发紧帖，哈哈，比你插队了。。

中午大概12点15分左右去到，唔知点解，我发现正佳7楼D食肆多数都比较少人，无关乎环境&味道，唔知点解呢？









因为系三个人去食中午饭，所以都唔太奢侈喇，见距主打靓汤，理所当然地要点翻一煲喇，因为每日推荐的都唔同，价钱由48到68都有，小寒表示苹果雪梨距唔食，花生鸡脚又唔中意，于是系众多汤款里面拣佐五指毛桃煲龙骨，皆大欢喜，哈哈。汤的味道很清甜，五指毛桃的药材味很突出，据说对支气管炎同气虚都有功效，所以我都饮多两碗了，不过当日我发现D五指毛桃的形状好似树根啊，真系第一次认真睇。

随后点佐两个菜，分别系红酒汁烩牛仔骨同埋肉碎浸凉瓜。





牛仔骨烩得好入味啊，D汁用黎送饭刚刚好，不过D牛仔骨就真系有D老咯，又韧，好在同台的都系女仔，未先就真系食得样衰咯。不过份量唔多，三个人，一人两件就瓜分晒了。系垫底的洋葱显得份量比较多而已。

饭的话都唔系单纯白饭甘简单，里面系有一D番薯同香芋粒的，好有粗粮的感觉，比较健康，而且系用钵仔蒸，感觉会比较好。

现场环境系几好架，小桥流水，鸟语花香，讲真，里面个雀笼真系有养雀仔的，不过我唔好意思行埋去影，哈哈
PS：今次呢餐唔带相机出动，食得唔系几开心，不过好在有小莉同学仗义借出手机一部以供拍摄，哈哈，谢谢观赏。

三个人，一共188

D汤几好饮啊，老火靓汤，哈哈
壹仔妈系体育中心呢边返工么？

收入唔高啊，但系都要满足自己个胃架嘛

上星期很悲催地几乎每日都系以呢个价格出去食
今个星期要勒紧裤头，中午带饭算了

无盐焗鸡啊，唔好意思

还可以啦，系煲汤比较贵咯

因为只有三个人食饭啊，系甘上下了，哈哈

耐唔耐有D汤水润下系几好的

哈哈，所以好容易就变左个肥妹仔了

汤料都OK，味道系几浓郁的，唔错

康王的经过好多次，但一次都未去过，哈哈
估唔到黎呢间试先

系啊，不过有时又懒得自己带饭啊，所以一个月的粮多数就用系呢方面咯

嗯嗯，系啊，D汤都几好饮架
话说你个头像好醒目啊，一认就认到了，心形眼镜啊，有型，哈哈