在家的时候不知道宫口开了，以为要很久很久，真的很想剖了算了

一上来收到好多阿姨送的花花，多谢晒，暂时唔一一回复住，上生产记先：十月一号，我终于唔洗得自己一个系屋企，lg休假，jgjp系惠州过来。。。为我生做准备。。。早上起身，觉得宫缩果阵个肚坠坠地，有D来m的感觉，问老公，我是米就生啦？不过唔痛哦，佢话，是啊，你成日都就生嘎啦，事实上你就是就生啊嘛。。。我ycq是6号。。然后就好似平时咁，冲杯蜂蜜饮下，煮咗个米粉，然后上网，等jgjp过来。。。期间宫缩都是有坠坠的感觉，慢慢加强，变成痛经feel，又唔算好痛。。。中间有几个钟消失咗，我谂，果然未生得。。。下午又来翻，训醒个午觉，我老妈子都过来食饭，仲话听日早上一早去饮茶。。。我仲是间唔中带痛经感的宫缩，有时10分钟，有时20,30分钟都唔定，但是每次都是持续1分钟以上的大家都话，应该呢两日生嘎啦，天啊，已经觉得唔是好舒服啦，仲要持续一两日啊？于是我食完饭就落小区散步，慢慢行，居然就行左1个钟有多。。。送走妈子，准备训。。。一边上网，顺便记录下宫缩，好似都是10分钟上下就一次了，痛感有加强。。。同lg都有d兴奋。。。呢个情况持续咗一个钟之后，我地打个电话去医院，医院叫我地去入院，话反正你个肚痛，都训唔到。。。我地就好兴奋咁，执嘢，将之前准备好的简易的待产包带住，同jgjp打声招呼，就出门了，12点几，条街无乜人，我仲问lg，好唔好去坐夜班车，反正咁近，同打的差唔多。。。佢话，你去生仔啊，坐乜夜班车姐1点去到，d姑娘见我咁精神（奇怪，唔知是米兴奋，好似一路上都无乜宫缩了），都唔多想理我，叫我lg去挂号，打发咗我入产房区做胎监。。。结果是，我宫缩既唔强又唔规律，又无见红，宫口又未开，加上医院无床位，要住就要加床，医生建议我翻屋企等宫缩规律再来，反正第一胎一般比较耐，佢所谓的规律是要，每次宫缩间隔固定，4 5分钟一次，每次宫缩持续时间都是要固定，例如40s咁。。。于是我地又翻屋企，觉得好傻。。。兴奋异常咁去医院，结果俾人赶翻翻去。。。翻到去，整下呢样整下果样，准备训教留体力，结果我个肚开始痛，训唔到，呢种痛比较强烈，尽管我好想训，都是训唔到，3点几，眼光光，去厕所，见到有d粉红，我知道传说中的见红来了，不过未到好明显，先垫个护垫。。。翻去继续典。。。后来慢慢加强，我开始用呼吸法，但是觉得无乜用，实在唔得，我踢醒lg，话佢知我痛到训唔到，不过因为刚刚先俾医生赶翻屋企，我都是忍，等到规律再去吧。。。然后就一痛就话俾lg听，问佢隔咗几耐，有时4分钟，有时5分钟，有时又10分钟，我根本训唔到，典床典席。。。训系度唔得就起身行，同lg讲唔生了，又话，不如挪我去汤啦，汤咗我啦。。。但是又谂，我都痛咗咁耐，而家汤未好唔抵？要汤就一早算好时辰汤好过啦。。。好，我忍，到3指就可以打无痛嘎啦。。。个天开始光了，lg话，不如去医院咯，我话，但是未规律哦，有时4分钟有时5分钟哦。。。lg话，咁你痛成咁都唔是办法噶，去啦。。。于是我趁唔宫缩的时候马上着衫，执野，扰攘咗好耐，jp话一齐去，就过去医院了，系屋企到上的士，一共停咗3次，一次系电梯，一次系小区条路，一次系小区门口，弯晒腰靠系lg身上，乜嘢呼吸法我都乱晒，变成嘴吸气鼻呼气。。。落的士又系医院门口宫缩一次，真是行一步都困难，好彩早，无乜人。。。6点8个字到医院，D护士见我又来，直接叫咗我入产房区做胎监，我挪咗支水，手机，外套，同埋纸巾（对上一次胎监的经验话我知，呢个医院的产房最缺乏纸巾），我以为就入去做个胎监。。。点知我一个入去，再出来就两个了。。。我唔知点解，以前做胎监，都是侧躺的，但是两次系住院部做胎监，都是要平躺，对上一次还好，无咩feel，但是如今我好痛，平躺是好难的事。。。