但係有D嘢，真係唔习惯

如果唔係我妈有心脏病，唔可以太操劳，我都唔会拣番黎奶奶度坐月，因为我知道我同她肯定唔夹

果然不出我所料，刚刚出院果日，坐係架车度，她突然间话睇到我个鼻入边有鼻屎，跟住攞住我用黎抹汗的毛巾就要同我抹，哗，大佬啊，咁样抹完我仲使攞黎抹汗嘅？

呢D咁嘅天时黎坐月，就算我成日坐晌空调房都仲係一头汗，出院果日如果唔係我坚持，她都唔会煲姜水俾我洗头，但係咁又有咩用呢，自从果日洗完之后，成个几两个星期我都再无得洗头，依家我头又痕又成阵汗味，都唔知点见人，连我自己都顶唔顺，唯有日日冲凉果时偷偷地用毛巾抹下头，不过都係杯水车薪，根本解决唔到咩问题

仲有啊，我女女成日晚黑先黎扭计的，有几晚搞到我两公婆成五六点先训得着，跟住七点几她例必叫我起身食五更饭，成个砂煲咁样拎入房叫我食，係成个砂煲啊，加埋鸡酒足足有四五碗嘢，话叫我食完先瞓，阴公，食完都成个人醒晒啦，仲使瞓咩？如果净係咁样都算啦，果日朝早她直情打开蚊帐，成个头伸入黎咁样叫我起身啊~你哋谂下有几惊吓吖~好彩我同我LG係瞓紧觉而唔係搞紧嘢遮~~~

仲有仲有，我女女哭果时，她唔係第一时间抱过黎俾我，或者哄她架，而係猛咁话“哭啦，哭都可爱”，话要等她哭多D，肺活量都好D咁话喔~我女女一哭起身就拆楼咁架，我听到心都赤埋，而她次次都要等我女女哭到声都拆先算数架~

我知我奶奶係好人，日日又煮又洗咁服侍我两母女，之但係……唉……我都唔识讲……