shirley892011-03-09
一早起身,准备验一下结果,一开始,真系无咩期待,因为之前试过几次都系无事,就求其咁摞住验孕棒,去厕所验了.唔知系米我本来就唔想知个结果,所以验嘅时候竟然显示窗去到一半,晕了,但显示嘅结果好似系阳性,咁即系---有咗.但系我霖,会唔会验得唔真确呢,所以我又抱住怀疑嘅态度,叫老公再买多一次俾我.检验嘅结果,又唯有推迟到听日了..
2011-03-10
唔知自己心入面始终觉得好似有咗咁,所以一早6点几就好似有d想呕,跟住就直接摞埋验孕棒去厕所,今次,我确定了..结果系..阳性,我有了!!我肚入面竟然无意中有个小生命系度,第一感觉---不知所措.之后,带住兴奋同唔知点算嘅心理行咗入房,然后同老公讲"baby,你要做爸爸了!"讲完之后,无电视入面嘅欢呼同喜悦,佢只系讲咗句,"喔,训啦,仲早."我系度霖梗,系咪老公觉得呢个系个坏消息呢?系同房一年几嘅时间入面,一直都无做安全措施,差唔多话想去睇睇究竟系边个唔得嘅情况下,突然之间怀孕了.之后,去咗医院睇,霖住照bc,睇下见唔见到个b嘅心跳,但系医生话太细了,暂时睇唔到,所以要隔1-2个星期先再去医院复诊.系未见到宝贝嘅时候,我不断上网翻阅关于怀孕嘅资料,有d人话胚胎因为某原因会停止发育,有d人话太晚着床可能未见到,有好嘅消息,有坏嘅消息,老公就一直叫我唔好睇甘多关于呢d嘅野先,到时去到医院再复诊.系呢段时间,我真系有被人捧着的感觉.我希望呢2个星期快快过,因为我想早d见到宝贝!
2011-3-22
今日,我终于去复诊了,去医生度开咗个腹部b超,因为呢次嘅b超同平时嘅唔同,所以照之前要先饮水,等尿急先可以照.呢次,我终于见到宝贝你了,医生话你一切都正常,有心跳了,听到之后真系好开心!虽然见到宝贝只系黑色嘅一点,但系,过多几个月,就可以见到宝贝嘅样了,真系好兴奋.医生话你6周大小,即系1个月多dd..仲有九个月你先黎到呢个世界,妈妈真系好期待你嘅降临!!之后要开始着手搞围产证了,宝贝要乖喔!!
2011-6-14
搞准生证搞咗好耐都未搞掂..都唔知究竟要到第几周先可以搞掂,好想快d搞晒呢d咁嘅证件,咁就可以去医院度预约睇b了,好好奇宝贝你嘅样,身体健康不..宝贝一定要努力成长噢,就算妈妈身体走样都无所谓的,只要你健康,就系俾我最大最大嘅礼物了.宝贝知道吗?自从有一次同你爸爸闹过一次交之后,宜家都好平静咁等待你嘅成长,你系我肚肚入面,应该都可以感觉到妈妈嘅心跳吧..自从妈妈系淘宝网上面买咗个胎心仪之后,我晚晚都有听宝贝你嘅心跳声噢~每次都140+,唔知宝贝你系男仔定女仔呢.不过,宝贝系男定女都好,妈妈都钟意,因为你系妈妈同爸爸一齐共同孕育的共同体..入面包含了所有的爱...当身体一日比一日肥胖,当皮肤一日比一日变差,我就知道,离见到宝贝嘅日子越来越接近了..加油,我哋一齐加油噢!~你努力地长大,努力的想睇到呢个世界,妈妈都要加倍努力噢!!~
2011-7-29
准生证搞掂了,宝贝终于可以名利言顺咁出世啦,好开心,今日系第三次产检,循例咁检查咗胎心率同宫高之类的,然后就验糖耐了,希望可以一次通过啦!医生之后就问我照咗彩超未,我话未,所以就开咗个彩超单,安排系8月1日照了,好兴奋又期待,但系,又有d担忧..希望宝贝可以健健康康的..