一遇上宫缩，我真是忍唔住想弯脚。。。就是因为咁，胎监做得唔好，测唔到胎心，又要重新来，有个貌似是医生的人，入来睇到话我有一次几好的宫缩，点知我重新来，好唔容易做完，佢话宫缩又唔好了，都唔规律，又唔强烈，偶滴妈啊，痛死俺了怎么还不强烈啊。。。怪唔得佢见我宫缩好痛仲一直问我问题，乜乜最后一次月经几时，做过几次产检，问咗30个问题都有，有d答咗，又问多次。。。终于等佢问完，佢好似勉为其难咁帮我检查宫口，一检查居然开咗3指了，淡定姐终于唔淡定了，呢个时候我又宫缩，佢死叫我俾佢检查埋个宫颈，就是要双脚分开，两手抓住膝盖，佢就系外面按，小腹下少少的位置，我无体验过传说中的肛检。。。仲有就是量我的盆骨够唔够大。。搞掂佢好快就走了，话要叫我lg即刻办入院。。。突然效率高咗好多检查出开3指，也就是7点15分左右，我发短信俾老公，叫佢买产妇垫同埋挪D嘢俾我食。。。我觉得带手机比较必要，可以分散下注意力，发下短信同出面等的亲人通气。。。隔咗差唔多半个钟，又有人来睇下我，帮我检查宫口，开7指了，佢就话佢去布置产床，好了叫我过去。。。5分钟唔洗，我就过去了，两张产床并列摆，入面果张有个mm生紧bb，到最后产程了，两个助产士系度叫佢大力D，我觉得训住宫缩比较辛苦，所以我选择坐系产床上面，面对住佢，睇佢生，打算临急抱佛脚。。。D助产士问我要唔要出去坐，怕我睇住人地生会紧张，我话唔洗。。。（以前好怕睇生仔的视频，不过到咗自己生，觉得个人勇敢晒，无咩惊的了）通过对话，原来个mm已经是第三胎了，不过d助产士话个bb头硬，好似第一胎咁，生得一D都唔轻松，我见到咁，系心入面做好困难的准备，然后通过睇佢，学习用力时候的呼吸。。。呢个时候我的早餐到了，其实就是我自己摆入待产包的一支朱古力奶，一包饼。。。因为宫缩，我食好耐先食两块，宫缩又来了，我怕一手扎碎D饼，打算放低，点知全部跌地上了，可怜的我，一晚无训，先食咗两块咋。。。隔离个mm呢个时候终于生咗个女女，系佢地忙于清理个bb的时候，我开始觉得有想屙屎的感觉，同佢地讲，佢地叫我训上产床，呢个时候大概8点10分到，有人过来睇我，吸氧，帮我导尿，打吊针（呢个时候我仲有心情问佢点解要打吊针，佢话防止我阵间大出血）然后抽血（我依然好有心机问佢点解要抽血，要来做咩，佢讲左，我成功挽救咗我两桶血，因为我记得我之前抽过了，只是而家节日，佢地未挪到我的病历，睇唔到入面D数据），破羊水，我问我宫口开咗几多了，佢话开晒了，我可以用力了。。。每次肚痛就大力吸一口气，然后憋住往肛门方向用力，下巴往胸口贴，肚唔痛就休息。。。跟住就走开咗。。。呢个时候我的早餐+红牛+kinder朱古力终于送到，不过我已经上产床了，lg的短信都无心机复了，佢地喂咗一只包俾我，我就无心机食了，一心一意就想生仔跟住D助产士走开晒，一个系度帮我写资料，背住我，然后就是刚生完的mm仲训系隔离，我就自自觉觉咁，一肚痛就用力，每次争取用3次力，唔知道我咁孤孤零零用力咗几耐，帮我接生的助产士过来了，叫我用力耐D，大力D，我心谂，蕉皮啦，平时无乜运动，以前体育最差800米，肺活量次次都肥佬，我会唔会唔够气噶。。。佢每次叫我长D，都是我就无气的时候，真是肺都榨干啊。。。我谂起系mw睇过一个生产记，因为用力唔啱，生得耐咗，bb个头挤压到，要去新生儿监护，我谂起怕怕，惊自己都要咁，惊要钳产。。。惊整亲我个b。。。于是我比较唔道德咁，偷偷换气，就是吸一口气憋住，用力，然后就无气的时候，唔呼气，快速吸多一口继续用力。。。