果附近啊，最出名就系晓港地铁站口果间加加牛杂咯，牛骨牛肚都几好味架然后地铁站同加加牛杂中间果条路仔一路行入去，大概100米左右，你会见到右手边有一间比其他楼房都矮的小房子，卖蔗汁的，我以前买系5蚊两樽，宜家唔知有无贵到，不过就系即榨的，食完牛杂饮翻支都唔错小房子之后就转去右手边，直行，过两个路口之后就到细岗了，以前有间潘仲明，D凉茶好有新意的，什么薏米柠檬水，美白的，仲有好多比较MIX的，都可以一试，不过宜家仲有无都唔系好清楚，我都系以前系果边返工的时候去的，哈哈跟住系个山坡顶转左就会见到间7-11，对面就系呢档豆腐花了，里面D粽同咸煎饼都好好味的，可以一试然后顺住条路直落，去到晓园中学对住果条路，转左往什么口腔医院（PS：就系信和斜对面果间医院，我唔系好记得系咪口腔医院）方向行，留意右手边高出黎果几间店铺，有间叫御茶坊的，里面D蜂蜜红茶好好饮，3蚊还是4蚊一杯的，好平然后转翻出去之后，仲饿的话，去天成食川菜喇，哈哈写到手软。。。

嘻嘻.好详细哦~~ 谢谢!!不过还想问清楚点~ 就是.晓港地铁的哪个出口啊?

不好意思，忘记说了，应该是D，如果我没有记错的话，因为很久没有回去，所以不是很记得，但你问问加加牛杂就几乎每个人都知道的，哈哈期待你回来发帖讲讲食左D咩吖

嘻嘻~ 谢啦~ 明天就出发~ 哈哈

我更喜欢濑粉，3块，饱饱的，

个日我同老板娘讲，你威水啦，妈网话你间店平靓正喔。老板娘拧晒头：“唔好，唔好，人怕出名猪怕肥，出名唔好。试过有记者揾我帮我宣传，我都唔制。”我话：呢个唔系要钱的宣传，系人地食过话好先至介绍的，证明你出品掂。不过老板娘的确好开心，话距地野真系货真价实的，真系全手工做噶，而且价格都系街坊价。距话在赤岗都开左间分店，好似话烟厂个附近。我地叫距招多D人，距话：力不到不为财，自己做先放心呀。

哈哈...距的确唔识上网，就问左我系咩网，话叫距仔上去睇下喔，不过就唔知揾唔揾到了。小本经营，服务、环境真是不怎样，但食个放心，早上好多返工的都会帮衬。我见你去食过韶关鸭五件，好似讲得嘛嘛地喔，仲谂住去试下添。