昨天，朋友约食饭，忽然想起电视介绍过豪贤饭店嘅羊肉好正宗，一于就去试下。其实以前成日嚟豪贤饭店食饭嘅，就系冲住倨个豉油皇猪手，真系好好味喔。
       去到一睇，咦，个招牌写住姐妹豪贤饭店嘅，应该宜家系换咗老细了。上到二楼，一股臭味扑鼻而来，朋友话系老鼠屎同老鼠尿味，即刻就想走人了，等唸下，哎！间间餐馆都系差唔多架啦，忍忍就算了。想点羊肉，一问，要晚餐先有，扫兴！咁就只好点菜啦，点咗半只所谓清平鸡（菜牌写住系原清平饭店师傅做嘅,其实徒有虚名，鸡肉毫无弹性求其搵间都做得比倨好）35文；拆骨猪手25文；面豉酱蒸茄瓜20文，一个所谓招牌煎面18文。上咗个猪手后就唔见其他菜上了，本来只鸡应该系现成嘅，都唔知点解要等咁耐，好唔容易上齐菜，都成点钟有多了。菜色仲中规中矩，但服务就太差啦，尤其系有个中年男人，一副唔忧做嘅样，叫倨写菜，一副爱理唔理、好唔耐烦个死样，勉强写好菜，叫倨挪二个酒杯嚟，倨睬你都傻，最后仲系要自己动手。唉......今时今日咁嘅态度，想发倨都极难来了！
        最可恨嘅系，到二点钟就落逐客令了：快D埋单了，我地收工啦！跟住就关灯，哗！#￥%@！咁嘅态度，我地就即时问候倨啦，倨好唔情愿先去开返盏灯。唉！睇嚟以后都唔会再去帮衬倨了......
        真系唔明白，居然电视台仲介绍倨间店喔......