2011-8-1 至2011-8-2
终于到见宝贝呢日了,怀著期待嘅心情早早去到医院b超室外等号,因为最早黎,所以第一个就系我啦,入到去检查室,竟然系个男医师帮我照b超,照嘅时候因为佢系男嘅原因,所以都无太多去同佢倾关于bb嘅野,照嘅时间差唔多1个钟,宝贝系肚肚入面系咁踢黎踢去,可能个医师整到佢唔舒服吧,一个钟结束后,我问佢我bb健康吗?医师话我bb右肾有d问题,我开始担心了,报告要系检查室外等结果,听到呢个消息,我真系唔知到底系严唔严重,唯有等医师出黎俾报告我睇睇吧,最后,医师摞咗报告俾我.见到宝贝个样好可爱,但我继续往下睇.我见到之后,吓坏了..宝贝右肾有多囊肾?!我即刻搵主诊医生,但系医生要下午先上班,我就用手机上网查咗一下,有的人选择引产,有的人选择继续存活.睇到呢d,我眼泪忍唔住流了,宜家我只可以等时间快d到下午.途中去摞糖耐结果,宝贝很给力,真系俾妈妈一次通过了,但系就开心唔起.到咗下午,我挂咗号,去到医生到,医生睇咗下报告,佢即刻叫我去中山医,搵谢红宁教授再进行一次检查,佢话一就等结果显示,二就如果确诊,咁就要同屋企人商量bb的去或留.听到呢度,我成个人慌晒,即刻打车去到中山医去预约教授,去嘅途中心情一直低落,好想哭!
之后经过一番预约(因为识得人),检查安排到8月2日.翻到屋企,晚上点训都训唔倒,好几次自己偷偷系房度哭(因为老公系厅),老公知道呢个消息,都一直好关心我,佢叫我唔好霖咁多,等听日检查结果出了再霖,但系发生d咁嘅突发情况,我真系一时之间接受唔倒,呢晚,我失眠了,我知道咁嘅心情对bb唔好,希望bb体谅一下妈妈吧,我真系努力去俾自己训觉,但就系经常反复霖呢件事.
第二日,一早同妈妈,老公去到中山医,见到谢教授,检查时间唔到半个钟就可以了,不过之后佢写报告嘅时间好长,我系检查室出面等咗好耐,结果终于有了,医生话我确诊系右边单侧多囊肾,左肾没有发现问题,如果双侧多囊肾,要终止孕娠.宜家单侧,就要睇我哋嘅选择,因为情况会有两种,第一,bb的右肾的多个暗区会好转,随住时间的变化从而缩小.第二,bb生出黎之后,有可能右肾会受到感染,从而要微创手术切除右肾.即系话,bb将来最坏打算只有一个肾,不过正常人一个健康的肾就足以存活!我问医生,呢个症状系点出现的,佢话有可能系隐性遗传病,有可能系基因突变造成的,我同老公都无呢个病,点解bb会有?点解要发生系我bb身上?!睇到呢d我真系伤心到晕,宝贝系我肚肚入面已经25周了,陪咗我6个月了,每日都可以感受到佢系我肚肚入面郁动,心系肉做的,点可以咁忍心选择终止孕娠去引产呢?!宝贝眼睛,鼻子,嘴巴,手,脚都已经见到了,一个生命啊!带住呢个结果,行出咗医院,试问我应该点去选择?宝贝,妈妈应该点去做?我坚持将你留底,继续孕娠,但系老公就话凡是要霖最坏的打算,如果感染了右肾,切除了,怕宝贝之后左肾保养唔好,咁点办?!佢话怕将来bb受罪,怕病魔困扰,bb如果成日要进出医院会好难受,作为父母见到都会好心痛.我应该点做好呢?..我已经哭到眼肿了,bb,你可以话俾妈妈听,我应该点做吗?..
8月5日
本以为经过医生的说话能令家人支持继续妊娠，我一人坚持保住孩子，可惜，连老公也说要我放弃，很痛苦，为什么要发生我们身上，下星期一要安排住院了，我真的舍不得把bb引产下来，他是个生命，但为什么家人不能支持我，我已经身心疲倦了。
menyu
shirley89楼
抱抱lz。。。
pubaby
k_world
祝愿楼主一家健康幸福快乐！
millets
pigpigG
il2010
