你有无系BB间房度请床头婆，床头婆是专门保护BB同埋产妇架！

     阿B仲有一个星期就2个月了。     早两日起有D感冒，食左医生的药都无咩效果，夜晚比以前仲要难凑，前晚从10点半一直喊到1点仲不断呕奶。点氹都唔肯，而且严重呕奶。距喊都系放声大哭的，唔系肚饿，又换左片片的，成家人都束手无策，到左一点时简直系往死里哭啊，那种哭法我从来没看到过的，看着都很心慌，讲句唔好听，我真系怕距会呼吸唔过来而窒息啊。最后可能系喊累左，我慢慢扫距背，慢慢抖下距，距先肯训，但都训唔稳，一定要枕住大人只手臂训。到左琴日下午又开始闹，喊左成个几钟，见到都心痛。我奶奶就话，唔知距系米比D唔干净的野缠住，因为距好容易被惊醒，一DD声音都会吓醒，有时自己会突然大叫一声，跟住又喊，要大人抱住慢慢氹距先收声的，几乎每日夜晚10点就开始哭闹的，最早都要喊到12点先收声，有时半夜都闹2个钟先肯再训。本来我同奶奶都唔多信呢D野的，但为左阿B无办法了，唯有信。    于是当日下午就叫左一个神婆翻来睇家宅，神婆话我地屋企阴气重，对BB唔好，BB会唔安宁。跟住同我地拜神，赶小人，赶鬼怪之类的，一边拜一边念念有词，仲比左道符比啊B袋住。。。。。到左夜晚10点，阿B真系唔喊了，食完奶就训，中间就醒左一次食奶，就甘一直都天光再食奶了，一直到今日夜晚阿B都好乖乖哦。    都唔知系米真系甘有效，但事实摆在眼前，不得不信啊，有时呢D野真系信则有，不信则无咯。希望之后阿B都可以乖乖的啦！