哈哈，唔知是米有用了，好快D助产士开始执嘢，我见到佢地手脚好快，又叫人帮手，我知道我快到最后产程了，太好了呢个时候，佢就开始叫我唔好咁大力，但是其实细力仲难过大力，要忍住道气。。。慢慢放。。。我feel到下面扩张紧，feel到有嘢出来，但是佢地唔俾我用力，痛苦到死，后来我仲问可唔可以唔侧切，因为佢地话我b唔大，我宫颈口都可以，不过佢话怕我裂，会开个3公分以下的小口。。。好啦，肉徐砧板上。。。听专业人士的啦。。。打麻醉是一支针长长插入去的，难受，不过侧切是几时做的，完全feel唔到佢话，到时bb头出来了，我叫你唔好用力，你就哈气，方便我地清理bb的羊水，唔是好容易积到羊水系肺，话我配合好，对bb同妈妈都好，之后可以用力了，再用力。。。跟住我就feel到bb个头出来了，即刻哈气，唔用力，佢地话得，再用力，成个bb都出晒来了。。。哈哈，任务完成般。。。9点18分。。。上产床一个钟多D。。。抬起手挪起手机，发条短信俾lg，话佢知生咗了，佢问我仔定女。。。哦，我都唔知呢，跟住我问忙于帮我清洁bb的助产士，佢问我想要仔仔定女女，我话无所谓，佢话是个男仔，话阵间会俾我睇，叫我自己讲出来的。。。跟住我本住眼见为实的理论精神，发短信话“听讲是男仔”，因为呢个“听讲”，我lg都唔敢同屋企人肯定。。。哈哈，然后佢地抬起bb个petpet俾我睇，我第一个感觉是，乜个蛋蛋咁红噶。。。之后去称，整整6斤。。。嘻嘻然后就是排胎盘，会压个肚等D血出来，呢个都几唔舒服，跟住是缝针，呢个都几痛，唔是好中意，我叫佢地俾个bb个吸乳头，顺便转移下注意力，因为缝针都几痛噶。。。不过我个b懒，唔肯吸。。。是，我是未有奶，你都俾面吸两下啊。。。用手机拍咗bb的第一张相，[图片]发彩信俾lg，后来lg话，佢睇到的第一感觉是，乜咁丑样噶，鼻又mie，嘴又mie。。。猪啊，人地训住拍，有地心吸力噶嘛。。。两个钟头之后，我终于可以出产房，抹干净的bb仲是有D眼肿肿呢。。。[图片]第二日，我终于成为一只奶牛，虽然奶量仲未够。。。[图片]第三日，终于住入病房，唔洗训加床啦。。。[图片][图片]第四日，我出院啦，训上屋企张大床仔。。。[图片]10月6影的。。。[图片]10月7，已经7斤啦[图片][图片]小小心得：个人觉得孕期的运动对生产的帮助占20%左右，个人的条件比较重要，但是孕期注意运动，可以帮助控制体重，心理上面都有帮助呢。。。我个人比较懒，楼梯只是爬过5次，每次爬10层，通常前5层比较有动力，后面基本爬一层休息一下。。。个人本身体力唔算好好，唔爱运动。。。爱宅家。。。但是怀孕以后会行下街，散步是jp陪我先肯去，但是每次出去行街基本就行一日了。。。然后中期有游水，呢个听讲帮助好大，我只是游过4次，因为无人陪，不过游水的时候觉得腰舒服好多。。。是孕期最舒服的运动怀孕期间要控制体重，bb好叻的，即使妈妈唔食嘢，佢一样可以吸收营养的，身边可能有老人唔赞同，感觉大肚婆唔是成日食住，变肥，bb就唔健康，可以尝试沟通，带老人家去听下课。。。而家营养好，再补bb好容易变肥b了。。。根据下自己情况，想顺产，自己又唔是大只，即使大只，盆骨唔一定就大的，就更加要控制下了，我bb出生6斤，昨天称，才过了5天就6斤8了。。。住院期间隔壁床的mm，顺产生了8斤多的，但是到我出院她bb还在新生儿监护，因为是巨大婴，呼吸不好，还有黄疸，佢本身就几日无落过床，好似人家剖腹产一样，系床上面小便，因为伤口切得超大。。。平时系mw见到好多mm问乜乜乜食唔食得，其实我觉得呢个睇个人体质，有人受得有人唔受得。。。如果本身未怀孕的时候食得的嘢，基本怀孕之后都可以适当咁去食，唔洗咁紧张的，唔好食过量就得了。。。

悄悄问一句楼主现在多少岁拉？你生产的过程那么顺利，是不是因为年龄比较小啊？