你老公真犀利，，比着我5争取就算了，，同我做曬D嘢就得了

换个角度谂下咯，他地中意BB好过唔中意，你系个囡囡的妈咪系无人可代替的。这样你会快乐好多～

哇！你老公屋企人咁咖虽然我JGJP唔中意我生个囡，不过自从距地亲自凑个孙之后都好锡个孙。你要好好保重吖，我妈话后生熬坏咗，以后个身体好差咖

唉！没办法啦！我嫁过去之前都同果家人相处过都没问题，点知就反去坐月一个月吾够就吵架，吵架就吾煮我饭，果家人自己食完就各自找节目，先吾理你生死，当时我抱住个仔打电话话比我老公，哭到收吾到声，我老公都心底到哭左，打电话反来同距老豆讲，唉！点知人家连电话都吾听。激到我老公死感吖。难为我之前对个死老鬼感好，物都买比距，每个月吾系度住都比足生活费。结果就得反这样的待遇，事到至今我老公生活费照比，只不过就心淡到连叫都吾想叫果的人…所以楼主相比我，你算好了。我以家腰酸痛，都睇紧中医家…

     今日睇咗到一个妈妈噶贴“家婆带孩子，老把自己当孩子她妈”，我突然好感触。     谂起自己当初坐月噶日子，真系好想     今年大年初二，我返外家拜年时个肚痛到不得了，所以妈妈同老公马上送咗我去医院，办好入院手续之后先知道系假作动，不过医生话BB随时都有可能出世，安全起见，都系留院观察。老公好担心，于是就叫我JP送待产包俾我，点知JP一入门口就问我：“你今日痛果阵有无急屎噶感觉？” 我话无，然后JP话：“既然无就唔使咁快入院啦，使咩咁紧张吖。我果阵都开咗两指先入院吖，果阵交通仲要无咁方便呢。。。。。”又讲起距生我老公果阵噶嘢。我无出声，唔想讲太多嘢费事有矛盾。不过当时我入院三日待产，我JGJP都无嚟望过我一眼。我妈话返我知，我JGJP同距地讲话我太紧张啦，小小痛就入院，又要送饭，几麻烦吖咁。我妈同距讲痛到眼泪都出啦，入院好正常，我JGJP无晒嘢讲。      入院三日后由于未生得，所以都系出咗院。      大年十六零晨，破咗水，羊水太浑浊只能剖腹，当我生完阿B之后，我JG就无再去过医院睇过我一眼。住院8日，每日早晚两餐都系我妈送过嚟噶，每日6点半我妈就会准时出现响我床前喂我食早餐，晚上送完饭睇住我食完先自己返屋企食饭。由于日头要返工，中午果餐就由我老公送饭俾我，有时抽唔到时间就会我JP送嚟，不过每次唔系12点半就系成点钟，我妈好有意见，话太迟食午饭对我唔好，不过我老公话JP又要买菜又要煮饭俾我，好辛苦了。我妈呢？咁我妈每朝四点半起床煮饭呢？送完饭仲要返工呢？然后落班买菜再煮饭送过嚟等我食完再自己食呢？仲要连D护工都话早晚两餐同中午饭菜好大对比，话我中午食噶嘢根本就唔会有营养，早晚**变换口味煮唔同噶嘢俾我食，而中午全部都系梅菜猪肉。       出院第三日，我就要帮阿B冲凉，13日我就俾我JG指住个鼻嚟闹到喊，14日我就同阿B返医院护理肚脐，中午食完嘢噶碗筷好多时都系我自己洗返，阿B出世22日张被仔污糙咗都要我洗噶（乜嘢叫坐月唔好湿水，唔好吹风，唔好流眼泪？我都做晒）。刚出院时，我妈担心我，于是每日落班都煲好汤送嚟我饮，但系我JG同我妈讲每日都有汤水，唔使再送过嚟，距地对我好到不得了，有时仲会话我JP果阵坐月，连热水器都无，要放个煤炉入冲凉房冲凉咋，果阵夏天又补唔到，只系距养咗好多鸡，每日都只能食鸡食蛋，食到我JP都惊，点似我坐月咁好，咩都有得食！之后我妈腰痛就无过嚟，于是我就每日白菜、节瓜、梅菜猪肉送饭，哦，仲有鱼！我最怕食鱼，有时仲要两碟鱼，隔餐又隔餐，我老公同我JG讲唔好成日整咁多鱼，我JG好大声话：“样样都话唔食，你自己买送啰！唔买鱼，你妈食咩吖？你估净系顾你地吖？你妈净系中意食鱼咋！咪净系识得顾住你地自己先得咖！”由头到尾我都无出过一句声。       坐月果阵我只食过两次炖鸡，一次系我妈要求噶，一次系我妈买好鸡叫我JP炖噶。坐月后食过距屋企两次茸，第一次炖好一家大细一齐饮，然后D渣翻炖又一家大细饮，所以就呢两次！其余所食噶补品都系坐月后返外家住噶果个星期食噶！爸、妈好好，每日参茸咁成只鸡炖俾我食，问到我坐月果阵食过咩，距地两老喊咗77" />我爸好嬲咁话：“未生之前又话买咗几多茸几多参俾你生完之后食，又话一定要补，补到流鼻血都要补！点知依加鼻血就无流过，眼泪就一地都系！，当初护士一抱个BB出嚟话系囡噶时候，我就见到你JGJP噶表情噶啦，我当晚就无瞓过，惊你无好日子过，点解真系乜都无得食”      由出院到阿B三个月大，日夜都系我自己凑，阿B夜晚喊到声都沙晒都系我自己锡自己抱，抱到零晨三点、四点都系我，当然，有时老公会帮下手，但系我JGJP话距个仔好辛苦，日头要返工，而我呢就日头可以瞓返日夜都系我自己凑，点瞓吖？阿B瞓得好少，有时一个钟左右就醒，然后又大喊。仲要有时阿B瞓咗，距每次出出入入门口都大力关门，仲有一等我老公返咗工，距就“砰”一声打开我房门，我关返，距又开返，然后又开电视鬼咁大声。有时阿B喊到咩咁，我JG就会话：“你个囡喊啦！”有一次我太攰，无抱到，我JG就闹到我咩咁。仲要我JP话凑BB唔辛苦，我JG成日出差，距果阵都系一个凑大我老公。后来距同我老公讲话每晚12点前都会帮我凑下，我就唔使做唔到自己嘢，但系果阵每晚10点，距房门都会准时关上。有时有亲威嚟探阿B，会话我JP唔会我好好休息，要多D瞓床，唔会以成日坐同企，我JP居然话系我唔听距讲，成日企住我根本就休息唔好吖，所以直到依加我条腰都未停过痛，我老公话系因为我缺钙，而我妈就话我坐月坐唔好噶后遗症。      当我就快返工果阵，JP就成日系我耳边讲凑小朋友好辛苦，叫我等阿B一岁先再返工，咁我无收入，我点过日子呢。于是我无理距，阿B三个月时我就返工了，不过我都系日头返工，夜晚凑阿B。      日子耐咗，阿B越嚟越得意，距就好中意阿B，成日都想抱住，都唔舍得放手，之后阿B冲凉，阿B换片片...阿B要搞咩野...我JP都抢住做，有时我想抱下，距都要挣，有一次差D整亲阿B，次次都甘...真系当我呢个做妈妈噶系透明噶，除左阿B食人奶，距先会逼不得意咁俾返我，我JG仲过份，见人就话最锡阿B噶系阿嫲，阿B最中意跟嫲嫲。食饭果阵我或者我老公抱住就话距个孙好乖，我地唔识凑，要阿爷阿嫲抱先得。       阿B又是非常容易醒，有小小动静都会醒，我JP就会抱住阿B瞓，而我抱住又叫我放低距，但系每次见到阿B睁开小小对眼仔，就抱起距，其实有时可能下一秒阿B就会瞓返。最嬲就系我地每日一打开房门，JP就会冲入黎，抱起阿B，叫阿B同距讲：“嫲嫲早晨”又问有无屙臭臭吖？乖，珺珺好乖。阿B伊伊呀呀讲几句话，JP又话，你睇珺珺同嫲嫲讲野呀，最辛苦果阵无人理我，依加大咗，好玩咗又同我争，好烦

