系绕颈啦。。点知真系，吓亲妈咪啦！自己要乖乖转翻出黎啊，箍住自己好唔舒服架嘛！知道你会乖乖的～～

医生有赞你发育得好啊，要继续努力哈～～

妈咪考虑要唔要买个胎心仪，你有时唔郁得妈咪耐会惊呢！研究下先～～

2011030  呢排妈咪好忙碌，宝宝好活跃！

原来已经两个星期无爬上黎UPDATE啦！妈咪呢期太忙碌了，一系就唔好训！

话甘快就7个月了，感觉好似进入倒数阶段甘，见到自己个肚越来越大，宝宝郁得越来越好力，真系好奇特既一种感觉阿！

妈咪已经从M SIZE既衫转到L既衫，而家换到XL啦。。。其实除左前3个月妈咪自己重之外，而家好似系一个月重一斤甘重，其实系宝宝你自己重阿吗？要努力长大哦～

最近妈咪系时候入手买你D野啦！时间好似唔够甘，好多野要准备阿～～

20110705   进入第七个月，是时候准备BB用品同妈咪用品啦！！

好似好快甘，甘快就7个月啦！最近宝宝越来越有力，可以顶到妈咪震啦！

成日都顶我左边肚脐附近，鼓到成个包甘，唔知道系你既手仔还是脚仔系度顶妈咪呢？？你打嗝会系右边喔，甘系咪你个头系右边，左边系脚仔阿？最近连打嗝都好频密，多D练习有助以后呼吸阿！乖乖～～

妈咪已经陆陆续续准备D BB用品比你啦！陆续有黎阿～我地应该会翻婆婆都住，系时候买定床仔比你啦！还有衫仔！仲有妈咪坐月要用既野，突然间，好忙阿～～宝宝要乖哦！

20110714   继续采购BB用品！！拣床，BB车！

20110719   进入7个月，好似唔够时间采购甘啊！

话甘快就已经7个几月啦，好似好快就可以同BB见面甘！我而家先准备紧距D用品，好似有好多野未买甘，时间真系唔够用咯！

呢排夜晚唔易训得着，宝宝郁得都好犀利下，点训好似都唔舒服甘！不过一训着，我就训到唔想起身甘啊，朝朝起身都超辛苦！

中午之前就会肚饿，吃完午饭就开始好饱，唔想吃野。大家7个月既时候会唔会好似猫猫甘呢？～

最近公司又多野做，又忙住买野，入货，好似少左摸宝宝，同距倾计啊。。妈咪要检讨下，多D时间陪你先得！～乖乖哦！～～

20110803  晚晚都无觉好训，BB你早D训啦

最近几晚都无觉好训，仲试过眼光光到天光添！

睇书都知道话7月系BB郁得最犀利既时候，但夜晚你都是要训觉架，唔可以做个夜游B架啵！妈咪第二日仲要返工架。。。

希望今晚有觉好训啦！！

20110824   34周了！BB偏大哦，无问题啊，健康就好！

上个周末好密集啊！

先系去产检，妈咪居然2个星期重左3斤，明明就已经无胃口，都唔明点解会重甘多既，莫非系饮汤饮多左既原因？！医生话你偏大哦，又捉左妈咪去照B超，已经系第NN次照啦！需唔需要照甘多次啊医生，有辐射啦。。结果系偏大一周，我问医生有咩影响，答案系，无好大太多其实无问题既。。系咯！健康就得！不过我地都系要控制系饮食，阿B你出世7斤多D好啦，太重妈咪好难生哇。。

周末仲去左影孕妇相！虽然系团购，呢间工作室态度又几好哦，哈哈，爹地入镜都无问题！妈咪专登买左情侣装比爹地一齐着架，到时比翻你睇哈。摄影师话妈咪肚肚好大，大过距LP生既时候添：P，呢两个星期你确实大快左既，妈咪准备既影相衫都差小小着唔落阿，好在姐。

爹地仲带我地去小洲村逛，仑头吃海鲜餐，高德置地睇叮当，仲去左花城广场睇下小蛮腰，满足晒妈咪既愿望！平时妈咪无得散步，周末逛翻晒啦！原来妈咪仲几逛得阿，出世再带你去阿～～

20110910 妈咪好大懵啊，居然计错预产期，阿B你依然系大肥蒙！

突然发现预产期原来系计最后一次M既第一日，而唔系最后果日，原来妈咪一路都计错预产期，应该提早一个星期啊！

突然间所有野都好赶，买齐D野，准备走路袋。。。

去做胎监，阿蒙你好乖啊，次次都甘活泼，10分！不过寻日照B超，医生话你已经7.6斤。。。仲会继续长，啊，妈咪惊生你唔出点算，唔好长太多了啦，乖乖！

20110917  38周了！预产期又话系按B超计

继上次妈咪搞错M既计法之后，医生今次又话唔系按M期计，系按初孕既B超计，预产期依然系27号，甘妈咪咪休早左？！

依然系半入盆，依然话你好大只仲会继续长，检查无咩特别，无事下星期继续去检查就OK。阿B你究竟会几时出黎呢？会系处女座还是天平座啊？男仔还是女仔？好期待，又小小惊添！期待见到你，妈咪会怀念你系妈咪肚入面既时光呢！你成日都好活泼啊~希望你健健康康开开心心就好啦！妈咪有D惊痛啊，你控制系8斤以内好无啊？等妈咪易生小小哈！乖乖~

由于之前以为下星期就系预产期，那那声买晒D野，计计条总数，阿B，原来你D野好贵呢！！希望D野够你用一排啦吓！！期待同你见面啊！