记录同BOBO 5月24－27号迪士尼，one2free，sogo，新世纪的疲劳之旅，准备林峯演唱会
266315广州购物打折
cherrysugar5月24号到27号，4天的行程我们在4月头就已经策划好，要带女一齐去迪士尼玩玩了，原本的3人行，由于老公家人要探亲，所以变成6人行，但是非常不开心。
特别是在迪士尼玩，玩得很不尽兴，连同米奇米妮影相噤简单嘅事情都做唔到。
皆因我家公家婆“赶时间”，赶住出市区吃饭，烟花又看不到，好多要排队的都无玩到，搞到我同我老公一肚气，我老公话以后绝对唔会再同距地一齐出游。。
我女想同米奇米妮影相，系我地排队距地都有意见，总之我地都好嬲。
自己唔玩唔影相仲要阻住我地玩，阻我地影相。出发买票前，已经再三确认距地系咪一定要去迪士尼，唔去嘅话，大家可以分头行事。搞到宜家大家都有阴影。
以后大家有共识，唔会再一齐出游。主要系BB唔开心。
24号：晋逸精品酒店（铜锣湾）由于分开订嘅，所以价钱不一样，HKD630 HKD680 (因为之前无预同老人家去）
先去酒店入住，我地住铜锣湾晋逸，酒店好新，系携程订嘅。（原本系打算住迪士尼嘅，唉，总之一言难尽，以后唔同老人家出游。）订左2晚。
搭中旅巴士去到湾仔落车后，大家系元气寿司吃午饭，（我家公全程黑面唔吃野，我家婆点名话要吃日本野，因为距同事话好吃，我地之前话请距吃，距都话唔敢吃，吃完后猛话唔啱距吃）哈哈，我同我老公都好中意吃日本野嘅，当然无问题。不过，无左我中意吃嘅三文鱼饭喇。
吃完野去酒店check in，酒店好新，设施好现代化，我地住18楼，望到馬場，交通好方便，楼下有巴士直接去到亲戚屋企。行几分钟就到时代广场同sogo。
搞掂所有野后，我地先去时代广场果间one2free帮朋友买2部iphone4，一入HK就收到信息，HKD5188一部IPONE4，
就杀去sogo，依然系买左我用开嘅，keilh‘s 嘅金盏花套装2套，HKD385/套。
lancome 小黑瓶紧致果套精华，HKD620，其他化妆品无买到。
走左去看之前看中嘅agnes b，要排队，因为唔够时间，约好同亲戚吃饭，所以放弃，晚上先再看。
翻到酒店楼下搭105过红磡，去到黄埔花园附近个玩具反斗城，我带左个女入去选玩具，距第一时间就揽住只熊猫，不过有毛，我唔比距买。我女有鼻炎。
最后选左一盒lego积木，5000几块嘅，HKD470几。买左块写字板，HKD69。
9点几番到铜锣湾，我同老公当然继续去sogo喇，不过今次就去左买须刨，
飞利浦嘅，型号我唔知，9折后1200几。
跟住行左10楼个场，想买套床上用品，又有问题喇，唔知尺寸啱唔啱我地用紧嘅床，结果都系买唔成。
25号：迪士尼
大概9点几，我地先去饮早茶，原本打算唔去嘅，家婆打几次电话来催。
总之拖到去到10点9，看唔到开场表演了，跟住见到米奇米妮排队影相，当然我地影唔到了，原因之前讲左了。
先去租部车仔先，比女坐，乐园里边嘅车，HKD60租一日，每个项目入口处都有BB车停车点，
非常方便，每部出租嘅BB车都有BB名。绝对唔会沟乱。
我地系从火车仔－－吃中午饭——维尼熊——小飞象——旋转木马——睡公主城堡——森林河——明日世界（史迪仔、巴斯光年、过山车等），明日世界嘅休息区里边见到踩单车嘅博士个实验室，好得意。
休息区嘅树上好多雀，好多雀屎，滴到车仔都邋遢晒。
迪士尼大家都去过，我最中意巴斯光年同过山车，好好玩，唔晕嘅。之前玩亲过山车都好晕，里边嘅天际号靓。
史迪仔就系对话，我地入去果时，刚刚系普通话果场，就是外星生物与人类对话，呵呵，好好笑。未看到花车巡游。
最后系行美国小镇大街，买左D纪念品，2套钥匙扣，公仔好多了，所以无买。之后，一日匆忙嘅迪士尼之旅就完喇。
下次，再去应该都会N年后了。