我家公家婆同老公家姐和你家2个极品一样，话BB不吃奶粉因为奶嘴细，偷偷把奶嘴剪大了，无知

世上只有妈妈好，呢句说话我结婚后深深体会到。家婆同你是无血源头系，难听讲句是外人，呢D无得计。算啦睇开D，起码依家她对你女好就算了。

系吖，我都选择唔理，唔出声。不过可能我占有欲强，我唔中意个囡越嚟越粘距阿嫲，每次见到距成日只望住阿嫲，成日对住阿嫲笑，我个心就好酸

唉~睇到楼主既贴都心酸啊！世上只有妈妈好啊~我JP好忙既，坐月果阵都系日夜凑既，好在我JG负责我食方面既，所以日日都食5，6餐，不过日夜凑真系好辛苦，坐月果阵真系想返阿妈度坐，但系又惊俾人话巴闭，而且我妈又话唔好返娘家坐，所以就甘坐完月了。依家都系一觉得累就返去阿妈度住返个来星期，休息休息！

同感,同感...BB认得阿嬷,同阿嬷笑,讲野时...我的心真的非常酸...吃醋兼无奈呀...

看完好无语。虽然我JGJP没有这么刻薄，但直到现在我BB8个几月了，他们都没有来看过一眼，还要求BB百天时回老家去摆洒请客。没有办法，带着三个多月大的BB坐高铁回湖北，一趟来回，小BB不知道多难受。但天底下就是有这样嘴上说爱却又行动不能理解的爷爷奶奶。。。。。