出到市区8点，大家系茶餐厅吃完饭。我地又继续再战sogo。今次由于太累了，唔够半个钟番酒店，搞掂个女就睡了。
26号：星网精品酒店 HKD 630/晚
一早，7点几起床执野，要check out。
不过重点系要去同亲戚饮茶，一早，由于老公唔愿起身，所以家公等到唔耐烦，家婆上来催左好多次。
落到16楼间房，家公一开口就闹。所以搞到我地好无瘾，坐叮叮车过到西区，上环已经11点。
其实，我家公自己想见亲戚，可以去先，唔需要搞到噤劳气。
我老公又唔想去，明明可以睡到2点先check out结果又赶来赶去，原本已经累了。
所以搞到大家情绪唔稳定。。唔开心结尾。
check out之后，我地一家3口仲留系HK一日，所以下午继续买野。
不过凑住女，时间好快过，推住BB车，行sogo根本就行唔到。所以决定行去帮女买奶粉先。
我女之前吃开明治，好在之前买左好多，所以吃到宜家仲有2罐。
同老公商量好耐，针对我女体质，决定选Karikare比距吃。都唔敢买多，就买左4罐。
去左几间BB店看，BNM铜锣湾店就系酒店附近，好快就稳到。上到去好多货都无，仲见到店员帮紧人打包。
要6月初先有货番，查左其他分店都无我要嘅段数。无奈，打算27号去觀塘，商量左下，想参加间店嘅集購。最后，拿左张卡片就走人了。
番到时代广场兑港纸，去稳间citisuper 系one2free嘅店员介绍我地去买机壳嘅，话果度D IPHONE 壳好靓。
结果，女扭计，完全系要我地去另一间酒店check in 嘅时候喇。
今日嘅酒店系订左星网，都系携程度订嘅，星网比晋逸，完全唔可以比较，环境差好多，星网旧好多，设施好旧，唯一好嘅地方就系可以拼床喇。。。双床房，大双房，我地一家3口肯定睡唔落。
凑女睡了个午觉后。已经到左差唔多晚饭时候了。。。一日就噤过去喇。。时间真系过得好快。
晚餐系板长寿司解决，完全唔掂，出品贵，以件计算，觉得D野唔够新鲜，服务员少，服务态度不足，吃左DD就决定过番对面元气寿司度吃。。
继续sogo，再帮朋友买2套小黑瓶，帮女买小披肩，鞋，可惜都无看中，就买左奶瓶清洁液。
经过鹅颈桥街市生果档买左榴莲，行过惠康买左12文3个金奇异果，好奇片片。
27号：新世纪广场
12点check out后，我地继续行去sogo，行左上去买当日嘅特惠鞋，BIRKENSTOCK拖鞋，最便有HKD99，我买左对230嘅，再行过去看ans嘅小饰品，好得意，仲选左1个帆布带，一个波点丹宁布袋，好可爱，好中意。
见越来越多人，车仔推唔到喇，就无再去看guess2个袋仔了，1个590嘅蓝色侧褙袋，1个系520嘅粉红色小手袋。最后
荷花亲子， 帮女买左NUK嘅杯嘴，健康时代嘅米饼，可惜都无货，
去watsons 同惠康买左零食，具体唔记得喇，生完之后无记性。
楼的CHEVIGNON 帮老公买左件衫，9折，HKD491。老公仲想系度买个袋，不过我觉得900文一个袋，同普通背囊差唔多，实在无必要系度买。
例牌朗豪坊，H&M买左3条裙，一件衫，2件HKD99，2件HKD149，埋单HKD596 。
总结：
1、今次嘅出行，除了累之外，都系有好多收获，只不过，每一日嘅野都好凌乱，又分2间房住，部分行李由家婆拿番来广州先，所以，都无影到相。
2、以后，尽量避免同老人家一齐去主题公园玩喇。免得产生太多矛盾。
3、去迪士尼玩，最好可以提前一日到HK，第二日可以看到开场表演。一定要带车仔，系可以睡觉嘅车仔，或者住迪士尼嘅酒店。等小朋友中午可以睡个中午觉，差好远噶。
4、撞到正有sogo店庆嘅日子去，住系附近买野太方便喇。
5、发觉上年同今年嘅酒店相比价钱实在差太远了，一半都有。
6、可惜太累了，去唔到沙田，26号非常想去。不过带住BB都系唔想去了。。
2011/06/01
winniecheung
cherrysugar楼
